Jerimaya 22:3 - Ạḍinya Iigbia

³ “Mị Ọmoogh-we phọ ạto ịngo inyina rạḅem ghan mọ iḍighi ghan rạraar lọ eḍighi elhiom ẹḅile eseleman. Ịloghonaan ḍịghaagh oye phọ ọpo roogbegheḍiom bọ ephorogh nyọpo raagbegheḍiom bọ nyọdi. Kẹ́kpilighi ghan mụghumo ọgbiphoghom aruuruen mꞌạbunyigo ạnmuny mụghumo arukpukele ạnmariir; ḅịle kẹn kẹ́ze weye dị mạar ụ́piom sịen esi iigbia phọ ẹphen.

Jerimaya 22:3 Iomraidhean Croise

2 Sạmuel 23:3

Ẹnaan phọ Ịzirel mẹḅem ọpelia phọ Ịzirel ụḅeni ịmi: “Ọdaam mọ ọpo ạdaam bọ iiḅi ịiruen, dị ạnaghanan Ẹnaan kụ ạdaam,

2 Ạbudaam 24:4

rꞌaloor ẹmhu awe phọ ạbuphe mạar ụ́piom bọ kụ dị ạze bọ; ịḅaal awe dị mạar ụ́piom kụ ịdi dị azuughi amuzeḍi ẹpe Jeruselem, kụ Ọmoogh-we phọ nyọdi kạ́bilenaan.

Job 22:9

Nạ ómeera ọloghonaan ḍịghaagh rukpukele ạnmariir, nạ ụḅile ghụn kụ ạkpilighi ghan bụnyigo.

Job 24:9

Ịkaraph awe rọsighe ghan bụnyigo ạnmuny koḍighi rẹbene, kọḅile ọsighe nmụny uwekulom mọ kọkpiom ọmugh.

Ạsuor 68:5

Ẹnaan, ọpo odi ghan bọ ologhi Otu iigbia phọ ọdi, ạmaar ghan rạpam bụnyigo ạnmuny kạḅile ạmaar aphogh rukpukele ạnmariir,

Ạsuor 82:4

Iḍighi ịdi bụphe ẹkparam bọ rꞌarukulom mọ kokpetenaan. Ịtophoron bịdi rạghaagh ịnyaam ạbukaraph awe.

Ạsuor 94:21

we dị omite ịkaraph aruuzue ịlo ọphuenom abugey awe, kụ ọḅile ozu ịḅaal oye dị mạar ụ́piom.

Ạsuor 94:6

Bịdi ọze rukpukele ạnmariir rꞌạbunyigo, kụ ọḅaram ruuruen dị odi sịphe ade phọ ayira.

Ẹḍua 22:21

“Kẹ́miine ḅịle kẹ́gbiphoghom ooruen. Ilegheri mọ nyina ịrol li mem iiruen ẹpe Ijipt.

Ẹḍua 22:22

Kẹ́miine ekpukele ạnir ḅịle rꞌọnyigo ọony.

Asidogh 23:10

Kádighiron ịyaar lọ eḍeenaan ọku bịn ạsighe de dị eḍighi ẹlo ạbunyigo ạnmuny.

Azaya 1:23

Abuḍiemiom mọ ạna ạbuo ịgbagharan rꞌạrighiri ạruḅa; oomo amem bịdi rọbonyi ghan ruunmo kolhe ịgara. Bịdi rọ́pel ghan bụnyigo ạnmuny lọ osoor erugh ịiruen, róler ghan rụru mem lọ arukpukele ạnmariir rọgba sịagba.

Azaya 58:6

“Ọkaagh ẹḍogh phọ raḍighi ghan ịdi mị rạwa ịduon: Sịghe aroph ọdo kịrokiro ịkpiloghom ạbunon rꞌoogbo ịkaraph ịiruen, kụ ạtagharan bụphe rọmiinom bọ ịkpiloghom mọ ọmoogh ẹereegh.

