Biblia Todo Logo
Bìoball air-loidhne

- Sanasan -




Jerimaya 23:2 - Ạḍinya Iigbia

2 Ịphen kụ ịdi Ọmoogh-we Ẹnaan phọ Ịzirel rạḅem ịdi egbolomaam bụen ọda bọ weye phọ, bụen phọ ọkpe bọ ọmaar ophogh awe phọ ọdi: “Nyina weye phọ ạmi répogh agey; nyina mephorogh bịdi ẹwalalami. Nyịidipho mị kịliom inyina loor esi ịkaraph phọ nyina meḍighi bọ.

Faic an caibideil Dèan lethbhreac




Jerimaya 23:2
21 Iomraidhean Croise  

“Nyịidipho keel, ḍiemiom we phọ asiemi ekpisi phọ ẹpe mị ạghaaph bọ ạḅeni nyịna. Legheri mọ ọokpaany ạmi karelhiom ni nyịna. Kụ ọlo amem mọ retu ni dị mị kạsighe ịkaraph phọ ạbidi ạḅam rụmhu ạbidi.”


Kụ mị ạphagharanaan mọ, “Abuḍiemiom mọ ayira ịyaar úlegheri; bịdi rópuru ghan Ọmoogh-we phọ oromoghiom ạbidi. Ẹphen kụ ịyaar phọ bịdi agey úḍighi bọ, bịn kụ mọwalalami bọ weye phọ ayira.


Kụ iḍighi kụ Ẹnaan Oomo Ịikpo Ọmoogh-we phọ ạḅem mọ, “Mị kạliom ni bịdi! Kọze ugheel ạnmuny phọ ạbidi erugh ẹgham; ạnmuny phọ ạbidi komuughu loor esi ịgbakuro.


Eḍighi ịyaar dị nyina ị́naghanan, mị kamoghi ni esi ịbooghian loor esi ophoophe aloor phọ anyina. Mị kamoghi ni agey, kụ izin ạmi ekil, loor esi dị mọsighe weye Ọmoogh-we phọ rọkimom oḍighi ạrebene.


Jeruselem, pogh. Awe ẹpomoghian phọ ạna mọḍua ẹpe ephunom mọ rotu! Odi ẹghen awe phọ ọngo bọ nyịna ophogh phọ, awe phọ ạna nạ ạtuan ghan bọ aphoophe loor phọ?


Nạ kạḅem mọ meeghia mem dị awe phọ ạbuphe nạ agbiom ghan bọ mọ ạrighiri ạna kụ mọkpar opu nyịna kụ ọḅile ọtooghi rọngo nyịna? Kepin ni esi ạna ịdipho ạnir lọ rạmar.


Mị Ọmoogh-we phọ kụ rạwaaghi ghan ịitughian phọ kạḅile aphogh iloghi phọ awe. Mị raḍighi ghan kạngo oye ọdaphan dọl phọ ọdi rꞌịpe ọdi raḍighi bọ.”


Eḍighi ịyaar dị oniin oye phọ ạmi, mụghumo oyil, mụghumo oyil ạrikia kụ ạḅem, ‘Adool Ọmoogh-we phọ’, pọ mị kạliom ni nyọdi rꞌọto kꞌọdi.


Ḍio phọ arodon ade phọ anyina mẹphu kụ rꞌoye ólho mun sịphe. Mẹḅile eḍighi esi dị eeph ọmiin kụ awe ọsighe ḍien phọ oḍighi ịlo itonyonaan loor esi dị Ọmoogh-we phọ órue mun ọ́kparam sịpioghom mọ rꞌẹkaraph eḍighinom ịyaar phọ anyina.


“Kụ ọlo mị Ọmoogh-we phọ kạtuan ni rạraar phọ ịphen phọ ạliom bịdi; mị kaḅulemian ni eelhe phọ ẹphen phọ.


Ị́kpianaan dị mị kạliom bịdi loor ạraraar phọ ịphen phọ, ạḅile aḍighi aḅulemian eelhe dị ẹrol ịduon ḍụghum?


Weye ạmi, umugholoor isiph ni inyina loor esi ạraraar isa phọ ịphen phọ nyina eḍighi yogh bọ ḍụghum? Eeye, umugholoor inyina ísiph rꞌẹnum; nyina ílegheri rolegheri ịlo okiriri. Kụ iḍighi kụ nyina kemeel li ịdipho ạbueri phọ momeel bọ; mem dị mị ịliom inyina, ẹpe kụ keḍighi eekuna anyina. Mị Ọmoogh-we phọ kụ ụḅem.”


Loor esi dị iyool-ịga phọ ị́moogh bọ opoghom, bịdi ịwalala ni, kụ ilhom ịnam ẹze bịdi ạa.


Mị kạliom ni nyọdi ịdi eḍighi bọ ọdi úwula ịmi kụ rạsuanaan ghan Baal ịnsens ịlo ooseenyom ọdi; mị kạliom ni nyọdi esi amem mọ ọdi adoghoḍian bọ rạla ạraghaagh ọbo ọdi ạḅeeraan rụga phọ ọdi. Ọmoogh-we phọ kụ ạḅem.


Ghạlamo ogey oye ịma ạdol sịphe ogbo ạbidi ọ́man mạar; ịdipho ọmirimiir dị odi ozo, ọ́moogh ịyaar oḍighinom. Aḍio phọ mẹteeny dị Ẹnaan kẹliom weye ọdi, ịdipho ọdi ạḅeni bọ riil phọ mọ ọphur bịdi rụru. Nyịidipho bịdi úlegheri ịlo oḍighi.


Ọmoogh-we phọ ạḅem mọ, “Mị rạkagham ni ologhi ruuruen phọ ọda bọ weye phọ ạmi, kụ mị kạliom bịdi. Awe phọ aJuda ạbuo ạmi, kụ mị Ọmoogh-we Oomo Ịikpo phọ kạmaar ri apogh bịdi. Bịdi koḍighi rụsu ịikpo ẹgham mọ ạmi.


Mị maseere ni okoriom mọ ạmaar aphogh iyool-ịga phọ ạmi, kụ ọlo ọdi órue ọloghonaan ḍịghaagh iyool-ịga phọ ịpe rẹwa bọ ophe phọ; ḅịle kẹn rápogh ghan ịpe mephe bọ, mụghumo ookonom ịlo eḍighima ịyaar, mụghumo ọngo eḍien ịpe emoon bọ. Kpạripe ghụn ọdi rapogh ghan ọga lọ ạmoogh ẹnuum bịn kaghiigh ạanyi, ạḅile ạpham rạda aruwol phọ kạkpagharan.


Mị ụrol li ẹdaḅa, kụ nyina imunemi ịmi ukpe. Mị ụrol li esi ẹzegh, kụ nyina iikonom ịmi. Mị ụrol li otu ikoli, kụ nyina eru ghan iphogh ịmi.’


Mị uḍighi ni ooruen, kụ nyina ịmi otu ị́logh. Mị ụrol li ẹdaḅa, kụ nyina ịmi ukpe ímunemi. Mị ụrol li esi ẹzegh ḅịle rꞌotu ikoli, kụ nyina ịmi íru ghan iphogh.’


Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.


Lean sinn:

Sanasan


Sanasan