Jerimaya 24:1 - Ạḍinya Iigbia

¹ Ọmoogh-we phọ uḍeenaan ni ịmi ịyal arugunum ạfig dị oseere esomanan Otu Ịiḅereghi phọ. (Ịphen phọ imite ẹdaphan mem mọ ọpo ạNebukadnezar ogbogh ọdaam mọ ạBabilon maru bọ asiph ọolha-ẹmha phọ aJuda Jehoyasin ọony phọ aJehoyakim ạsighe nyọdi ịdipho ọnyo-ikoli ẹpe Jeruselem kụ ạghi asiemi ẹpe Bạbilonia, ạḅaram ikpolom awe aJuda, ḅịle kẹn rꞌawe dị ọmaarogh iiḍighi ạḍighaagh rꞌạbulo ọmaar ọlemogh ạraraar.)

Jerimaya 24:1 Iomraidhean Croise

2 Ạbudaam 24:10

Mem ọda phọ ọdi kụ ẹdi abutelhedom ạNebukadnezar ọdaam mọ ạBabilon ọghi ozuom Jeruselem ẹgham okpobiom ẹmha phọ.

2 Krọnikuls 36:10

Mem dị ẹteeny unu, ạNebukadnezar ọdaam mọ ạsighe Jehoyasin dị osiph agheelom Bạbilonia, kụ aakoroghi ruphua phọ ẹrol bọ sịphe Otu Ịiḅereghi phọ, ạsighiogh ạḍuanam. Kụ ạNebukadnezar ạma Zẹdekaya umor ọde aJehoyasin ạdaami Juda rꞌaJeruselem.

Azaya 13:1

Ḍịen kụ adom ḍịo ạBabilon, dị Azaya ọony phọ Amoz ạar bọ Ẹnaan.

Jerimaya 13:19

Awe ẹgham moghoonyom igbogh ạramha phọ aJuda edi bọ ẹpe esoorom mọ; oye kátue aten ạki ạteeny bịdi. Mọsighe oomo awe phọ aJuda rokeelom eeruen ekpisi.”

Jerimaya 28:4

Mị kạḅile kẹn aḅulemi Jehoyasin ọony aJehoyakim ọdaam mọ aJuda rꞌoomo ạbueri phọ awe phọ aJuda bụdi odi iiruen ẹpe Bạbilonia. Ii, mị kạpue ni ịikpo ọdaam-eelhe phọ ạBabilon. Mị Ọmoogh-we phọ kụ mạḅem.”

Jerimaya 29:1

Mị ụge ni ḍịnya ạghiom bụpinyon rịkia phọ, riil phọ, buḍiemiom awe phọ rꞌoomo ạbueri phọ ạNebukadnezar asiphi bọ ạḍuanam Jeruselem kụ agheelom Bạbilonia.

Jerimaya 29:2

Mị ụge ḍịnya phọ mem dị mọsighe Jehoyasin ọdaam mọ, onhiin phọ ọdi, bụo iiḍighi ogiga phọ, buḍiemiom aJuda rꞌaJeruselem, weye ẹmaar oḍighi ạḍighaagh ḅịle rꞌawe ịkaaghi ọghimom iiruen arikpisi.

Jerimaya 37:1

ẠNebukadnezar ogbogh ọdaam mọ ạBabilon ạma Zẹdekaya ọony phọ aJosaya ọdaam mọ aJuda, mọ ạsighe dọl phọ aJehoyasin ọony phọ aJehoyakim aḍighi ọdaam.

Izikiel 17:4

arool ạghi de abumuul ḍighi, kụ aseere ologhi ẹmha abugbogh abumuul ḍighi.

Izikiel 19:9

Bịdi ọlogh nyọdi ologhi okporoma kụ ọsighe nyọdi ọghiom ogbogh ọdaam ạBabilon phọ. Bịdi oseere nyọdi esi dị rokori ghan, ọbo eḍighi mạar dị ororaan ọdi kọ́naghan mun ạnyu aroogbolom phọ Ịzirel.

Ẹmos 3:7

Ọmoogh-we Oomo Ịikpo phọ káḍighi ịyaar dị igbiighi phọ ọdi kágananami aḍeenaan butelhedom mọ ọdi, riil phọ.

Ẹmos 7:1

Mị ụmiin ni ịmiin dị Ọmoogh-we Oomo Ịikpo phọ uḍeenaan ịmi. Mị ụmiin ịdi ọdi ạlhem ọoloogh igurubia mem dị mogbo bin ạroogho dị ịnam ọdaam mọ rẹḅal ịḅal, kụ ạroogho phọ mạḅile rasiighi.

Ẹmos 7:4

Ọmoogh-we Oomo Ịikpo phọ ạḅile ni uḍeenaan ịmi ịmiin. Nyẹen, mị ụmiin dị odi raakolobian ọlhiom awe phọ ọdi rꞌạnian. Ạnian phọ ilhe ni ogbogh ọphiiny phọ odi bọ eeḍian ade phọ, kụ emiigh olhe oomo ade phọ.

Ẹmos 7:7

Ọmoogh-we phọ ạḅile ni uḍeenaan ịmi uḍien. Nyẹen, mị ụmiin dị ọdi ạmeera ọgbal iikpe dị ọsighe okuron-oolemiom kụ ọloghom, kụ okuron-oolemiom ạrol li ḍịghaagh ọdi.

Zẹkaraya 1:20

Kụ Ọmoogh-we phọ agbi oḍeenaan ạmi inya ạbuo iiḍighi dị ọphamagh sịmana dị oḍighinom okuron.

Zẹkaraya 3:1

Esi ịnon ịmiin Ọmoogh-we phọ uḍeenaan ni ịmi Josua ogbogh oyil ạrikia phọ dị ạmeera risigh ọokpaany Ọmoogh-we phọ. Ḅịle kẹn sịphe ạḍiagaany phọ aJosua Setan phọ ẹmeera, eekolobian ọgba ịkaraph oye phọ omitiom.