Jerimaya 20:3 - Ạḍinya Iigbia

³ Ḍịroor aḍio dị etum pạ, mem dị aPashur mạakpo izime phọ ụphaḍiom bọ ịmi, kụ mị ạḅeni nyọdi mọ, “Ọmoogh-we phọ nyịna óghol mọ aPashur. Ḍien dị ọdi mạngo nyịna okol mọ ‘Aruugu tọrobo esi’.

Jerimaya 20:3 Iomraidhean Croise

Emiighom 17:15

Ẹnaan ẹḅeni Ebraham mọ, “Kákol ghan mun ḍien ạnir phọ ạna mọ aSerai. Emiigh nyịidipho kụ ẹghi, aSera kụ aḍien ọdi.

Emiighom 17:5

Ḍien ạna kókol ghan mun mọ Ebram, kokol mọ Ebraham, ịdi eḍighi bọ mị raḍighi nyịna ọde ịminighan areelhe.

Emiighom 32:28

Kụ oye phọ ạḅeni nyọdi mọ, “Kọ́magh ghan mun nyịna mọ ạJekob; ḍien ạna kokol mọ Ịzirel, ịdi eḍighi bọ nạ mạgba ịnugh rꞌẸnaan ḅịle rꞌawe kụ ạkpar apu bịdi.”

Ạsuor 31:13

Mị rạnaghan ni dị ịbadi ạbidi roophola ghan, kụ aruugu rusiph ghan ịmi. Bịdi rumitonom ghan ịmi ruuzue roopuruan ghan ịlo ọsighe aghuḍum ạmi.

Azaya 8:3

Reru reten kụ ạnir ạmi asoph eghun. Mem dị ọmar bọ mọony phọ ayoor, Ọmoogh-we phọ ụḅeni ni ịmi mọ, “Kol nyọdi mọ ‘Owum elhom, Ọphueghi elhom’.

Jerimaya 19:2

ḅịle kẹn mọ kiton sịphe oghol bọ mọ Ọnhu-aḍibuo Ipoḍi Aroko phọ ạghi asi Eḍiiny aHinom. Ẹpe kụ esi dị mị kagbeelom dom mọ ọdi kụngo bọ ịmi.

Jerimaya 19:6

Kụ iḍighi kụ amem ketu ni dị esi phọ ịsien kókol mun mọ aTofet mụghumo Eḍiiny aHinom, kọḅile ghan okol mọ Eḍiiny Aḍuugh-Aḍuugh.

Jerimaya 20:10

Mị ạnaghan ni dị awe roophola yogh, “Aruugu odi ni tọrotoro esi! Kụ iḍighi kụ ịgua ọghi ọghaaph ịkaraph ịlo ọdi ọḅeni bụo ịtooghi phọ!” Ghạlamo ọkaraghi ạrighiri ạmi bịn rokori ghan ọmiin emeel ạmi. Bịdi rọḅem ghan mọ, “Iini yira kotue ni ookeleghi nyọdi, osiph oḍighi oḅulemian.”

Jerimaya 29:29

ẠZefanaya ạal ḍịnya phọ ụḅeni ịmi

Jerimaya 46:5

“Kụ ịphen mị rạmiin ghan bọ eeghe?” Ọmoogh-we phọ apuru. “Bịdi roḅulolom ọman rꞌeepuph. Monyuughi we ẹgham mọ ạbidi oḅulemi ọman; kụ aḍiigu resiph, bịdi okiil ịlo kotue okiil bịn kụ ọman úpogh.

Jerimaya 6:25

Yoor kótue osuma ọki ẹpe ịbam ạramha phọ ọbo kẹn omite ẹpe aroḅodo phọ, loor esi dị ẹpomoghian phọ ayoor ọpam ni reenema kụ aruugu mukoom iyoor.”

Jerimaya 7:32

Kụ iḍighi kụ amem ketu ni dị kókol mun esi phọ mọ aTofet mụghumo Eḍiiny aHinom, kokol ghan ghụn mọ Eḍiiny Aḍuugh-Aḍuugh. Bịdi koḍiighi weye sịphe phọ loor esi dị ẹnon esi kẹ́tol mun oḍiighi awe phọ.

Ịkunuma 2:22

Nạ ụmagh bụmulogh-ḍien ạmi ọpham ookpomoghan oḍighi aḍiigu okoom ạmi, kụ rꞌoye dị akpetenaan ḍio phọ ạḍiphe ophin ologhi phọ ạna ólho. Bịdi ụze nmụny ạmi, bụdi mị maakonom kụ ạphomoghian.

Izikiel 13:9

Mị mạnya ọlhiom anyina ariil ạbuphe ọmoogh bọ uḍien ọkpe kụ rọgba ghan bọ ịmiin dị ítu igey. Nyina kẹ́tol sịphe mem dị awe ạmi ookpomoghan ọmoogh aruupuruan; siḍien anyina kọ́ḅaram esi ạḍikool phọ ạbuo Ịzirel; nyina kétigheel mun de phọ anyina. Pọ kụ amem dị nyina kelegheri mọ mị kụ Ọmoogh-we dị ạmoogh oomo ịikpo.

Iiḍighi 16:30

ạsighe bịdi amitiom kụ apuru mọ, “We phọ, mịna kaḍighi ika kụ ạmoogh pẹleeny?”