Jerimaya 24:7 - Ạḍinya Iigbia

⁷ Mị kạngo ni bịdi ḍịḅeeraan olegheriom mọ mị kụ Ọmoogh-we phọ kụ bịdi ogbi oḍighi awe ạmi, kụ mị aḍighi Ẹnaan ạbidi, loor esi dị bịdi kotighelom ni esi ạmi rꞌoomo ologhi phọ ạbidi.

Jerimaya 24:7 Iomraidhean Croise

2 Krọnikuls 6:38

Eḍighi ịyaar dị ẹpe ade phọ ạḍiphe bịdi ọkar ri okiton rꞌoomo ologhi kụ ọoḅereghi nyịna ịdipho bịdi ropogh bọ de phọ ạḍien nạ ạngo bọ bụrude ạburude ayoor, ẹmha phọ ẹphen nạ mạsaḅar bọ rꞌOtu Ịiḅereghi phọ ọphon mị mạlhoghonaan bọ nyịna,

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Azaya 51:16

Mị kụ ụreghe bọ amitiom sịke phọ kụ aphighi bọ ephighiom ade phọ ạkparami; Mị ạḅeni Jeruselem mọ, ‘Nyina awe ạmi! Mị mịngo inyina ịtughemi phọ ạmi, kụ mị riiko ni inyina rꞌạḍighaagh ạmi.’”

Jerimaya 11:4

Ịphen kụ ịyo phọ mị aghiran bọ rꞌạburude ạburude phọ ạbidi mem mọ mị ạsighe bọ bịdi amitiom ẹpe Ijipt, de phọ ạḍiphe ẹghigh bọ egu ạnian esi ạbidi. Mị ụḅeni bịdi mọ ụnaghanan ịmi ọḅile oḍighi tọrotoro ịyaar lọ mị mạto. Mị ụḅeni ni bịdi mọ eḍighi ịyaar lọ bịdi ọnaghanan, bịdi koḍighi ni weye ạmi ḅịle kẹn mị kaḍighi Ẹnaan ạbidi.

Jerimaya 29:10

“Ọmoogh-we phọ ạḅem, ‘Mem dị nyina mẹrol oḍualdi ạsia ẹpe Bạbilonia, mị kaḍeenaan ọnma ighirigiir ạmi esi anyina kụ aḍighi ịpe mị aguanaan bọ. Mị kịsighe ni inyina aḅulemi ẹmha phọ anyina.

Jerimaya 3:10

Kụ mem dị oomo ịphen phọ meten, aJuda umarani phọ Ịzirel ologhi róḍuom ghan bọ akue bịn mọ ọno marigheel ḍịghaagh ạmi; ọdi órighelom rꞌeekuna ologhi ọdi. Mị Ọmoogh-we phọ kụ ụḅem.”

Jerimaya 7:23

Kụ ọlo mị ụto ni ạḅeni bịdi mọ ụnaghanan ghan ịmi, pịdi mị aḍighi Ẹnaan ạbidi ḅịle kẹn bịdi oḍighi weye ạmi. Ḅịle kẹn mị ụḅeni ni bịdi mọ bịdi ọtuugh ọrol pịdi ạraraar ẹnighenaan bịdi.

Izikiel 11:17

“Esi ịduon phọ ḅẹni bịdi ịpe mị Ọmoogh-we dị ạmoogh oomo ịikpo phọ rạḅem ghan bọ. Mị kaakpomoghi bịdi amitiom sịphe areelhe phọ ẹpe mị ạwalalami bọ bịdi, kụ aḅulemi de phọ Ịzirel ạngo bịdi.

Izikiel 14:11

Mị kaḍighi ịphen phọ okikimaam awe Ịzirel esi ọwile ạmi, rꞌọḅile ọsighiogh asiloor ạbidi esi ịkaraph phọ ạbidi. Bịdi koḍighi we ạmi, kụ mị kaḍighi Ẹnaan ạbidi.” Ọmoogh-we dị ạmoogh oomo ịikpo kụ mạḅem.

Izikiel 16:62

Mị kạasa ịyo phọ ạmi rꞌạna, kụ nạ alegheri mọ mị kụ Ọmoogh-we phọ.

Izikiel 37:23

Bịdi kọ́puenaan mun siloor ạbidi rꞌịḅoria ịkaaghineen ạrumugh, kọ́sighe ịkaraph ọpuenaan siloor ạbidi. Mị kaḍighi ịdi bịdi kokpetenaan oomo areten ạsipioghom mọ bịdi ruaal ghan bọ ịmi. Mị kaselemi bịdi; bịdi koḍighi weye ạmi kụ mị aḍighi Ẹnaan ạbidi.

Izikiel 37:27

Mị kạtol sịphe rꞌạbidi; mị kaḍighi Ẹnaan ạbidi kụ bịdi oḍighi weye ạmi.

Izikiel 39:22

Awe phọ Ịzirel, emiigh mem mọ ọpo kụ ẹghiom, kolegheri ni mọ mị kụ Ọmoogh-we Ẹnaan phọ ạbidi.

Zẹkaraya 13:9

Ḅịle kẹn, mị kạdegh ni apogh bin phọ ạmuphe asugha bọ kụ mị aselemi bịdi ịdipho rọsighe ghan bọ nịan koselemiom silva. Mị kạkar ri apogh bịdi ịdipho ropogh ghan bọ gol. Kụ bịdi ogbi ọoḅereghi ghan ọngo ạmi, kụ mị kạpagharanaan ghan ni bịdi. Mị kạḅeni ni bịdi mọ bịdi awe ạmi ni, ḅịle kẹn bịdi kọkaaph ghan ni omitiom mọ mị kụ Ẹnaan phọ ạbidi.”

Zẹkaraya 8:8

kụ mị ạsighe bịdi ẹpe erumuḍio phọ remite ghan bọ rꞌẹpe erumuḍio phọ remeel ghan bọ kụ mị aḅulemi mọ orugh sịen Jeruselem. Bịdi koḍighi weye ạmi, kụ mị aḍighi Ẹnaan ạbidi dị kạda bịdi asophonaan ghan iiḅi ịiruen.

Bụo aRom 6:17

Kụ ạḍiseph ẹrolonaan ni Ẹnaan, ịdipho mem dị meten nyina eḍighi bọ ni rẹbene ẹngo ịkaraph kụ eru ẹteeny mem dị nyina ẹsighe ni oomo iloghi anyina ẹnaghanan igey phọ ịpe ịtughemi bọ inyina.

Bụo aHibru 11:16

Bịdi umoghi ghan ghụn ọmoogh ẹmha phọ kꞌạke, ẹpe ẹnighe bọ epu nyẹpe bịdi ọwile bọ. Bịn íḍigh umugholoor esi Ẹnaan bịdi ọmagh nyọdi mọ Ẹnaan ạbuno, ịdi eḍighi bọ ọdi mạlhogh ni ẹmha aseenaan bịdi.

Bụo aHibru 8:10

Nyịidipho ịphen kụ ịyo phọ mị kakiran bọ rꞌaweye phọ Ịzirel, riiḍio phọ ịpe retu bọ. Mị kạsighe iilogh phọ ạmi, ạlogh sịphe ịitughian phọ ạbidi, kụ ạgeeghi sịphe iloghi phọ ạbidi. Mị kaḍighi Ẹnaan ạbidi, kụ bịdi oḍighi weye ạmi.

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”