Jerimaya 24:3 - Ạḍinya Iigbia

³ Kụ Ọmoogh-we phọ agbi opuru ạmi, “Jerimaya, nạ ạmiin eeghia?” Mị ạphagharanaan mọ, “Iimuma ạfig. Igey phọ ẹnighe ni igey, kụ ọlo ịkaraph phọ ebeeph ni igey dị tụtu ị́nighe ole.”

Jerimaya 24:3 Iomraidhean Croise

Jerimaya 24:4

Kụ Ọmoogh-we phọ ụḅeni ịmi mọ,

Jerimaya 29:17

Ẹnaan Oomo Ịikpo Ọmoogh-we phọ ạḅem mọ, ‘Mị mạsighe ratumom ẹgham, ọkoony rꞌẹzegh dị kẹteeny bịdi, kụ mị aḍighi bịdi ịdipho iimuma ạfig dị mẹḅor ẹphughan ḍi ị́nighe mun olhe.

Ẹmos 7:8

Ọdi upuru ni ịmi mọ, “Ẹmos, nạ ạmiin eeghe?” Mị ụphagharanaan mọ, “Okuron-oolemiom.” Kụ ọdi agbi ọḅem mọ, “Mị ạsighe ịyaar phọ ẹphen kụ raḍighinom ịlo oḍeenaan mọ awe phọ ạmi ọkigh iikpe dị íileeny. Kụ mị kánme mun ologhi ạmi esi ọliom ạbidi.

Ẹmos 8:2

Ọmoogh-we phọ apuru mọ, “Ẹmos, nạ ạmiin eeghe?” Mị ụphagharanaan mọ, “Egunum iimuma.” Ọmoogh-we phọ ụḅeni ni ịmi mọ, “Eekuna awe phọ ạmi Ịzirel mẹteeny. Mị kánme mun ologhi ạmi ịlo ọlhiom ạbidi.

Zẹkaraya 4:2

Kụ ọdi apuru mọ, “Ẹphen nạ rạmiin bọ eeghe?” Kụ mị ạphagharanaan mọ, “Ọmeremiom ọtozi dị oḍighinom gol. Ẹpe ạnyu phọ oseere ẹkpa ọlogh ghan ạmunum mọ. Sịphe ạnyu ọmeremiom mọ ọḅam oḍual ịtozi kụ tọrotoro ọtozi ạmoogh oḍual ariisi ọlogh iḍigh ọtozi.

Zẹkaraya 5:2

Ọokpaany phọ upuru ịmi ịyaar phọ ẹpe mị ạmiin bọ. Kụ mị ạphagharanaan mọ, “Ḍịnya dị ẹpheeph reten rꞌookuugh phọ; ạḍidoony ạḍinya phọ ẹman esugha akuḅu, ḅịle kẹn ạreghe phọ ẹman inya rꞌoolemi-odi akuḅu.”

1 Sạmuel 9:9

ẠSol ạphagharanaan mọ, “Ịitughian phọ ạna ẹnighe ni! Ụgua ọghi!” Kụ bịdi oten ọghi ẹpe ẹmha phọ oye iigbia phọ arugh bọ. Ịdipho bịdi rọsiiny bọ eegbolom mọ koten bọ kụ osi ẹmha phọ, bịn bịdi ozuan buniin ạnmanyaan dị rọki ọkpa ạmuum. Kụ bịdi opuru nmạnyaan phọ mọ, “Oyil-uḍien phọ odi ni ẹmha ḍụghum?” (Mem mọ ọpo phọ, oyil kꞌẸnaan phọ ughol ghan mọ oyil-aḍien, kụ eḍighi ịyaar dị oye rạwa opuru ịyaar Ẹnaan, oye phọ kạḅem mọ, “Ọghi kꞌoyil-aḍien phọ.”)