Jerimaya 23:9 - Ạḍinya Iigbia

⁹ Ekpom ạmi mẹezighiḍian, aruugu rusiph ni ịmi. Loor esi Ọmoogh-we phọ, loor esi ikpo ọnhu iigbia phọ ọdi, mị ạkigh oye dị amiim rakiigh, oye dị mạphughol muboom amiim.

Jerimaya 23:9 Iomraidhean Croise

Hạbakuk 3:16

Mị ạnaghan oomo ịphen, kụ akper kper; ịidoronhu epiigha rꞌaḍiigu. Aloor ạmi edugh kụ ạrada ạmi reekpeteghaan ude phọ. Mị kaḅoorian ni kụ akori mem mọ mọ eru mem dị Ẹnaan kẹliom bọ bụphe uzuom bọ iyoor.

Dạniel 8:27

Mị uukurughan ni ạḅile ạrol émoon ịbadi aḍughul-otu kụ agbi oḅetenu ọghi oḍighi oḍighi phọ ọpo ọdaam mọ ạḅogh bọ ụngo ịmi, kụ ọlo mị ukiriri ni esi uḍien phọ ḅịle rꞌịduon mị útue bọ ụnaghanan.

Ịkunuma 3:15

Ọkar ịminimiin kụ ẹdi ọdi ụngo ịmi ịdipho eḍien rꞌamiim.

Azaya 51:21

Nyina awe aJeruselem dị rọmiinom, nyina dị rẹbelebele mụdi amiim kụ rakiigh.

Ạsuor 60:3

Nạ maḍighi ịdi awe phọ ạna mọmiinom iboom; yoor rọbelebele mụdi yoor mọphughol miim.

Bụo aRom 7:9

Mị rꞌaloor ạmi ụrol ghan ni ḍịo ạmi bịn dị iilogh úloghoma, kụ okpegheron ologh phọ oḍeenaan ạmi phọ, bịn ịkaraph phọ emiigh ọḅa eye,

Izikiel 9:6

Ịze ikumoor awe phọ, ugheel ạnmuny, risina ạnmanyaan, burunhiin rꞌịbam ạnmuny. Kụ ọlo kẹ́ḅogh tọrobo ọlo ạmoogh elegh phọ sịphe elhor ọdi. Imiigh sịen sịphe Otu Ịiḅereghi phọ ạmi.” Esi ịduon phọ bịdi omiighom rꞌabuḍiemiom mọ bụphe ọmeregha bọ sịphe Otu Ịiḅereghi phọ.

Izikiel 9:4

“Kịa akitonom oomo ẹmha phọ aJeruselem kụ ạlogh elegh sịphe aghisigh ạtorobo oye ọlo akururu kụ rẹeḅaghami loor esi oomo ạraraar isa phọ ịpe awe roḍighi yogh bọ sịphe ẹmha phọ.”

Jerimaya 9:1

Mụghumo aghuḍia ạmuum kụ odi ẹmhu ạmi, ḅịle kẹn ariḍien phọ ạmi eḍighi ḍikol izin, pịdi mị atue amoghi ḍughul rꞌootaany loor esi awe phọ ạmi mọze bọ.

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Azaya 29:9

Ịpam ni elologhi phọ! Ịpam ni ikpom ariḍien phọ! Amiim dị ụ́pughol ịze ni inyina! Ịbelebele dị rꞌẹnum ụ́nam!

Azaya 28:1

Moruule ọmar phọ Ịzirel! Eegu ọdi reḍim ịdipho ẹnighe ịizughum afalawa loor ẹmhu abuḍiemiom ạbupughol miim mọ ọdi. Rụmu obagaam mọ ạbidi ogbul li rolho eeḅi eḍu. Amiim mọ rạze bịdi kụ omeleghu.

Azaya 6:5

Kụ mị ạḅem mọ, “Oḍuom ologhi ịmi úlhoonaan. Ịmi moruule ịdi eḍighi bọ tọrobo ekpo ọnhu dị ẹḍua ịidoronhu ạmi emite eḍighi ịkaraph, kụ mị atughan rꞌawe dị tọrobo ekpo ọnhu ạbidi eḍighi ịkaraph. Ghạlamo ịduon phọ ni bịn mị mạsighe ni riḍien ạmi ạmiinom Ọdaam mọ, Ọmoogh-we oomo ịikpo phọ!”

Ạsuor 69:20

Ịḅenian mẹphue ekpom ạmi mị odi dọl okururu. Mị ạnmanaghian oye lọ rụseenyaan ịmi kụ mị ụ́miin; ọlo rụudereghi ịmi kụ mị ụ́miin.

Jerimaya 8:18

Kótue ookonom ọto phọ ạmi; Mephin esi ekpom ạmi.

Jerimaya 20:9

Kụ ọlo mem dị mị ạḅem mọ, “Mị kabula Ọmoogh-we phọ ḅịle kẹn mị kákol mun ḍien phọ ọdi ạkaaph ịyaar,” bịn adom mọ ạna mẹghigh nịan dị reemor ẹpe ologhi aloor phọ ạmi. Mị ạkparagha oḅoronom, kụ mị útue úḅoronom.

Jerimaya 36:16

Mem dị ọdi mạal, oniin akiton aphogh nyoniin reten iikia, kụ ọḅeni Baruk mọ, “Yoor ọmoogh ọghi ọghaaph ịphen phọ ọḅeni ọdaam-ẹmha phọ.”

Izikiel 13:3

Ịphen kụ ịdi Ọmoogh-we dị ạmoogh oomo ịikpo ạḅem: “Ariil elologhi phọ ạbuen mophe! Bịdi omitiom ịmiin ịlo ạbidi kụ ọlem uḍien ịlo ạbidi.