Jerimaya 23:8 - Ạḍinya Iigbia

⁸ Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Kụ bịdi ogbi orugh ịsien ade phọ ạbidi.”

Jerimaya 23:8 Iomraidhean Croise

Azaya 11:11

Aḍio phọ ạḍiphe ẹteeny, Ọmoogh-we phọ kạḅile kẹn ni ạsighe ịikpo phọ ọdi aḅulemiom we phọ ọdi bụphe osugha bọ ẹpe Asiria rꞌIjipt, ẹpe areelhe phọ ạPatros, Sụdan, Ilam, Bạbilonia rꞌạHamat rꞌịsiphe iigbom ạriphiiny phọ rꞌạnyu arukpu-ogbo ọphiiny phọ.

Azaya 14:1

Amem kẹḅile ni etu dị Ọmoogh-we phọ kạnma ighirigiir we phọ Ịzirel kụ ạḅile ạsaḅar bịdi mọ ạbuo ọno. Ọdi kameera ni bịdi ọḅile orugh sịphe ade phọ ạbidi, kụ aruuruen kotu ni otughan rꞌạbidi.

Jerimaya 16:14

Ọmoogh-we phọ rạḅem ghan, “Amem retu ni dị awe kókunya ghan mun esi aḍien phọ ạmi Ẹnaan phọ ẹpe edi ghan bọ bịn, ọpo ạsighe bọ nmụny Ịzirel amitiom ẹpe ade phọ Ijipt.

Jerimaya 16:15

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn, ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Mị kạsighe ni bịdi aḅulemi ẹpe eelhe phọ ạbidi, ẹpe ade phọ mị ạngo bọ bụrude ạburude phọ ạbidi. Mị, Ọmoogh-we phọ, kụ mạḅem.”

Jerimaya 23:3

Mị kaakpomoghi weye phọ ạmi osugha bọ ọḍuaghu ẹpe areelhe phọ mị ạwalalami bọ bịdi, kụ mị ạsighe bịdi aḅulemi ẹpe ẹmha phọ ạbidi. Bịdi kọmoogh ni ịbadi ạnmuny ọḅile oḍiza we.

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 30:10

“We ạmi, kẹ́moogh oghiilaan; weye Ịzirel, ịyaar kị́tol dị kiikperemi inyina. Mị kịtagharan ni inyina ạsighe ẹpe ạḍiikela ade phọ, ẹpe ade phọ nyina edi bọ ikoli phọ. Nyina ketigheel li otu, ẹtol rꞌẹepho; kiikpereghi ni inyina, kụ oye ólho dị kiḍighi inyina ịlo aḍiigu.

Jerimaya 30:3

loor esi dị amem retu ni dị mị kaḅulemi weye phọ ạmi, Ịzirel rꞌaJuda. Mị kaḅulemi ni bịdi sịphe ade phọ mị ạngo bọ bụrude ạburude phọ ạbidi kụ bịdi ọḅile ọmoogh. Mị, Ọmoogh-we phọ, kụ mạḅem.”

Jerimaya 31:8

Mị kaakpomoghi ni bịdi kꞌẹpe ephunom mọ kụ ạamaghagh bịdi kꞌaruukuna ade phọ. Awe ikpom ariḍien rꞌạrukugha kotu aani ni, ạnmariir lọ odi rꞌịyal amem aloor rꞌạbulo oghunughun rakun. Bịdi kotigheel kụ oḍighi egbogh eelhe.

Jerimaya 32:37

Mị kaakpomoghi ni we phọ ọḍua bọ oomo areelhe phọ mị ạawalalami bọ bịdi rꞌophin ologhi phọ, kụ mị ạsighe bịdi atu esi phọ ịsien kụ aḍighi ịdi bịdi kọtol rꞌẹepho.

Jerimaya 8:3

Ḅịle kẹn awe ẹkaraph eelhe phọ ẹphen phọ lọ osugha sịphe ạramha phọ ịpe mị aagulemi bọ kọmoogh ḍịḅeeraan omugh aani kpạripe rꞌọrol ọghiom aghisigh. Mị Ẹnaan Oomo Ịikpo, Ọmoogh-we phọ kụ mạḅem.”

Izikiel 28:25

Ọmoogh-we dị ạmoogh oomo ịikpo ạḅem mọ, “Mị kạsighe we phọ Ịzirel ạḍuanam reelhe phọ mị ạwalalami bọ bịdi aḅulemi, kụ oomo areelhe olegheri mọ mị oye aruukuan. Awe phọ Ịzirel kotugh de ạbidi, de phọ mị ạngo bọ Jẹkob otelhedom mọ ạmi.

Izikiel 34:13

Mị kạsighiogh bịdi amiteghom iiruen ạramha, aakpomoghi bịdi, kụ aḅulemi bịdi de ạbidi. Mị katelhiom bịdi ạkimom ẹpe ạraaḅaraph phọ rꞌasikol ẹpe Ịzirel kụ ạngo bịdi ịma ạroogho ọraal.

Izikiel 36:24

Mị kịsighe ni inyina eelhe kịrokiro rꞌẹmha kịrokiro aḅulemi de anyina.

Izikiel 36:35

Tọrobo oye kạḅem ni ịdi ade phọ ạḍien, eḍighi ghan bọ ẹdala phọ mẹghigh Oghoony Iden, ḅịle rꞌịdi ạramha phọ ophiemi bọ, owum ruphua, kụ ọwile eegulaan, awe mọḅile otughogh kụ okpeki.

Izikiel 37:25

Bịdi kọtol de phọ mị ạngo bọ Jẹkob otelhedom mọ ạmi, de phọ ạburude ạburude ạbidi ọrol ghan bọ. Bịdi kọtol sịphe kꞌagee-pọ, ḅịle ịdipho kụ ẹdi ạnmuny ạbidi rꞌẹemara ẹemara ạbidi kọtol. Ọdaam dị kạkigh Devid otelhedom mọ ạmi kụ kạda bịdi kꞌagee-pọ.

Izikiel 39:28

Kụ awe phọ ạmi ogbi olegheri mọ mị kụ Ọmoogh-we Ẹnaan phọ ạbidi. Bịdi kolegheri ịphen phọ loor esi dị mị ụghiom bịdi dọl ạrebene kụ maakpomoghi bịdi aḅulemi de ạbidi, dị rꞌoniin ọnyo ạbidi ọman ụ́bile.

Joel 3:7

Nyịidipho mị kạsighe bịdi amiteghom riisi phọ nyina aal bọ bịdi. Mị kiḍighi inyina ịpe nyina meḍighi bọ bịdi.

Maika 7:15

Uḍighinaan iyoor ịiḍaany, Ọmoogh-we, ịdipho nạ aḍighi ghan bọ mem mọ nạ ụsighe bọ iyoor ạḍuanam sịphe Ijipt.

Zẹfanaya 3:20

Amem mọ retu ni! Mị kạsighe weye phọ anyina ọwalala bọ atighelom; Mị kaḍighi ịdi nyina kemitiom ḍien oomo aḅirini phọ kụ ạḅile kẹn iḍume inyina.” Ọmoogh-we phọ kụ mạḅem.