Azaya 58:7

Dian eḍien ạna rꞌạbulo ọkoony rasiph ạḅile aghughuron otu ạna ạwilenaan buteneen uwekulom. Ngọ rukpe oye lọ ụ́moogh ọlo omuuna, kụ kạ́ḅitonaan ọngo ẹloghonaan ọnyo asiya ạna.

Jerimaya 19:4

Mị kaḍighi ni ịphen phọ loor esi dị awe phọ mụḅitonaan ịmi ọḅile ọopu esi phọ ọtol sịen kụ rọpinyon ghan rịkia kọngo ịnon ạrumugh — rụmugh dị bịdi rꞌạburude ạburude ạbidi rꞌạbudaam ẹmha phọ aJuda kőlhegheri ghan. Bịdi momuzeḍiom esi phọ ịsien ịḅaal awe dị ụ́piom,

Jerimaya 22:17

Kụ ọlo nạ rạwa ghan ịpe okuru phọ ạna bịn; oye dị ụ́piom nạ rakiigh ni, ạḅile kẹn ạsighe ẹekpara ekpeḍien rạkpilighiom weye phọ ạna. Ọmoogh-we phọ kụ mạḅem.

Jerimaya 26:16

Pọ kụ amem dị abuḍiemiom mọ rꞌawe phọ ọḅeni bụpinyon rịkia phọ rꞌariil phọ, “Oye phọ ọphon aghol ghan ḍien Ọmoogh-we Ẹnaan phọ ayira kụ ạghaaph ghan bọ ụḅeni iyira; ọdi ọ́kpe oghiigh.”

Jerimaya 5:28

kụ ọḅile ole ẹpher, ọbughogh. Eekuna ílho ịkaraph iiḍighi phọ ạbidi. Bịdi rọ́ngo ghan bụnyigo ạnmuny riliom mọ ạbidi mọ kẹn iiḅi ịiruen weye lọ rọkpilighi.

Jerimaya 7:23

Kụ ọlo mị ụto ni ạḅeni bịdi mọ ụnaghanan ghan ịmi, pịdi mị aḍighi Ẹnaan ạbidi ḅịle kẹn bịdi oḍighi weye ạmi. Ḅịle kẹn mị ụḅeni ni bịdi mọ bịdi ọtuugh ọrol pịdi ạraraar ẹnighenaan bịdi.

Jerimaya 9:24

Eḍighi ịyaar dị oye rạwa obaga, pọ abaga mọ ọdi ulegheri ni ịmi ạḅile ụnaghanan ịmi, loor esi dị ẹphomoghian phọ ạmi rénmia ghan, ḅịle kẹn mị raḍighi ghan ịpe eḍighi bọ elhiom ẹḅile esel. Ịphen kụ ạraraar dị ịḅeeraan ịmi. Mị Ọmoogh-we phọ kụ mạḅem.”

Ịkunuma 3:36

Ọdi alegheri ni mem lọ okiton ọnhu ịiruen otu ịiruen phọ.

Izikiel 18:12

Ọdi raagbegheḍiom ghan rukulom mọ, ọdi rami ghan, ọdi rámitiom ghan ịpe oliom ọmugh ạngo bọ nyọdi ịlo oseere. Ọdi rạki ghan rạphan ạbuo aruru, raaseeny ghan ịkaaghineen ạrumugh isa,

Izikiel 18:7

Ọdi ránoma ghan mꞌomi ịyaar oye. Ọdi raḅulemi ghan ịpe oliom ọmugh ạngo bọ nyọdi ịlo oseenaan. Ọdi rạngo ghan eḍien bụlo ọkoony rasiph kụ kạngo iinmenan bụo ẹdaḅa phọ.

Izikiel 22:7

Rꞌoniin sịphe ẹmha phọ óghueni ọde rꞌonhiin ọdi. Nyina eegbegheḍiom ruuruen kụ ẹmiine rukpukele ạnmariir rꞌạbunyigo ạnmuny.

