Jerimaya 24:10 - Ạḍinya Iigbia

¹⁰ Mị kạsighe ni atuom bịdi ẹgham, ọkoony ḅịle rꞌẹzegh dị tụtu rꞌoniin ọnyo ạbidi kásugha sịphe ade phọ mị ạngo bọ bịdi rꞌạburude ạburude phọ ạbidi.”

Jerimaya 24:10 Iomraidhean Croise

1 Ạbudaam 14:15

Ọmoogh-we phọ kaporogh Ịzirel akilom ịdipho ikpu lọ edi ọphiiny. Ọdi katuphuron Ịzirel ạsighe sịphe aḍiiḅi ade phọ ḍịphe ọdi ạngo bọ bụrude phọ ạbidi, kụ ạawalami ẹpe ẹḅeenyom ọphiiny phọ aYufratis, ịdi eḍighi bọ igbudu um-ạke Asera phọ bịdi oḅol bọ rẹkagh ni ologhi Ọmoogh-we phọ.

Azaya 51:19

Ịyal igbogh ịiḅaghami mesoorom nyịna: ẹgham mephiemi de phọ ạna, kụ awe phọ ạna odi ọkoony. Oye ólho ọseenyaan ạna.

Jerimaya 14:12

Ghạlamo bịdi ụkaagh ni ẹḍogh mị kạ́naghanan emoghi ọloghonaan ạḍighaagh phọ ạbidi; ḅịle kẹn ghạlamo bịdi ụphinyon ni rịkia oguom ạnian ḅịle rꞌạrikia ariiḍien, bịdi kọ́ḅaalami ologhi ạmi. Kpạripe ghụn mị kạziom bịdi ẹgham, ḅịle rꞌịgbakuro, ḅịle rꞌạreezegh.”

Jerimaya 15:2

Mem lọ bịdi opuru nyịna ekpisi phọ ẹpe bịdi kọki bọ, ḅẹni bịdi mọ mị mạḅem mọ: “Buniin mọḅogh ọngo mọ omuughu esi ẹzegh — ẹpe kụ esi dị bịdi kọki! Bụnon mọḅogh ọngo mọ omuughu erugh ẹgham — ẹpe kụ esi dị bịdi kọki! Buniin mọḅogh ọngo mọ omuughu esi ọkoony — ẹpe kụ esi dị bịdi kọki! Bụnon mọḅogh ọngo dị kosiphi bịdi odoghoḍi ikoli — ẹpe kụ esi dị bịdi kọki!

Jerimaya 16:4

Ịkaraph ạreezegh kụ kẹze bịdi, ḅịle kẹn oye kámoghi bịdi mụghumo oḍiighi ạbidi. Aḍizu phọ ạbidi kẹmina yogh ịdipho egu ẹenir sịphe ade phọ. Bịdi komuughu erugh ẹgham mụghumo esi ọkoony, kụ aḍizu ạbidi eḍighi eḍien ịnun rꞌilhom ịnam.

Jerimaya 19:7

Ịsien phọ kụ ẹdi mị kạagughuḍi oomo igbiighi awe phọ aJuda rꞌaJeruselem. Mị kạngo ni ọgel mọ ẹpomoghian phọ ạbidi ọkpar opu bịdi ọḅile ọze bịdi erugh ẹgham. Ịnun rꞌilhom ịnam kụ kẹba ḍizu phọ ạbidi.

Jerimaya 21:9

Tọro ọlo ạrol sịen ẹmha phọ, pọ ẹgham mụghumo ọkoony mụghumo ẹzegh kụ kekiigh. Kụ ọlo tọro oye lọ amite ạḅogh loor ọdi ạngo weye phọ ạBabilon, bụen moghoonyom bọ ẹmha phọ, kókiigh; ọdi kạmala ni akpetenaan ḍuugh.

Jerimaya 27:8

“Kụ eḍighi ịyaar dị eelhe, mꞌọmar, késooromi loor ẹ́ngo ịtooghi phọ ọdi, pọ mị kạsighe ẹgham, ọkoony rꞌẹzegh kụ ạliom eelhe phọ tụtu mị ạngo ọgel ạNebukadnezar mọ aphiemi bịdi ạman.

Jerimaya 29:17

Ẹnaan Oomo Ịikpo Ọmoogh-we phọ ạḅem mọ, ‘Mị mạsighe ratumom ẹgham, ọkoony rꞌẹzegh dị kẹteeny bịdi, kụ mị aḍighi bịdi ịdipho iimuma ạfig dị mẹḅor ẹphughan ḍi ị́nighe mun olhe.

Jerimaya 29:18

Mị kaporoghom bịdi ẹgham, ọkoony rꞌẹzegh. Aḍiigu kụ kẹtolonaan oomo areelhe aḅirini phọ esi ịdi bịdi kọmiin. Tọrobo ekpisi lọ mị ạwalalami bịdi, awe kokpereghaan kụ ọmoogh oghiilaan esi ịdi memitenaan bịdi. Awe kọnmoghoghoom bịdi kụ aḍien ạbidi eḍighi itonyonaan.

