Jerimaya 22:1 - Ạḍinya Iigbia

^1-2 Ọmoogh-we phọ ụḅeni ịmi ọghi ẹpe ogiga ọdaam-ẹmha phọ aJuda, ọnyo ẹemara ẹemara phọ aDevid, ọḅeni nyọdi rꞌạbuo ịtooghi phọ ọdi, ḅịle kẹn rꞌawe phọ aJeruselem, mọ bịdi olher rụru ọnaghanan ịpe Ọmoogh-we phọ mạḅem bọ:

Jerimaya 22:1 Iomraidhean Croise

2 Sạmuel 12:1

Ọmoogh-we phọ arom ni Netan oyil phọ Ẹnaan mọ ạghi ạteeny Devid. ANetan ạghi ạteeny nyọdi kụ ạḅeni mọ, “Ịyal awe ụrol li eniin ẹmha; oniin ọolha, oniin uwekulom.

2 Krọnikuls 33:10

Ghạlamo ịduon Ọmoogh-we phọ ạphur bọ rụru Mạnase rꞌawe phọ ọdi, bịdi úmeera ụ́naghan.

Jerimaya 21:11

Ọmoogh-we phọ ụḅeni ịmi mọ ḅẹni ọto kꞌọdaam-ẹmha phọ aJuda, ẹemara ẹemara phọ aDevid mọ, “Iler rụru ẹnaghan ịphen Ọmoogh-we phọ rạḅem bọ. Ịmiin mọ iiḅi ịiruen kụ ịmeera tọrotoro aḍio. Ịloghonaan ḍịghaagh oye phọ ọpo roogbegheḍiom bọ ephorogh nyọpo raagbegheḍiom bọ nyọdi. Eḍighi ịyaar dị nyina ịduon phọ íḍighi, pọ ịkaraph phọ nyina reḍighi bọ keḍighi ni ịdi ọghagh ologhi phọ ạmi kaamor ịdipho ạnian dị oye kátue aḍime.

Jerimaya 21:14

Kụ ọlo mị kịliom ni inyina loor esi ịpe nyina meḍighi bọ. Mị kạlogh nịan otu ọdaam-ẹmha phọ, kụ ạnian phọ ele oomo phọ ạraraar phọ ẹman. Mị, Ọmoogh-we phọ, kụ mạḅem.”

Jerimaya 34:2

Ọmoogh-we Ẹnaan phọ Ịzirel ụḅeni ịmi ọghi ọḅeni Zẹdekaya ọdaam mọ aJuda mọ, “Mị Ọmoogh-we phọ kạḅogh ẹmha phọ ẹphen ạngo ọdaam-ẹmha phọ ạBabilon kụ ọdi ạsu nịan apiemi.

Hosia 5:1

“Ịnaghan ịphen phọ, nyina ariil ạrikia phọ! Iler rụru, weye Ịzirel! Ịnaghan, nyina ọto kꞌọdaam mọ. Nyina ẹkpe oogbo ghan iiḅi ịiruen — ịduon phọ ịiruen kịteeny aani bọ inyina. Nyina meten ḍiphil ẹpe Mizpa, ọseki dị oler Eegum aTabor,

Ẹmos 7:13

Kạ́miin mun ẹphen Bẹtel. Ẹphen kụ ẹmha dị ọdaam mọ rạpam ghan ịiḅereghi sịphe ogbogh obughotu eelhe phọ.”