Jerimaya 24:6 - Ạḍinya Iigbia

⁶ Mị kakori ni bịdi kụ ạsighe bịdi aḅulemi sịen ade phọ ạḍien. Mị kạlogh ni bịdi ạmeremi, mị kálereghi; mị kạzuph ni bịdi, mị kátuphuron.

Jerimaya 24:6 Iomraidhean Croise

Emiighom 44:21

Nạ ụḅeni ni iyoor butelhedom mọ ạna mọ, ‘Ịpam nyọdi erumom, mị ụsighe riḍien ạmi ụmiinom aani nyọdi.’

2 Krọnikuls 16:9

Ọmoogh-we phọ anaan kụ rapogh oomo aḅirini phọ, ọngo ịnyaam bụphe iloghi phọ emeeraam bọ nyọdi. Nạ maḍighinom elologhi, kụ emiigh nyịidipho kụ ẹghiom ghisigh nạ kabe ghan rạagham.”

Nehemaya 5:19

Mị rạaḅereghi ni nyịna Ẹnaan, ụutughianaan ịmi ịma loor ẹmhu oomo ạraraar phọ mị maḍighinaan bọ we phọ ạbuen.

Ạsuor 34:15

Ariḍien Ọmoogh-we phọ esomoghi bụo aruukuan phọ ạḅile apoghoghomi reḅeri ọdi rạnaghan ghan emoghi ạbidi.

Ạsuor 44:2

ịpe nạ rꞌaloor kụ aphorogh bọ amitiom bụo aruru phọ, kụ arughemi we phọ ạna sịphe ade phọ ạbidi; ịpe nạ ạlhiom bọ bụeri phọ areelhe phọ kụ aḍighi bọ ịdi bụo ạna oḍum ọrara.

Azaya 14:1

Amem kẹḅile ni etu dị Ọmoogh-we phọ kạnma ighirigiir we phọ Ịzirel kụ ạḅile ạsaḅar bịdi mọ ạbuo ọno. Ọdi kameera ni bịdi ọḅile orugh sịphe ade phọ ạbidi, kụ aruuruen kotu ni otughan rꞌạbidi.

Azaya 60:21

Awe ạna, oomo phọ ạbidi, koḍighi ghan ịdi ẹnighe, Kụ ọmoogh de phọ kꞌagee-pọ. Mị kụ ụzuph bịdi, mị kụ ụlhem bịdi, Oḍeenaan igbogh ạmi oomo awe.

Jerimaya 1:10

Rodon phọ mị mạngo nyịna ịikpo apeleghiom rạmha rꞌareelhe ịlo oruphuron rꞌolereghi, oogulemi rꞌọkpar opu, ọlogh ọmeremi rꞌọzuph.”

Jerimaya 12:15

Kụ ọlo mem dị mị mạsighe bịdi ạḍuanam, mị kạmoogh ni ọnma ighirigiir esi ạbidi; mị kạsighe ni tọrotoro eelhe aḅulemi ẹpe ade phọ ạbidi ḅịle rꞌẹmha phọ ạbidi.

Jerimaya 16:15

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn, ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Mị kạsighe ni bịdi aḅulemi ẹpe eelhe phọ ạbidi, ẹpe ade phọ mị ạngo bọ bụrude ạburude phọ ạbidi. Mị, Ọmoogh-we phọ, kụ mạḅem.”

Jerimaya 21:10

Mị magbiighi ologhi ạmi amuneni mọ mị káseere mun ẹmha phọ ẹphen, mị kaagulemi ni. Mị kạḅogh ẹmha phọ ạngo ọdaam-ẹmha phọ ạBabilon kụ ọdi ạsu nịan oomo phọ ẹmha phọ. Mị, Ọmoogh-we phọ, kụ mạḅem.”

Jerimaya 23:3

Mị kaakpomoghi weye phọ ạmi osugha bọ ọḍuaghu ẹpe areelhe phọ mị ạwalalami bọ bịdi, kụ mị ạsighe bịdi aḅulemi ẹpe ẹmha phọ ạbidi. Bịdi kọmoogh ni ịbadi ạnmuny ọḅile oḍiza we.

