Jerimaya 23:4 - Ạḍinya Iigbia

⁴ Mị kạmaaghi ni weye dị kọda bịdi agey. Awe phọ ạmi kókiil mun ruugu, ḅịle kẹn mị kạ́ḅile mun ạliom bịdi. Mị, Ọmoogh-we phọ, kụ mạḅem.”

Jerimaya 23:4 Iomraidhean Croise

Azaya 11:11

Aḍio phọ ạḍiphe ẹteeny, Ọmoogh-we phọ kạḅile kẹn ni ạsighe ịikpo phọ ọdi aḅulemiom we phọ ọdi bụphe osugha bọ ẹpe Asiria rꞌIjipt, ẹpe areelhe phọ ạPatros, Sụdan, Ilam, Bạbilonia rꞌạHamat rꞌịsiphe iigbom ạriphiiny phọ rꞌạnyu arukpu-ogbo ọphiiny phọ.

Jerimaya 30:10

“We ạmi, kẹ́moogh oghiilaan; weye Ịzirel, ịyaar kị́tol dị kiikperemi inyina. Mị kịtagharan ni inyina ạsighe ẹpe ạḍiikela ade phọ, ẹpe ade phọ nyina edi bọ ikoli phọ. Nyina ketigheel li otu, ẹtol rꞌẹepho; kiikpereghi ni inyina, kụ oye ólho dị kiḍighi inyina ịlo aḍiigu.

Jerimaya 31:10

Ọmoogh-we phọ ạḅem, “Reelhe, ịnaghanan ịmi kụ egbeelom ikpo ọnhu phọ ạmi ẹghimom rikpisi dị ẹkelogh. Mị ụuwalami ni weye phọ ạmi, kụ ọlo mị kaakpomoghi bịdi kụ ạmaar apogh bịdi ịdipho okoriom mọ rapogh ghan bọ ḍita ịga phọ ọdi.

Jerimaya 33:26

Ịduon mị maḍighi bọ ịphen phọ kụ ẹdi mị kạpamanam ịyo phọ ạmi rꞌẹemara ẹemara ạJekob rꞌaDevid otelhedom mọ ạmi. Mị kạsaḅar oniin ọnyo ẹemara ẹemara phọ aDevid ạda ẹemara ẹemara Ebraham rꞌẠizik rꞌạJekob. Mị kạnma ighirigiir we phọ ạmi kụ ạḅile ạngo bịdi edughom.”

Izikiel 36:11

Mị kaḍighi ịdi awe rꞌạsinam kẹbugh ḍita. Aḍita anyina kẹbugh epu ịpe ẹrol ghan bọ ḅịle nyina kẹmar ịbadi ạnmuny. Mị kaḍighi ịdi nyina kẹtol sịphe ịdipho nyina ẹrol ghan bọ mem dị meten, ḅịle mị kịngo inyina edughom apuemi mem dị meten, kụ nyina egbi olegheri mọ mị kụ Ọmoogh-we phọ.

Lịvitikos 26:9

Mị kịloghoma ni inyina, kụ mị aḍighi ịdi nyina kẹmar emuzeḍi, kụ mị kạkparami ni ịyo phọ ịpe mị aghiran bọ rꞌanyina.

Maika 4:4

Tọrobo oye kạtol rꞌẹepho ogbo ireeny avain rꞌạfig ọdi, kụ rꞌoye káḍighi nyọdi ịlo aḍiigu. Ogbogh Ọmoogh-we phọ kụ aguanaan ịphen.

Maika 5:2

Ọmoogh-we phọ ạḅem mọ, “Bẹtilihem Efrata, nạ eniin ẹmha dị eghom iboom sịphe Juda, kụ aloor ạna kụ ẹdi mị kamitiom oye dị kạda Ịzirel, dị ẹemara ẹemara ọdi emiigh kꞌageedi.”

Maika 7:14

Ḍighi okoriom awe ạna, Ọmoogh-we, weye phọ nạ mạsaḅar bọ. Ghạlamo bịdi odi ni gem gem ẹpe ẹdala phọ, ade ẹeḍiom edi ekoom bịdi. Meera bịdi ọghi ọraal ịma ạroogho phọ ạBasan rꞌạGiliad, ịdipho bịdi ọraal ghan bọ mem dị mebia.

Zẹfanaya 3:13

Awe Ịzirel lọ osugha kọ́pioman mun esi oye, ọkpe kọ́gba, ḅịle oye kóokeleghi. Bịdi kọmoogh ẹelha kụ ịyaar kẹ́ḅogh, oye kókiilaan.”

Igbiighi 31:49

kụ ọḅeni mọ, “Yoor abutelhedom mọ ạna mogbi we ẹgham mọ odi bọ eeḍian ayoor, kụ oye óphe sịphe aḍita phọ ayoor.

Elegh ạJon 17:12

Mem mọ mị ạrolan bọ bịdi, mị ụphamam ni bịdi ịikpo aḍien phọ ạna nạ ụngo bọ ịmi. Mị ụmaar ri ạpham bịdi dị rꞌoniin ọnyo ạbidi úpe, emuton nyọpo ẹgianaan bọ ophe phọ, ọbo omuneniom ịpe ạḍinya iigbia phọ ẹḅem bọ.

Elegh ạJon 18:9

Ịphen phọ imite omuneniom ịpe ọdi ạghaaph bọ mọ: “Rꞌoniin ọnyo ạbuphe nạ ụngo bọ ịmi mị útoph.”

1 Pita 1:5

Ịphen phọ iseenaan ni inyina ạbuphe mọtuan bọ omeeraam mọ oḍigh ḍibuo ịikpo phọ Ẹnaan, kụ rokori ghan bọ pẹleeny phọ ọpo mookolobian bọ oseere ịlo ogananami ruukuna phọ.