Jerimaya 23:1 - Ạḍinya Iigbia

¹ Ịpe eeghia ịdi ịiruen Ọmoogh-we phọ kebeeph esi ạbuphe mophiemi bọ kụ ọḅile rọwalalami weye phọ ọdi!

Jerimaya 23:1 Iomraidhean Croise

Jerimaya 10:21

Kụ mị ạphagharanaan mọ, “Abuḍiemiom mọ ayira ịyaar úlegheri; bịdi rópuru ghan Ọmoogh-we phọ oromoghiom ạbidi. Ẹphen kụ ịyaar phọ bịdi agey úḍighi bọ, bịn kụ mọwalalami bọ weye phọ ayira.

Jerimaya 12:10

Ịbadi ạbudaam iiruen areelhe moogulemi ozo amiim avain phọ ạmi; bịdi mọozeghi iizo phọ ạmi, bịdi mokiton ịma phọ ade phọ ạmi otene ẹdala.

Jerimaya 13:17

Eḍighi ịyaar dị nyina ị́naghanan, mị kamoghi ni esi ịbooghian loor esi ophoophe aloor phọ anyina. Mị kamoghi ni agey, kụ izin ạmi ekil, loor esi dị mọsighe weye Ọmoogh-we phọ rọkimom oḍighi ạrebene.

Jerimaya 2:26

Ọmoogh-we phọ ạḅem mọ, “Ịdipho roofolomi ghan bọ ọḅa lọ osiph, ịduon kụ ịdi koofolomi oomo awe phọ Ịzirel — bụdaam mọ anyina rꞌạbuo ịtooghi phọ, bụpinyon rịkia phọ rꞌariil phọ anyina.

Jerimaya 2:8

Ạbupinyon rịkia phọ úpuru mọ, ‘Ọmoogh-we phọ odi ẹghen?’ Ariil ạrikia phọ ạmi ịmi úlegheri. Ạbuo ịtooghi phọ muruphiom ịmi ẹgham; ariil phọ Ẹnaan ọḅile okol ḍien aBaal kụ rọkaaphom ghan ọḅile rọoḅereghi ghan ruru dị ị́moogh ịyaar oḍighinom.

Jerimaya 22:22

Ookuugh phọ kapula ni buḍiemiom mọ anyina ạsighiogh, ạbuphe oḍighan bọ rꞌanyina koḍighi weye ikoli ẹgham, koofolomi ni ẹmha phọ anyina ọḅile osiphe umugholoor loor ẹmhu oomo ịkaraph phọ nyina meḍighi bọ.

Jerimaya 23:2

Ịphen kụ ịdi Ọmoogh-we Ẹnaan phọ Ịzirel rạḅem ịdi egbolomaam bụen ọda bọ weye phọ, bụen phọ ọkpe bọ ọmaar ophogh awe phọ ọdi: “Nyina weye phọ ạmi répogh agey; nyina mephorogh bịdi ẹwalalami. Nyịidipho mị kịliom inyina loor esi ịkaraph phọ nyina meḍighi bọ.

Jerimaya 50:6

“Awe ạmi ọkigh iyool-ịga dị abukoriom mọ mọwile kụ ophe ẹpe aruugum mọ. Bịdi moyeela ịdipho iyool-ịga dị ẹḍua eegum ẹgba eegum, kụ mewula esi ạdol phọ ạbidi.

Izikiel 13:3

Ịphen kụ ịdi Ọmoogh-we dị ạmoogh oomo ịikpo ạḅem: “Ariil elologhi phọ ạbuen mophe! Bịdi omitiom ịmiin ịlo ạbidi kụ ọlem uḍien ịlo ạbidi.

Izikiel 34:1

Ọmoogh-we phọ ụḅaanaan ịmi.

Izikiel 34:21

Nyina ekpor ịpe ímoon bọ ẹgbole kụ ekul ẹgbatan sịphe aḍita phọ.

Izikiel 34:31

“Nyina, iyool-ịga ạmi, aḍita dị mị ạngo eḍien, nyina kụ awe phọ ạmi kụ mị Ẹnaan anyina,” Ọmoogh-we dị ạmoogh oomo ịikpo ạḅem.

Izikiel 36:38

Ạramha phọ nyịidipho mepheeghu bọ kẹḅile kụ emuza weye ịdipho iyool-ịga dị oliom ghan ile mem ẹyaal emuza ghan bọ Jeruselem. Kụ bịdi ogbi olegheri mọ mị kụ Ọmoogh-we phọ.”

Zẹkaraya 10:3

Ọmoogh-we phọ ạḅem mọ, “Mị rạkagham ni ologhi ruuruen phọ ọda bọ weye phọ ạmi, kụ mị kạliom bịdi. Awe phọ aJuda ạbuo ạmi, kụ mị Ọmoogh-we Oomo Ịikpo phọ kạmaar ri apogh bịdi. Bịdi koḍighi rụsu ịikpo ẹgham mọ ạmi.

Matiu 15:14

Ịbilenaan we phọ ạbuphe. Bịdi awe ikpom ariḍien dị ọḅem mọ ạbuno koḍiemiom bụnon. Kụ oye ikpom ariḍien aḍiemiom ọnon oye ikpom ariḍien, ịyal phọ ạbidi komeleghu ni osuma ooni.”

Matiu 9:36

Mem dị ọdi ạmiin bọ ḍita awe phọ, ọdi ạmoogh ni igbiririph esi ạbidi, ịdi eḍighi bọ bịdi ụrol esi ịiḅaghami kụ royeela ịdipho iyool-ịga dị opoghom úlho.

Elegh ạJon 10:10

Ọḅa ọ́tuan ẹnon ịyaar kụ aru, emuton omi, rꞌọze, rꞌophiemi. Mị uru mọ awe ọmoogh kugey ạkukpol-kpọl aghuḍum.

Elegh ạJon 10:12

Oye lọ ophir, dị útu opoghom mọ, kạbile ni iyool-ịga phọ, akiil ạḍua, mem lọ ọdi ạmiin dị elhom ẹnam retu. Kụ elhom ẹnam mọ ẹki ẹsighiogh iniin iyool-ịga phọ kụ ẹwalalami ịpe esugha bọ.

Elegh ạJon 10:8

Oomo phọ ạbuphe moru bọ kụ egbi ọteeny ạmi, ạruḅa dị rozirion ghan weye rạraar kạanyi, kụ iyool-ịga phọ bịdi ị́naghanan.