Jerimaya 32:24

“Awe ạBabilon phọ mokoom oomo ẹmha phọ okpobiom ọmoogh, kụ mọnya rozuom. Ẹgham, ạdol ọkoony rꞌẹzegh keḍighi ịdi ẹmha phọ keḍigh rạghaagh ạbidi. Nạ kạmiin ni mọ oomo phọ ịpe nạ ạḅem bọ memite.

Jerimaya 32:25

Ghạlamo ịduon phọ, Ọkar Ogbogh Ọmoogh-we, nạ kụ ụḅeni bọ ịmi ogho ade phọ esi dị awe ọrol aani, ghạlamo ịduon ẹmha phọ rẹwa bọ ni omeel oḍigh ạraghaagh awe ạBabilon.”

Jerimaya 34:17

Kụ nyịidipho, mị, Ọmoogh-we phọ, ạḅem mọ nyina mẹḅaar ẹmhu esi ạmi; nyina ke̋sereghi bumor phọ anyina we Ịzirel phọ dọl ẹereegh. Ọkar agey, mẹteeny mị kịngo inyina dọl ẹereegh: ẹereegh omugh esi ẹgham, ẹzegh rꞌọkoony. Mị kaḍighi ịdi tọrobo eelhe ịsien aḅirini phọ kokiilaan ọmiin ịpe mị iḍighi bọ inyina.

Jerimaya 42:17

Oomo awe phọ ọnya bọ ọghi ọrol ẹpe Ijipt komuughu ni, iini erugh ẹgham mꞌesi ạdol ọkoony mꞌẹzegh. Rꞌoniin kạ́tol dị kakpetenaan. Rꞌoniin kạ́ḍua esi igbogh ịiḅaghami phọ mị katuomaan bọ bịdi.’

Jerimaya 42:22

Kụ ịduon phọ, ilegheri ịduon: nyina kemuughu ni, iini erugh ẹgham ḅịle mꞌesi ạdol ọkoony ḅịle mꞌesi ẹzegh sịphe ade phọ nyina rẹwa bọ ogheel ọrol phọ.”

Jerimaya 5:12

Awe Ọmoogh-we phọ mọpharanaan nyọdi kụ ọḅem mọ, “Ọdi kạ́karaghi áḍighi ịyaar. Yira kọ́moogh ḍịkparamineen amem; yira kọ́moogh ẹgham mụghumo ịgbakuro.”

Jerimaya 9:15

Kụ iḍighi kụ nạghanan ịpe mị Ọmoogh-we Ọkar egbogh Ẹnaan phọ Ịzirel kaḍighi bọ: mị kạngo weye phọ ạmi ireeny eghiḍim mọ olhe ḅịle kẹn rꞌạmuum dị kakiigh oye mọ bịdi ọphughol.

Jerimaya 9:16

Mị kạsighe bịdi ạwalalami igbo areelhe dị bịdi rꞌạburude ạburude ạbidi kőlhegheri ghan, ḅịle kẹn mị katom ni weye ẹgham mọ oru oogulemi bịdi ọmadan.”

Izikiel 33:27

“Ḅẹni bịdi mọ mị Ọmoogh-we dị ạmoogh oomo ịikpo ạpur bịdi rụru mọ agey ni ịduon mị aru bọ Ẹnaan dị edi ghan, we phọ ạbuphe orughogh bọ rạmha phọ mepheeghu bọ kọze ni. Bụphe orughogh bọ riiḅila ariikpisi phọ ilhom ịnam kụ kẹba. Bụphe ạaghian bọ ạnyu ạraaḅaraph phọ rꞌaropogh aruugum mọ komughom rꞌạreezegh.

Izikiel 6:11

Ọmoogh-we dị ạmoogh oomo ịikpo ạḅem mọ, “Piliphiil rạghaagh ạna! Kpạakpa rạda ạna! Moghi esi ọto loor ẹmhu oomo ịkaraph ạraraar isa phọ awe phọ Ịzirel moḍigh yogh bọ. Bịdi komuughu ni esi ẹgham, esi ịgbakuro rꞌesi ạreezegh.

Izikiel 7:15

Elephiri edi ni sịphe areten phọ, ḅịle ẹzegh rꞌọkoony iloghi aruutu. Tọro ọlo mamite ẹpe ẹmha phọ kamugh ni loor elephiri phọ, kụ tọro ọlo odi ologhi ẹmha phọ, ẹzegh rꞌọkoony kụ kẹsighe.

Dutoronomi 28:21

Ọmoogh-we phọ katom ni ẹepoph dị reeteneghian ghan isoorom inyina; dị kile inyina ephiemi sịphe ade phọ nyina rẹki bọ ọmoogh phọ.

Ogonanami Phọ 6:8

Mị uphogh ni kụ ạmiin okpaghaghaany ạsu. Ḍien ọpo aḍigh bọ ạsu phọ ughol mọ Aḍuugh, kụ Ọmar Iḍim mạkpulan ni ọman ọdi. Udi ni aḅirini phọ inya abin kụ ọngo bịdi ịikpo mọ ọsighe ẹgham rꞌịgbakuro rꞌạreezegh rꞌilhom ịnam ọziom muniin abin.