Jerimaya 22:5 - Ạḍinya Iigbia

⁵ Kụ ọlo eḍighi ịyaar dị nyina ị́naghanan ịto phọ ạmi, pọ mị akunya ni rịngo inyina rạḅem ghan mọ ogiga phọ ọphon kameel li aagulaan. Mị, Ọmoogh-we phọ, kụ mạḅem.

Jerimaya 22:5 Iomraidhean Croise

Emiighom 22:16

Kụ Ọmoogh-we phọ ạḅem mọ, “Mị maghunyan esi aḍien phọ ạmi mọ mị kạbughe ni ạḅile ạseph nyịna. Loor esi dị nạ aḍighi bọ ịduon kụ ạaku ụ́logh bọ ogina ọony phọ ạna ughine ạmi,

2 Krọnikuls 7:19

Kụ eḍighi ịyaar dị nạ rꞌawe ạna rọḅaar ẹmhu esi iilogh rꞌịtooghi phọ mị mịngo bọ inyina kooseeny ịkaaneen ạrumugh,

2 Krọnikuls 7:21

“Otu Ịiḅereghi phọ nyịidipho ọngo ni eboom eghuan, kụ tọrobo oye lọ raten kụ aphogh keḍigh ni iikia kụ apuru, ‘Uḍighi ika kụ Ọmoogh-we phọ aḍighi ịphen de phọ ạḍien rꞌOtu Ịiḅereghi phọ ọphon?’

2 Krọnikuls 7:22

Awe kọpagharanaan, ‘Ịdi eḍighi bọ bịdi ughel Ẹnaan phọ ạbidi Ọmoogh-we phọ, ọpo ạsighe bọ bụrude ạburude phọ ạbidi amitenom ẹpe Ijipt. Bịdi ụngo omeeraam ạbidi ịkaaghineen ạrumugh kụ ooseeny. Ịpe kụ iḍighi kụ Ọmoogh-we phọ aseere bọ mabi phọ ạmuen.’”

Ạsuor 95:11

Kụ ẹghagh ologhi ạmi kụ mị aghunya mọ, ‘Nyina kéḍigh de phọ, sịphe mị mụngo bọ inyina ophooghian.’”

Azaya 1:20

Kụ eḍighi ịyaar dị nyina ịgbagharan ịmi, pọ nyina meḍigh edoghola aḍuugh. Mị Ọmoogh-we phọ mạḅem.”

Jerimaya 12:7

Ọmoogh-we phọ rạḅem mọ, “Mị mạḅitonaan Ịzirel; mị maghel eelhe phọ mị ạsaḅar bọ. Mị mạḅogh weye phọ mị ạphomoghian bọ ạlogh ḍịghaagh ẹpomoghian phọ ạbidi.

Jerimaya 17:27

Kụ ọlo ẹkpe ni dị bịdi kụnaghanan ịmi ọḅile ooko ḍio ophooghian phọ ịdipho aḍio iigbia. Bịdi kútool dool úḍighom rụnhu-aḍibuo phọ aJeruselem ḍio phọ ạḍiphe phọ; eḍighi ịyaar dị bịdi orool oḍighom, mị kạlogh nịan rụnhu-aḍibuo phọ aJeruselem. Ạnian kụ kele rigiga ọdaam-ẹmha phọ aJeruselem, kụ oye ólho dị katue aḍime nịan phọ.”

Jerimaya 26:4

Ọmoogh-we phọ ụḅeni ịmi ọḅeni awe phọ, “Mị Ọmoogh-we phọ mạḅem mọ nyina ẹmoogh ọnaghanan ạmi rꞌọdaphan ịtughemi phọ mị ịngo bọ inyina,

Jerimaya 39:8

Mem mọ ạmuen phọ awe ẹgham mọ ạBabilon mọsuughi nịan otu ọdaam mọ rꞌaruutu awe phọ osiemi ude ọḅile olereghi iikpe phọ aJeruselem.

Jerimaya 44:26

Kụ ọlo nyịidipho ịnaghan oguan phọ mị, Ọmoogh-we phọ, maguanaan rꞌaḍigbogh aḍien phọ ạmi ạngo oomo phọ anyina ạbuo Ịzirel phọ odi bọ ẹpe Ijipt. Egbi kꞌaḍio phọ arodon ẹghiom ghisigh, mị kámeera mun dị ọnyo anyina kạsighe ḍien ạmi ạḅemom mọ, ‘Mị akunyaam ḍien Ẹnaan phọ edi ghan bọ.’

Ẹmos 6:8

Ọmoogh-we Egbogh Ẹnaan Oomo Ịikpo phọ kụ rạngo ọphur ạruru phọ ọphon mọ, “Iḅo-igbogh awe phọ Ịzirel ikia ni ịmi iboom; mị akel li igbogh aruutu phọ ạbidi. Mị kạḅogh ni ẹkpana ẹmha phọ ạbidi rꞌoomo ạraraar phọ edi bọ ologhi phọ ạngo bụo ẹpomoghian phọ.”

Maika 3:12

Esi ịduon phọ, loor ẹmhu phọ anyina, Zạyon koḅeph ịdipho ozo, Jeruselem keten egu asighiigh kụ eegbolom Otu Ịiḅereghi phọ keten ẹekpua.

Matiu 23:38

Ade ẹmha phọ anyina keḍighi ọkpagha.

Bụo aHibru 3:18

Mem mọ Ẹnaan eghunyian bọ mọ, “Bịdi kóḍigh aani dọl ophooghian phọ ạmi” — ọdi ạghaaph ghan ịlo ạbuanhian nụun? Ạghaaph ghan ịlo ạbuphe oruphiom bọ nyọdi.

Bụo aHibru 6:13

Mem mọ Ẹnaan eguanaan bọ Ebraham oguan phọ, ọdi aghunyian ni mọ ọno kaḍighi ni ịpe ọno maguanaan bọ. Kụ ịdipho ọnon oye dị ạbugh apu nyọdi úlho bọ, ọdi ạsighe loor phọ ọdi kụ aghunyaam iikunya phọ.

Bụo aHibru 6:17

Ẹnaan ịwa ni ogananami oḍeenaan ạbuphe kọboor bọ ịpe ọdi aguanaan bọ mọ ọno kánme ịitughian phọ ọno. Ịduon phọ, pọ ọdi ạsighe iikunyian phọ kụ ạḅaram oguan phọ.