Izikiel 45:9

Ọmoogh-we dị ạmoogh oomo ịikpo ạḅem, “Nyina mẹpioman kꞌamem dị mebia, nyina ạbudaam mọ Ịzirel. Ịbile ọwa asighiton rꞌọkpiloghom. Iḍighi ghan ịlo eḍighi elhiom ẹḅile eeleeny. Kẹ́ḅile mun éporogh weye phọ ạmi ẹsighe sịphe ade phọ ạbidi. Mị Ọmoogh-we phọ kụ rịḅeni inyina ịduon.

Joel 3:19

“Ijipt keten ẹdala ịisaar kụ Idom esi dị mephe, ịdi eḍighi bọ bịdi uzuom de phọ aJuda kụ ọze we phọ ạbidi dị ẹlo ọpioman ị́tol.

Lịvitikos 19:15

“Ụ́sighe ghan akeel útene apum, mem lọ nạ rasoph ọoruen; ụ́sighe ghan akeel uwekulom ụngo ọdaam, kụ sophonaan ghan elhiom ọoruen matuman ạna.

Ẹmos 5:15

Ikel ịkaraph, ẹphomoghian ịlo eru elhiom. Ịmaar ephogh mọ iiḅi ịiruen kụ edi ghan sịphe aruutu ịiruen phọ. Ịduon sịen, Ọmoogh-we phọ kạnma ni ighirigiir we eelhe phọ ẹphen, bụphe odi bọ eye.

Ẹmos 5:24

Kpạripe ghụn, ịiruen dị esel kụ ekil ịdipho okol ạmuum, kụ oseleman ạrol ịdipho ọphiiny dị ạmuum kámuneen.

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Maika 6:8

Eeye. Ọmoogh-we phọ mụḅeni ni iyira ịdi ẹnighe. Ịdi ọdi rạwa esi ayira ịduon: oḍighi ịlo ẹkpianaan, oḍeenaan ẹphomoghian oomo amem, rꞌosooromi aloor kụ ọrolan rꞌẸnaan ayira.

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.

Matiu 23:23

“Pọ eeghe ịminimiin dị kịrolonaan inyina, ạbutughemia iilogh phọ rꞌaFarisi phọ, nyina abulegheri ịlo ạbunon, ịlo-anyina-ílegheri. Nyina redi ghan ghạlamo rꞌịikiripha amooboph rꞌikpo aghuuḍia ḍioph abin kẹsighe muniin ẹngo Ẹnaan, kụ mẹwile ịpe eḍighi bọ ephigh sịphe iilogh phọ — asiph rꞌakeel rꞌọnma ighirigiir rꞌebi ghan oguan. Iḍighi ghan ịphen phọ kụ egbi ghan ọḅaram ịpheri phọ.

Dutoronomi 10:18

Ọdi kụ raagbo ghan ịiruen ạnmuny-ịgo rꞌarukpekele ạnmariir. Ọdi ạpomoghian ruuruen rạngo ghan bịdi eḍien rꞌarukpe.

Dutoronomi 24:17

“Kẹ́tu ghan mọ ọdi ooruen bịn enme ịiruen; ḅịle mọ ọnyigo bịn enme ịiruen akeel phọ ọdi. Kẹ́sighe ghan rukpe ekpukele ạnir ẹphagh.

Dutoronomi 24:7

“Eru mạar dị nyina esiph oye dị ami oniin umor ọdi sịphe awe phọ Ịzirel kụ rạkpiloghom dịadi ẹbene, mụghumo ạsighe kụ aal, pọ ikiigh ọḅa phọ ọpo.

Dutoronomi 25:1

“Eru mạar dị awe ọmoogh ịikonoghian kụ ọsighe ọghi sịphe otu ịiruen phọ, pọ abuugboom ịiruen phọ ọtuugh elhiom kúsoph ogheelemi nyọpo ụ́pioman bọ, ophume nyọpo ạpioman bọ.

Dutoronomi 27:19

“‘Itulughian ẹrolonaan oye lọ anme akeel ịiruen ooruen, mꞌịlo ọnyigo ọony, mꞌịlo ekpukele ạnir.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Jems 1:27

Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.