Jerimaya 23:5 - Ạḍinya Iigbia

⁵ Ọmoogh-we phọ ạḅem mọ, “Amem retu ni dị mị kạsaḅar oye aruukuan ọlo ẹemara ẹemara aDevid kụ aḍighi ọdaam ẹmha. Ọdaam ẹmha phọ ọpo phọ kạsighe ni olegheri-ịyaar kụ apoghom weye phọ ạḅile aḍighi ghan ịpe eseleman bọ ẹḅile eḍighi elhiom sịen oomo ade phọ.

Jerimaya 23:5 Iomraidhean Croise

2 Sạmuel 23:3

Ẹnaan phọ Ịzirel mẹḅem ọpelia phọ Ịzirel ụḅeni ịmi: “Ọdaam mọ ọpo ạdaam bọ iiḅi ịiruen, dị ạnaghanan Ẹnaan kụ ạdaam,

Ạsuor 45:4

Ḍighom ạsu rughuenian phọ ạna kụ aghiilom rꞌedughom loor ọgba ghan igey, rꞌoogbo iiḅi ịiruen, Ạḍighaagh iphelegbe phọ ạna keḍighi ịdi nạ kạkpar apu ẹpomoghian phọ.

Ạsuor 80:15

Tue ạmaar aphogh oozin agrep phọ nạ ạzuph bọ, ẹnum oozin phọ nạ aḍighi bọ ịdi ạnuun aḍum.

Ạsuor 99:4

Ogbogh ọdaam, nạ ạpomoghian ịpe ẹnighe bọ; nạ maseere egeny eḍighinom ịyaar ẹpe Ịzirel. Nạ mạsighe atu dọl aruukuan rꞌegeny eḍighinom ịyaar.

Azaya 33:5

Pọ eeghe ạḍibugh Ọmoogh-we phọ! Ọdi rạtooghi ghan kạngo oomo ạraraar. Ọdi kamuzeḍi Jeruselem dọl aghuḍuul rꞌooḅi ọoruen,

Azaya 4:2

Amem retu ni dị Ọmoogh-we phọ kaḍighi ịdi tọrobo ẹezupha rꞌoreeny ịsiphe ade phọ kapoph ạbugh kụ ạnighe. Oomo awe phọ Ịzirel bụphe okpetenaan bọ kọmoogh ni ḍịḅeeraan rꞌoobaga esi ariiḍien phọ ịpe kobugha bọ sịphe ade phọ.

Azaya 42:6

“Mị Ọmoogh-we phọ mạmagh nyịna kụ ạngo nyịna ịikpo ọmiin mọ egey eḍighinom ịyaar ẹtol sịen ade phọ. Esi ạna kụ ẹdi mị kakiran ịyo rꞌoomo areelhe phọ; esi ạna kụ ẹdi mị katuom ḍịḅaal reelhe phọ.

Azaya 45:24

“Bịdi kọḅem ni mọ esi ạmi bịn kụ ẹdi kọmiin ọkpar opu rꞌịnyaam; kụ ọlo oomo ạbulo ụlhogh ịmi ḍien kozuan ni roofola.

Azaya 52:13

Ọmoogh-we phọ rạḅem ghan mọ, “Otelhedom mọ ạmi kaḍighi ni oḍighi phọ ạlogh ẹmhu; kọlogh ni nyọdi eboom eghuan.

Azaya 53:10

Ọmoogh-we phọ rạḅem ghan mọ, “Eḍighi ni igbiighi ạmi mọ ọdi ạmiinom; aḍuugh phọ ọdi eḍighi ẹkia ọsar ọwilenaan. Kụ loor ịduon phọ ọdi kạmiin ni ẹemara etum ẹemara phọ ọdi; ọdi kạmoogh ni kụudoony aghuḍum, kụ loor ọdi kụ ịpe mị rạwa bọ emite eganana.

Azaya 53:2

Eḍighi ni igbiighi Ọmoogh-we phọ mọ otelhedom ọno aphoph mụdi ẹezupha dị ạsini rẹkpaph ude esi dị ạgharaghar. Ọdi óḍigh eghuan ọḅile ọnighe oseere ologhi okiton ophogh ekpeḍien. Ịyaar ẹephua sịphe loor phọ ọdi ị́tol; ịyaar dị kiḍur iyira etumeniom nyọdi ị́tol.

Azaya 9:5

Arokoro phọ ạbuo ẹgham mọ ạbuphe oru bọ ozuom rꞌoomo ibura phọ ạbidi ịḅaal phọ ẹsaraghiom bọ ạnian kụ kepiemi.

Azaya 9:6

Mụmaranaan iyira mọony! Mụngo iyira ọkpana! Ọdi kaḍighi ọdaam ayira. Nyọdi kọmagh mọ, “Ịiḍaany,” “Uwo Oroma,” “Ẹnaan oomo ịikpo,” “Ọde kꞌagee-pọ,” “Ọkpana Ẹepho.”

