Jerimaya 21:10 - Ạḍinya Iigbia

¹⁰ Mị magbiighi ologhi ạmi amuneni mọ mị káseere mun ẹmha phọ ẹphen, mị kaagulemi ni. Mị kạḅogh ẹmha phọ ạngo ọdaam-ẹmha phọ ạBabilon kụ ọdi ạsu nịan oomo phọ ẹmha phọ. Mị, Ọmoogh-we phọ, kụ mạḅem.”

Jerimaya 21:10 Iomraidhean Croise

2 Krọnikuls 36:19

Ọdi ạsu nịan Otu Ịiḅereghi phọ rꞌẹmha phọ, rꞌoomo arigiga phọ rꞌaruphua phọ kụ alhereghi iikpe ẹmha phọ.

Ạsuor 34:16

Arisigh Ọmoogh-we phọ ókpoghoronu esi abuḍighinom ịkaraph phọ. Kapiemi ni bịdi sịen aḅirini phọ, kụ kọ́otughian ghan mun bịdi.

Jerimaya 17:27

Kụ ọlo ẹkpe ni dị bịdi kụnaghanan ịmi ọḅile ooko ḍio ophooghian phọ ịdipho aḍio iigbia. Bịdi kútool dool úḍighom rụnhu-aḍibuo phọ aJeruselem ḍio phọ ạḍiphe phọ; eḍighi ịyaar dị bịdi orool oḍighom, mị kạlogh nịan rụnhu-aḍibuo phọ aJeruselem. Ạnian kụ kele rigiga ọdaam-ẹmha phọ aJeruselem, kụ oye ólho dị katue aḍime nịan phọ.”

Jerimaya 26:6

Eḍighi ịyaar dị nyina ẹrolom ni ẹ́naghanan phọ, pọ mị kaḍighi ni Otu Ịiḅereghi phọ ọphon ịpe mị aḍighi bọ Sailo, kụ oomo areelhe aḅirini phọ ọsighe ghan ḍien ẹmha phọ ẹphen ịdipho ẹmha dị moruule.”

Jerimaya 34:2

Ọmoogh-we Ẹnaan phọ Ịzirel ụḅeni ịmi ọghi ọḅeni Zẹdekaya ọdaam mọ aJuda mọ, “Mị Ọmoogh-we phọ kạḅogh ẹmha phọ ẹphen ạngo ọdaam-ẹmha phọ ạBabilon kụ ọdi ạsu nịan apiemi.

Jerimaya 34:22

Mị kạto ạḅeni kụ bịdi kotigheel sịen ẹmha phọ ẹphen. Bịdi kozuom ni, ọsighe, kụ ọsu nịan oogulemi. Mị kaḍighi rạmha phọ aJuda mụdi ade ịisaar dị oye útugh. Mị, Ọmoogh-we phọ, kụ mạḅem.”

Jerimaya 38:17

Pọ kụ amem dị mị ạḅeni Zẹdekaya mọ Ọmoogh-we Egbogh Ẹnaan phọ Ịzirel mạḅem mọ, “Eḍighi ịyaar lọ nạ aphoophe rạghaagh ạngo bụo iiḍighi ọdaam-ẹmha phọ ạBabilon, kọwile ni nyịna kụ ẹmha phọ ẹphen kọ́su mun. Kọwile ni nyịna rꞌeghunotu phọ ạna.

Jerimaya 38:18

Kụ ọlo nạ óphoophe rạghaagh, pọ kọḅogh ni ẹmha phọ ẹphen ọngo we ạBabilon. Bịdi kọsu ni oguulemi, kụ nạ kákpetenaan bịdi.”

Jerimaya 38:23

Kụ mị ạloghom mọ, “Oomo ạnmariir rꞌạnmuny anyina kọsighiogh ni ọkiomaan weye phọ ạBabilon, kụ nạ rꞌaloor kákpetenaan bịdi. Ọdaam-ẹmha ạBabilon phọ kasiph ni nyịna aḍighi ọnyo-ikoli, kụ ẹmha phọ ẹphen kọsu ni oguulemi.”

