Jerimaya 20:4 - Ạḍinya Iigbia

⁴ Ọmoogh-we phọ rꞌaloor kụ mạḅem: ‘Mị kaḍighi ịdi nạ kaḍighi ruugu ạngo loor phọ ạna ḅịle kẹn rꞌesi ạrighiri ạna, kụ nạ kạmiin ni dị elhool ẹgham ẹpomoghian phọ kẹze oomo phọ ạbidi. Mị kạḅogh oomo awe phọ aJuda ạlogh ḍịghaagh ọdaam-ẹmha phọ ạBabilon; ọdi kasiphi buniin aḍighi weye ikoli kụ ạpam akeelom ẹpe ẹmha phọ ọdi, kụ ọdi ạze buniin.

Jerimaya 20:4 Iomraidhean Croise

2 Ạbudaam 25:7

Kụ bịdi ọze nmụny phọ ạZedekaya risigh ọdi, kụ ọponyon riḍien ạZedekaya ọsighe iḍigh ọphaḍiom nyọdi kụ ọsighe nyọdi ọpham ọghi osiom Bạbilon.

Ạsuor 73:19

Kopiemi bịdi egina amem; kụ ekureriom ạbidi eḍigh ḍiigu.

Jerimaya 13:10

Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 13:19

Awe ẹgham moghoonyom igbogh ạramha phọ aJuda edi bọ ẹpe esoorom mọ; oye kátue aten ạki ạteeny bịdi. Mọsighe oomo awe phọ aJuda rokeelom eeruen ekpisi.”

Jerimaya 19:15

mọ Ọmoogh-we Egbogh Ẹnaan phọ Ịzirel mạḅem mọ, “Mị kạsighe ni atu sịen ẹmha phọ ẹphen rꞌạtorotoro ẹmha lọ etuman sịen phọ oomo ịminimiin phọ mị ạḅem bọ mọ mị kạsighe atu phọ, loor esi dị nyina ẹḅaar ẹmhu ḅịle kẹn ị́naghanan ịlo mị ạḅem.”

Jerimaya 20:6

Ịlo ạna, Pashur, kosiph ni nyịna ḅịle kẹn rꞌoomo ọto kꞌạna okeelom Bạbilonia. Nạ kamugh ni ọḅile oḍi nyịna ẹpe, ọḅaram oomo ạrighiri phọ ạna bụen nạ mạgbaaghi bọ ọkpe phọ ạḅeni.’”

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 29:21

“Ọmoogh-we Egbogh Ẹnaan phọ Ịzirel mạghaaph ịlo Ehab ọony aKolaya ḅịle rꞌạZedekaya ọony aMaaseya, bụphe mọsighe bọ ḍien phọ ọdi rọgbaam ghan ọkpe kịḅeni inyina. Ọdi mạḅem mọ ọno kạḅogh bịdi ạngo ịikpo ạNebukadnezar ogbogh ọdaam mọ ạBabilon, ọpo kạze bọ bịdi ghisigh anyina.

Jerimaya 46:5

“Kụ ịphen mị rạmiin ghan bọ eeghe?” Ọmoogh-we phọ apuru. “Bịdi roḅulolom ọman rꞌeepuph. Monyuughi we ẹgham mọ ạbidi oḅulemi ọman; kụ aḍiigu resiph, bịdi okiil ịlo kotue okiil bịn kụ ọman úpogh.

Jerimaya 52:24

ẠNebuzaradan uwo ẹmhu ạbuo ẹgham mọ asiph Seraya uwo ẹmhu oyil ạrikia phọ rꞌạZefanaya oyil ạrikia phọ atum bọ pạ rꞌịraar awe phọ ạbuphe rokori ghan bọ sịphe ọnhu-aḍibuo Otu Ịiḅereghi phọ ạpham ạḍuanam.

Jerimaya 52:27

Kụ ọdaam mọ aḍighi ịdi okophogh bịdi ọze ẹpe Ribla ẹpe ade phọ ạHamat. Ịdipho kụ ịdi osiphi bọ weye phọ aJuda ọpham ọḍuanam sịphe ade phọ ạbidi osiom iiruen arikpisi.

Jerimaya 6:25

Yoor kótue osuma ọki ẹpe ịbam ạramha phọ ọbo kẹn omite ẹpe aroḅodo phọ, loor esi dị ẹpomoghian phọ ayoor ọpam ni reenema kụ aruugu mukoom iyoor.”

1 Sạmuel 2:33

Kụ ghạlamo ịduon phọ ni, mị kaseere ni oniin oye sịphe oḍigh awe phọ ạna, dị kámugh aani, kụ ọdi kaḍighi oyil ạrikia dị kukumu ghan ịmi. Kụ ọlo oye phọ ọphon phọ kaḍighi oye ikpom ariḍien dị kạ́moogh oḍuom ologhi, kụ oomo ạbueri phọ awe phọ ạna komugh ghan ḍuugh egbo.