Azaya 9:7

Ịikpo ẹdaam mọ ọdi eekuna ílho; ọmar phọ ọdi kạmoogh ẹepho oomo amem. Ọdi kạda ịdipho ọdi ạsighe esi aDevid ọdaam mọ, ịikpo ọdi kẹdaph ghan elhiom rꞌooḅi ọoruen, emiigh kꞌạnyiidipho tụtu kꞌeekuna amem. Ọmoogh-we oomo ịikpo phọ ạnya ni oḍighi oomo ịphen phọ.

Jerimaya 22:15

Ketue ni eḍighi nyịna ogey ọdaam ḍụghum eḍighi ịyaar dị nạ ạsighe rạsaga kụ ạloghom otu dị ạnighe apu ruutu ạbunon awe? Ọde phọ ạna ạrol li ạkpo. Ọdi ạrol li dọl aruukuan oomo amem, kụ edughom ịrolonaan ni nyọdi tọrotoro ịyaar lọ ọdi aḍighi.

Jerimaya 22:3

“Mị Ọmoogh-we phọ ạto ịngo inyina rạḅem ghan mọ iḍighi ghan rạraar lọ eḍighi elhiom ẹḅile eseleman. Ịloghonaan ḍịghaagh oye phọ ọpo roogbegheḍiom bọ ephorogh nyọpo raagbegheḍiom bọ nyọdi. Kẹ́kpilighi ghan mụghumo ọgbiphoghom aruuruen mꞌạbunyigo ạnmuny mụghumo arukpukele ạnmariir; ḅịle kẹn kẹ́ze weye dị mạar ụ́piom sịen esi iigbia phọ ẹphen.

Jerimaya 22:30

“Erugh mephum oye phọ ọphon ọdi kạ́moogh mun ịbam ạnmuny, ọdi kẹn kaḍighi oye dị igey kẹ́tolonaan. Ọdi kạ́moogh ẹemara ẹemara dị kọda Juda ịdipho awe dị kọsighe esi phọ aDevid. Mị, Ọmoogh-we phọ, kụ mạḅem.”

Jerimaya 23:6

Mem mọ ọpo ọdi kạda bọ, ịyaar kẹ́eḅaghami weye phọ aJuda, ḅịle kẹn awe phọ Ịzirel kọtolom ni rꞌẹepho. Kokol ghan nyọdi ‘Ọmoogh-we phọ Ọpelia phọ ayoor.’”

Jerimaya 29:11

Mị bịn kụ ulegheri igbiighi phọ mị ịmooghaan bọ inyina, igbiighi ịlo oḍume anyina, kị́lo ophiemi, igbiighi ọngo anyina oḍuom ologhi ịlo aghisigh.

Jerimaya 30:3

loor esi dị amem retu ni dị mị kaḅulemi weye phọ ạmi, Ịzirel rꞌaJuda. Mị kaḅulemi ni bịdi sịphe ade phọ mị ạngo bọ bụrude ạburude phọ ạbidi kụ bịdi ọḅile ọmoogh. Mị, Ọmoogh-we phọ, kụ mạḅem.”

Jerimaya 30:9

Kpạripe ghụn, bịdi kukumu ghan ịmi Ọmoogh-we Ẹnaan phọ ạbidi, ḅịle rꞌọnyo ẹemara ẹemara phọ aDevid dị mị kạdaami aḍighi ọdaam.

Jerimaya 31:27

“Mị Ọmoogh-we phọ ạḅem mọ amem retu ni dị mị kamuzeḍi de phọ Ịzirel rꞌaJuda weye rꞌịnam.

Izikiel 21:27

Eegulaan, eegulaan! Agey ni, mị kaḍighi ẹmha phọ eegulaan. Kụ ọlo ịphen phọ kémite tụtu oniin phọ ọpo mị mạsaḅar bọ ọlo ọliom ẹmha phọ aru. Pọ kụ amem dị mị kạḅogh ẹmha phọ ạngo nyọdi.

Izikiel 34:16

“Mị kạwa ịpe mopheeghu bọ, aḅulemi ịpe meyeela bọ, ạkoroghiom ukpe ịpe eḍighima bọ rạraar phọ, aakonom ịpe rẹerurughian bọ; kụ ịpe ẹbugh bọ ekpo rꞌịnyaam mị kapiemi ni, loor esi dị mị opoghom dị raḍighi ghan ịlo eḍighi elhiom.

Izikiel 34:29

Mị kạngo bịdi de ẹnuum kụ akunughi ọkoony sịphe ade phọ. Ịpheri phọ areelhe phọ kọ́kpin mun ópogh bịdi.

Izikiel 45:8

Ekpisi phọ ẹphen keḍighi bin dị ọkpana ọdaam mọ kạmoogh sịphe ade phọ Ịzirel, bịn ọdi kạ́kpilighiom mun weye phọ kụ kạbile ḍịeri phọ ạga eelhe phọ eḍighi ẹlo arughunughun phọ Ịzirel.