Jerimaya 38:3

Mị ụḅeni ghan nịiniin bịdi mọ Ọmoogh-we phọ mạḅem mọ, “Mị kạḅogh ni ẹmha phọ ạngo weye ẹgham mọ ạBabilon kụ bịdi ọsighe.”

Jerimaya 39:16

mọ mị ụki ụḅeni Ebed Mẹlek ọnyo ạSudan phọ mọ Ọmoogh-we Egbogh Ẹnaan phọ Ịzirel mạḅem mọ, “Ọkar ịdipho mị ạḅem bọ mọ mị kaḍighi phọ, mị katuomaan ẹmha phọ ẹphen muphe kédughom. Kụ mem dị ịphen emite, nạ kạtol li sịphe kụ ạmiin.

Jerimaya 39:8

Mem mọ ạmuen phọ awe ẹgham mọ ạBabilon mọsuughi nịan otu ọdaam mọ rꞌaruutu awe phọ osiemi ude ọḅile olereghi iikpe phọ aJeruselem.

Jerimaya 44:11

“Loor ịduon phọ mị Ọmoogh-we Egbogh Ẹnaan phọ Ịzirel kakiton iphogh inyina kụ apiemi oomo aJuda.

Jerimaya 44:27

Mị kaḍighi ni ịdi nyina kéḍum; mị kiphiemi ni inyina. Oomo phọ anyina kemugh ni, iini erugh ẹgham ḅịle mꞌesi ẹzegh tụtu rꞌoniin ọnyo anyina kásugha.

Jerimaya 52:13

Ọdi ạsu nịan Otu Ịiḅereghi phọ rꞌotu ọdaam mọ rꞌaruutu oomo abugbogh awe phọ orugh bọ ẹpe Jeruselem,

Izikiel 15:7

kụ ạliom bịdi. Bịdi mokpetenaan ḍiniin ạnian, kụ nyịidipho ạnian kele bịdi ẹman. Mem dị mị ạliom bịdi, nyina kelegheri ni mọ mị kụ Ọmoogh-we phọ.

Izikiel 24:11

Nyịidipho dẹpheri oopho aguugh enaba phọ ạnyu iiḅu phọ kụ ameera ọdi ạghologhol ada. Aguugh phọ ọphue bọ esi ịko kạḅile ni aseleman mem dị olian phọ mạnu ạḍua,

Lịvitikos 17:10

“Tọrobo ọnyo Ịzirel rꞌooruen lọ rꞌanyina erughan kụ ạa ẹnam rꞌịḅaal dị edimom, pọ mị kakananaam ni apogh oye phọ ạa bọ ịḅaal phọ. Mị katoph ni nyọdi ogbeph, ạgbatan nyọdi ạsighe esi awe phọ ọdi.

Lịvitikos 26:17

Kụ mị ạgbole risigh ạmi esi anyina kụ ạbumulogh-ḍien phọ anyina ịze inyina, bụphe ịlogh bọ inyina ḍien ọtooghi ghan ịngo inyina, kụ nyina ẹpu bịn ekiil esumughu mem dị oye inyina ríphorogh.

Ẹmos 2:5

Esi ịduon phọ mị kạlogh nịan Juda kụ eemor elhe ruutu-ịikpo phọ aJeruselem.”

Ẹmos 9:4

Mụghumo ẹpomoghian mạsighe ni bịdi akeelom ẹnon eelhe ọmiinom ạdol iiruen, pọ mị kạḅeni ni mọ ọze bịdi. Mị ạnya ni ophiemi ạbidi, kọ́lhoghonaan ạḍighaagh.”

Zẹkaraya 1:6

Mị urom ghan butelhedom mọ ạmi riil phọ kụ ọḅeni ịto phọ ạmi ọḅile ọphur rụru bụrude ạburude phọ anyina, kụ ọlo bịdi úpogh riil phọ ụ́logh elegh kụ bịdi ụmiin ni ịikpia phọ. Pọ kụ amem dị bịdi ogbi okiton kụ ogbi ọlogh elegh mọ mị Ọmoogh-we Oomo Ịikpo phọ kụ mạlhiom bịdi ịpe ẹkpianaan bọ bịdi ḅịle kẹn rꞌịpe mị magbiighi bọ oḍighi phọ.”