Jerimaya 22:9 - Ạḍinya Iigbia

⁹ Kụ bịdi ogbi ọphagharanaan mọ ụtuan dị nyina mẹḅitonaan ịyo phọ nyina eghiran bọ rꞌạmi Ẹnaan phọ anyina bịn ẹḅile rẹeḅereghi ghan kẹḅile ekumu ịnon ạrumugh.”

Jerimaya 22:9 Iomraidhean Croise

1 Ạbudaam 9:8

Kụ Otu phọ ọphon aleeny bọ ịduon, tọrobo oye lọ raten sịen keḍigh ghan ni iikia kụ ạnyaghaan ghan ịpaaph, kụ bịdi ọḅem ghan mọ, ‘Ọmoogh-we phọ ạtu ika kụ aḍighi bọ ịduon de phọ ạḍien rꞌotu phọ ọphon phọ?’

2 Ạbudaam 22:17

ịdi eḍighi bọ bịdi mughel ịmi rọsuughinaan ghan ịnsens ịnon ạrumugh. Oomo ịpe bịdi ọsighe bọ rạghaagh ạbidi kụ oḍighinom mịngo ịmi ọghagh ologhi. Mị kạkagham ologhi Jeruselem, kụ ạnian dị kótue oḍime eemor.

2 Krọnikuls 34:25

Bịdi mughel ịmi kụ oḍighi rịkia ọngo ịnon ạrumugh, kụ mosumeeny ophin ologhi ạmi esi oomo ịpe bịdi moḍighi bọ. Mọozaghami ophin ologhi ạmi esi aJeruselem, kụ kámeleghu.

Jerimaya 11:10

Bịdi moḅula ọḅile roḍighi yogh ịkaraph ạburude ạburude phọ ạbidi, bụphe úmeera bọ úḍighi ịpe mị ạḅem bọ; bịdi mọoḅereghi ịnon ạrumugh. Ịzirel rꞌaJuda mọka ịyo phọ mị aghiran bọ rꞌạburude ạburude phọ ạbidi.

Jerimaya 11:3

mọ mị Ọmoogh-we Ẹnaan phọ Ịzirel maronyon tọrotoro oye lọ ụ́daphan iilogh ịyo phọ ịphen.

Jerimaya 16:11

Kụ agbi nụun ọḅeni ạbidi ịpe Ọmoogh-we phọ mạḅem bọ mọ, ‘Ạburude ạburude phọ anyina ụwile ịmi kụ ọoḅereghi ghan ọḅile okumu ịnon ạrumugh. Bịdi ụḅitonaan ịmi ḅịle kẹn ụ́naghanan ịtughemi phọ ạmi.

Jerimaya 50:7

Tọrobo oye lọ ạmiin bịdi azuom bịdi. Ạbumulogh-ḍien ạbidi ọḅem, ‘Bịdi ụpioman esi Ọmoogh-we phọ. Loor ịduon phọ ịpe yira moḍighi bọ bịdi kọ́pioman. Ạburude ạburude ạbidi uḍuom ni ologhi esi Ọmoogh-we phọ, kụ bịdi rꞌaloor ọkpe omeelom aani ọdi.’

Jerimaya 9:13

Kụ Ọmoogh-we phọ ạphagharanaan mọ, “Ịphen phọ imite loor esi dị awe phọ ạmi mọwile ịpe mị ạtughemi bọ bịdi. Bịdi ịmi ụ́naghanan ḅịle úḍighi ịpe mị ạḅeni bọ bịdi.

Izikiel 12:16

Mị kameera ni ẹphurukpu ạbidi okpetenaan ẹgham mọ, ịgbakuro phọ rꞌạreezegh phọ, ọbo eḍighi ịdi sịphe ogbo areelhe phọ bịdi ologhoma ịpe eḍighinom ạraraar phọ ạbidi meeph bọ kụ olegheri mọ mị kụ Ọmoogh-we phọ.”

Izikiel 14:23

Pọ kụ amem dị nạ kalegheri mọ egey ẹmhu ịrol li esi ạtorobo ịyaar dị mị aḍighi.” Ọmoogh-we dị ạmoogh oomo ịikpo kụ mạḅem.

Izikiel 39:23

Kụ areelhe phọ kolegheri ni mọ usiphi we phọ Ịzirel ọḍuanam iiruen ạramha loor esi ạsipioghom mọ ạbidi esi ạmi. Mị úpogh mun bịdi kụ mị ạngo ọgel kụ ạbumulogh-ḍien ạbidi kụ ọkpar opu bịdi kụ ọze bịdi ẹgham.

Izikiel 5:15

“Mem dị mị ạsighe ofughughuuny rꞌophin ologhi phọ ạmi kụ ạliom nyịna, oomo areelhe phọ ekitonom bọ nyịna kekiilaan ni. Bịdi kophogh nyịna rꞌaḍiboom aḍikia kụ ogbi ọnmoghoghoom.

Dutoronomi 29:24

Kụ oomo areelhe phọ kopuru ghan mọ, ‘Uḍighi ika kụ Ọmoogh-we phọ ạtu bọ aḍighi de phọ ạḍien ịduon? Eeghe kụ ịkom bọ oboom ọghagh ologhi phọ ọphon?’