Dạniel 9:24

“Oḍual amem oḍualdi ạsia kụ amem dị Ẹnaan meseere ọtagharan awe anyina rꞌẹmha iigbia phọ esi ịkaraph ḅịle rꞌẹkaraph eḍighinom ịyaar. Kọsar ri ịkaraph ọbilenaan kụ ọmeremi iiḅi ịiruen kꞌagee-pọ, ọbo uḍien phọ rꞌịmiin phọ etu emite, kụ Otu Ịiḅereghi iigbia phọ kọḅile ni ọosa ọḅogh ọngo.

Hosia 1:11

Awe phọ aJuda rꞌawe phọ Ịzirel kọḅile ni ọḅophan. Bịdi kọsaḅar ri ọngo siloor ạbidi oniin oḍiemiom, kụ bịdi ọḅile opoph kụ oḍum sịphe ade phọ ạbidi. Ii, aḍio phọ ạJezreel keḍighi ni ḍigbogh aḍio.

Hosia 3:5

Kụ amem ketu ni dị awe phọ Ịzirel kọḅile okiton kụ opogh Ọmoogh-we Ẹnaan phọ ạbidi rꞌọnyo ẹemara ẹemara aDevid ọdaam mọ ạbidi. Pọ kụ amem dị bịdi kọlogh eghuan Ọmoogh-we phọ kụ ọboor ịma aruunmo ọdi.

Ẹmos 9:11

Ọmoogh-we phọ ạḅem mọ, “Aḍio retu ni dị mị kaḅulemi dọl ọmar phọ aDevid, ọpo ạghigh bọ ịdipho otu dị ameel kụ aagulaan. Mị kaselemi ni iikpe phọ ọdi kụ mị ạḅile aḅulemi. Mị kạḅile ni ạlogh ạkighemi ịdipho ạrol bọ mem dị meten.

Maika 5:3

Ọmoogh-we phọ kakel weye ọdi ạngo mụlogh-ḍien ạbidi tụtu ạnir dị kạmar mạmar mọony olephiri ọdi. Pọ kụ amem dị awe phọ ọdi dị odi dọl iiruen kotu ọḅophan rꞌawe ạbidi.

Zẹkaraya 3:8

Ler rụru nụun, Josua nạ phọ aḍighi bọ ogbogh oyil ạrikia phọ; ḅịle kẹn, iler rụru, nyina phọ ạbueri phọ ariil ạrikia phọ ọdi, nyina phọ eḍighi bọ eḍeenaan igey dị edi risigh: mị kagananami ni otelhedom mọ ạmi ọpo oghol bọ mọ Ọla Phọ.

Zẹkaraya 9:9

Weye ạZayon, ịmoogh iboh, ịmoogh iboh! Nyina awe aJeruselem, ịlo ḍịolho iboh! Ịmiin, ọdaam ẹmha phọ anyina ratu ọteeny anyina! Ọdi ratumom ịikpo rꞌọkpar opu, kụ ọlo asooromi ni loor kụ aḍigh ẹnam adool — ẹnam mọ eḍighi elephiri ẹnam adool.

Matiu 2:2

kụ opuru mọ, “Odi ẹghen ọpo ọmar bọ ọda ạbuo aJu phọ? Yoor mọmiin ẹenaan phọ ọdi ẹpe erumuḍio phọ remite ghan bọ, kụ otu bọ ooseeny ọdi.”

Elegh ạJon 1:45

Kụ aFilip ạwa Nạtaniel ạmiin, kụ ạḅeni mọ, “Yoor mọmiin oye phọ ọpo ạrinya iilogh phọ aMozis rꞌịgeeghi ariil phọ Ẹnaan ẹghaaph bọ ịlo ọdi. Ọdi ạJizos ọony ạJosef, ọnyo ạNazeret phọ.”

Elegh ạJon 1:49

Kụ ạNataniel mọ, “Ọtughemia, nạ kụ Ọony phọ Ẹnaan. Nạ kụ Ọdaam ẹmha phọ Ịzirel.”

1 Bụo ạKorint 1:30

Ẹnaan kụ azin ạmuḅoph phọ anyina rꞌạJizos Kraist. Ẹnaan kụ irom bọ nyọdi mọ ụngo iyira olegheri ịyaar rꞌaruukuan phọ ọdi, ạḅile ạtagharan kụ uwoph iyira esi ịkaraph phọ ayira.

Bụo aHibru 8:8

Kụ Ẹnaan mẹmiin ọpioman awe phọ ọdi kụ rẹḅem ghan bọ mọ, “Ọmoogh-we phọ rạḅem ghan mọ ariiḍio retu ni, dị mị kakiran imoom ịyo rꞌaweye phọ Ịzirel, ḅịle rꞌeghunotu phọ aJuda.

Ogonanami Phọ 19:11

Kụ mị ụḅile ni ạmiin ịdi ạke phọ aghughuronu, rꞌọphalaḅaal ạsu dị odi. Nyọpo ạsu phọ rakiilom bọ ughol mọ Óbi rꞌÓkue. Esophom ịiruen phọ rꞌeenom ẹgham mọ ọdi resel ghan ni.