Jerimaya 24:2 - Ạḍinya Iigbia

² Sịphe ẹḅel egunum mọ udoghoḍi igey iimuma ạfig, ịpe ẹnuun bọ ẹḅaal; ẹpheri phọ egunum mọ udoghoḍi ịkaraph iimuma ạfig, ịpe ị́nighe bọ olhe.

Jerimaya 24:2 Iomraidhean Croise

Azaya 5:4

Ịyaar isugha ni dị mị ạpiom oḍighinaan ọdi ḍụghum? Iḍighi ika nụun kụ ọdi amuum bọ rughuuny avain dị rẹlagh kụ ạwile bọ igey phọ ịpe mị rạwa bọ?

Azaya 5:7

Ịzirel kụ ozo iimuma avain Ọmoogh-we oomo ịikpo phọ; awe phọ aJuda kụ iimuma avain phọ ọdi ạzuph bọ. Ọdi ạwa mọ bịdi oḍighi ịpe ẹnighe bọ, kụ ọḅile ghụn bịn ọko enu. Ọdi ạwa bịdi oḍighi ịpe eḍighi bọ elhiom, kụ bụphe bịdi rọmiine bọ ọwaam ghan igey ịiruen.

Jerimaya 29:17

Ẹnaan Oomo Ịikpo Ọmoogh-we phọ ạḅem mọ, ‘Mị mạsighe ratumom ẹgham, ọkoony rꞌẹzegh dị kẹteeny bịdi, kụ mị aḍighi bịdi ịdipho iimuma ạfig dị mẹḅor ẹphughan ḍi ị́nighe mun olhe.

Hosia 9:10

Ọmoogh-we phọ ạḅem mọ, “Ẹḅel amem dị mị ạmiin bọ Ịzirel, ịghigh mụdi ọmiin iimuma avain dị resi de ịisaar. Ẹḅel amem dị mị ạmiin bụrude oko anyina, ịghigh mụdi ọmiin ịḅel iimuma ireeny ạfig dị mẹḅaal lhạ phọ. Kụ mem dị bịdi oru osi Eegum aPior, bịdi umiigh ni ooseeny aBaal, kụ íbia bịn bịdi ọloghori ọphuenaan siloor ịdipho aruru phọ bịdi ọphomoghian bọ.

Maika 7:1

Oḍuom ologhi ólho. Mị ạkigh oye dị ọkoony rasiph kụ ụ́miin rꞌeniin eghuuny ạfig sịphe ireeny phọ, ḅịle rꞌeniin eemuma sịphe iizin avain phọ. Oomo iimuma phọ redugh ghan bọ moḅom ọman.

Nẹhum 3:12

Oomo ariisi ogonaam aloor phọ ạna kẹkigh ireeny ạfig dị iimuma ẹḅaal — oye aphighemi iizin phọ, pọ iimuma phọ kẹkar ri eḍigh ọnhu ọdi!

Igbiighi 18:13

Tọrobo ịḅel ịphalaḅaal iimuma phọ ịsiphe ade phọ kọsighe bọ oḍighinom ịyaar aghuḍum ụngo ịmi, mị mạngo nyịna. Tọrobo ọlo aseleman sịphe kꞌạna ale ni.

Matiu 5:13

“Nyina kụ aboph awe ịsien aḅirini phọ, kụ eḍighi ịyaar dị eroph aboph phọ mephe, kọḅile otophomiom eeghe? Ọ́moogh mun mạar oḍighinom, emuton dị kozu bịn awe ọozeghiom ruwol.