Jerimaya 29:10

“Ọmoogh-we phọ ạḅem, ‘Mem dị nyina mẹrol oḍualdi ạsia ẹpe Bạbilonia, mị kaḍeenaan ọnma ighirigiir ạmi esi anyina kụ aḍighi ịpe mị aguanaan bọ. Mị kịsighe ni inyina aḅulemi ẹmha phọ anyina.

Jerimaya 31:28

Kụ ịdipho mị amiighe bọ loor kụ aruph, amiteghom, ạkpar apu, aphiemi kụ aagulemi, ịduon kụ ẹdi mị kamiighe loor aḅeph kụ ạmeremi yogh.

Jerimaya 31:4

Amem kẹtol li dị mị kạḅile ni iselemi inyina. Amem kẹtol li dị nyina kẹḅile ẹsighe rạraar ephegh anyina kụ ẹkerom ịḅa rꞌibo.

Jerimaya 32:37

Mị kaakpomoghi ni we phọ ọḍua bọ oomo areelhe phọ mị ạawalalami bọ bịdi rꞌophin ologhi phọ, kụ mị ạsighe bịdi atu esi phọ ịsien kụ aḍighi ịdi bịdi kọtol rꞌẹepho.

Jerimaya 32:41

Rꞌọḅaal ologhi kụ mị aḍighinaan ghan bịdi igey ạraraar, kụ mị aseere bịdi amiighemi sịen ade phọ ạḍien.

Jerimaya 33:7

Mị kaḍume Juda rꞌỊzirel kụ ạḅile aselemi bịdi aseere ịpe ẹrol ghan bọ.

Jerimaya 33:9

AJeruselem kaḍighi zin iboh, eghuan rꞌoobagaam esi ạmi; kụ tọrobo eelhe sịen aḅirini phọ kekiilaan kụ epiigha mem dị bịdi ọnaghan ịlo igey ạraraar dị mị aḍighinaan weye aJeruselem rꞌedughom mọ mị aruomaan bọ ẹmha phọ.”

Jerimaya 39:12

“Kịa ạwa Jerimaya kụ ạmaar ạpham nyọdi. Káḍighi nyọdi ịyaar, kụ ḍighinaan nyọdi tọrobo ịlo ọdi ạwa.”

Jerimaya 42:10

‘Eḍighi ịyaar dị edi ni ologhi anyina ọrol ịsien ade phọ ạḍien, pọ mị kiphighi ni inyina, mị inyina kíler, mị kịmeremi inyina, mị inyina kíruphuron. Ophiemi phọ mị iruomaan bọ inyina mụngo ịmi iboom ịminimiin.

Izikiel 36:24

Mị kịsighe ni inyina eelhe kịrokiro rꞌẹmha kịrokiro aḅulemi de anyina.

Ẹmos 9:14

Mị kaḅulemi ni we phọ ạmi aseere ẹpe ade phọ ạbidi. Bịdi kọḅile ni ọloghoḍi rạmha phọ ạbidi ophiemi bọ, kụ otugh pạ; Bịdi kọzuphogh ni iizo ireeny avain kụ ọpughol ghan rimiim mọ; Bịdi kọzuphogh ni ịizupha riisi aroghoony kụ ole ibugha phọ.

Dutoronomi 11:12

ade phọ Ọmoogh-we Ẹnaan phọ anyina kụ rapogh ghan: Ọmoogh-we Ẹnaan phọ anyina agbi riḍien ọdi sịphe ade phọ oomo amem emiigh kꞌegbiom ạlha phọ kụ esiemi kꞌeekuna ạlha phọ.

1 Pita 3:12

ịdi eḍighi bọ Ọmoogh-we phọ agbi ni riḍien ọdi esi awe aruukuan phọ, ạḅile rạnaghanan ghan ịiḅereghi phọ ạbidi, kụ rạḅitonaan ghan ni bụo ạsipioghom mọ.”