Jerimaya 24:5 - Ạḍinya Iigbia

⁵ “Mị Ọmoogh-we Ẹnaan phọ Ịzirel, agbiighi ạmiin mọ awe phọ ọsighe bọ ogheelom Bạbilonia ọkigh igey iimuma ạfig phọ ịphen, ḅịle kẹn mị kạsighe ni ọnma ighirigiir kụ apoghom bịdi.

Jerimaya 24:5 Iomraidhean Croise

Ạsuor 119:67

Tụtu nạ rụlhiom ịmi, mị mạpioman ghan ni, kụ ọlo nyịidipho mị rạnaghanan ni ekpo phọ ạna.

Ạsuor 119:71

Ạmuliom mọ ạmi ạnighenom ni rꞌạmi loor esi dị eḍighi ịdi mị ạtuugha ịtooghi phọ ạna.

Jerimaya 24:4

Kụ Ọmoogh-we phọ ụḅeni ịmi mọ,

Jerimaya 29:11

Mị bịn kụ ulegheri igbiighi phọ mị ịmooghaan bọ inyina, igbiighi ịlo oḍume anyina, kị́lo ophiemi, igbiighi ọngo anyina oḍuom ologhi ịlo aghisigh.

Jerimaya 29:20

Oomo phọ anyina mị ạsighe bọ ạghi iiruen arikpisi ẹpe Bạbilonia, ịnaghanan ịphen mị Ọmoogh-we phọ rạḅem bọ.’

Jerimaya 29:4

“Ọmoogh-we Egbogh Ẹnaan phọ Ịzirel rạḅeni ghan oomo awe phọ bụphe ọdi ạngo bọ ọgel mọ ạNebukadnezar asiphi sịphe Jeruselem ạghimom ẹpe Bạbilonia:

Izikiel 11:17

“Esi ịduon phọ ḅẹni bịdi ịpe mị Ọmoogh-we dị ạmoogh oomo ịikpo phọ rạḅem ghan bọ. Mị kaakpomoghi bịdi amitiom sịphe areelhe phọ ẹpe mị ạwalalami bọ bịdi, kụ aḅulemi de phọ Ịzirel ạngo bịdi.

Izikiel 11:20

Pọ kụ amem dị bịdi kooko iilogh phọ ạmi, ọḅile ọnaghanan oomo ịtooghi phọ ạmi rꞌoomo iloghi ạbidi. Bịdi koḍighi we ạmi, kụ mị aḍighi Ẹnaan ạbidi.

Lịvitikos 26:44

Ghạlamo ịdipho bịdi odi bọ ni ẹpe areelhe ạbumulogh-ḍien phọ ạbidi, mị kạ́tu ịpe bịn amutonaan bịdi. Mị kạ́tu ịpe bịn akel bịdi ạḅitonaan bịdi, aguule bịdi, ạphue ịyo phọ bịdi rꞌạmi oghiran bọ. Mị kụ Ọmoogh-we Ẹnaan phọ ạbidi.

Nẹhum 1:7

Ọmoogh-we phọ ạnighe ni; ọdi raakpereghi ghan weye ọdi mem ịiḅaghami; ọdi rạmaar ghan kạpham bụphe okiton bọ oru esi ọdi.

Zẹkaraya 13:9

Ḅịle kẹn, mị kạdegh ni apogh bin phọ ạmuphe asugha bọ kụ mị aselemi bịdi ịdipho rọsighe ghan bọ nịan koselemiom silva. Mị kạkar ri apogh bịdi ịdipho ropogh ghan bọ gol. Kụ bịdi ogbi ọoḅereghi ghan ọngo ạmi, kụ mị kạpagharanaan ghan ni bịdi. Mị kạḅeni ni bịdi mọ bịdi awe ạmi ni, ḅịle kẹn bịdi kọkaaph ghan ni omitiom mọ mị kụ Ẹnaan phọ ạbidi.”

Matiu 25:12

Kụ ọdi mọ, ‘Mị ạkar rịḅeni ghan inyina mọ mị inyina ílegheri.’

Elegh ạJon 10:27

Iyool-ịga phọ ạmi rẹnaghanan ghan ni ẹḍogh phọ ạmi. Mị kẹn alegheri ni bịdi, kụ bịdi rụdaph ghan ni ịmi.

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

1 Bụo ạKorint 8:3

Kụ Ẹnaan rẹloghoma ghan ni oye lọ ạphomoghian nyọdi.

Bụo aGaletia 4:9

Kụ nyịidipho nyina melhegheri bọ Ẹnaan — mị ụḅem mọ Ẹnaan milhegheri bọ inyina — uḍighi ika kụ nyina ẹḅile bọ ekiton resoman ịwelewele ịtughemi ẹghoroghor dị sụo ị́moogh? Uḍighi ika kụ ẹḅile bọ ịḅeeraan inyina oḍighi ạrebene ọngo ịtughemi phọ ịpe?

Dutoronomi 8:16

ọpo ịngo bọ inyina mạna ẹpe ẹdala phọ mọ ile (eḍien dị ạburude anyina úlegheri), isooromi bọ inyina, ịdeghogh bọ inyina aphogh rạwa oḍighi anyina igeny ruukuna phọ.

2 Timoti 2:19

Kótue opighemi ephighiom mọ Ẹnaan mephighi bọ, sịphe ọge bọ ikpo ọnhu phọ ịphen mọ, “Ọmoogh-we phọ alegheri ni bụphe oru bọ we phọ ọdi,” ḅịle mọ, “Oye lọ ạḅem mọ ọno ọlo Ọmoogh-we phọ ni, ịkaraph kúḍighi mun!”

Ogonanami Phọ 3:19

Mị rꞌaloor ạmi ramooghaam ghan ni, kạḅile ạliom oomo ạbulo mị ạphomoghian. Isereghian nụun ekiton esi ịkaraph phọ anyina.