Jerimaya 20:2 - Ạḍinya Iigbia

² ọdi ạto ni ạngo mọ ukuphogh ịmi ọḅile ụphaḍi ịmi oseere otumeniom ịsiphe oghol bọ mọ Ọnhu-aḍibuo ạBenjamin sịphe Otu Ịiḅereghi phọ.

Jerimaya 20:2 Iomraidhean Croise

1 Ạbudaam 13:4

Mem dị aJeroboam ọdaam mọ ạnaghan bọ ịpe oyil phọ ạghaaph bọ, ọpo ạlooghi bọ asueniom enmeny ạrikia nyẹpe ạBetel, aJeroboam ạsighe rạghaagh phọ ọdi sịphe enmeny ạrikia phọ, kụ ạḅeni mọ, “Isiph nyọdi.” Kụ ạḍighaagh phọ ọdi ḍịphe ọdi asele bọ asumeriom nyọdi emugh, bịn ọdi órue mun ọkul ḍịghaagh phọ.

1 Ạbudaam 22:27

Kụ ẹḅeni mọ ọdaam mọ ạḅem ịduon mọ ịsighe mạar phọ ẹphen ẹlhogh ikoli, ẹngo ghan nyọdi eḍien ịminimiin rꞌạmuum ịminimiin tụtu mị arigheel rꞌẹepho.”

2 Krọnikuls 16:10

Ịphen phọ kụ iḍighi ịdi ephin ologhi Ạsa kụ arom mọ ọghoroghiom oyil phọ izime. Eniin phọ amem mọ ạmuen kẹn kụ ẹdi Ạsa amiigh oḍighi ghan abuniin awe ịlo ịnam.

2 Krọnikuls 18:23

Kụ ạZedekaya oyil phọ aḍuraan ạabeeph Mikaya, aḅor nyọdi kụ apuru mọ, “Kꞌapuramem kụ ẹdi uwaloor Ọmoogh-we phọ ụwile bọ ịmi kụ ạbaanaan nyịna?”

2 Krọnikuls 24:21

AJoas ọdaam mọ ạḅophan we kụ omitenom ẹkaraph ezue Zẹkaraya, kụ esi ịto ọdaam mọ awe phọ oroḅol ikpo Zẹkaraya sịphe ogiga Otu Ịiḅereghi phọ.

Job 13:27

Nạ ạsighe izime ạpaḍiom ruwol ạmi; nạ ragon ghan tọrotoro ẹda lọ mị ạgbatan, kụ nạ ạkar kẹn ni rạaḅeghion ghan esi lọ mị ạzeer.

Job 33:11

Ọdi ạsighe izime kụ ạpaḍiom ruwol ạmi; ọdi ragon ghan ni tọrobo ịlo mị arelhe.”

Jerimaya 26:10

Mem dị abuḍiemiom mọ aJuda ọnaghan bọ ịphen memite bọ, bịdi ụḍua ni sịphe otu ọdaam mọ kụ oogborion ọghi ẹpe Otu Ịiḅereghi phọ kụ ọrologhu sịdol phọ ạbidi sịphe oghol bọ mọ Omoom Ọnhu-aḍibuo phọ.

Jerimaya 26:8

kụ ịduon mị rọghaaph bọ rọmadan ịpe Ọmoogh-we phọ ạto bọ mọ mị ụkaaph phọ, bịn bịdi usiph ịmi bịn ọlooghi ghan mọ, “Nạ mạkpe oghiigh loor esi ịphen phọ!

Jerimaya 29:26

“Ọmoogh-we phọ ạsaḅar nyịna oḍighi ọpinyon rịkia dị kạsighe esi phọ ạJehoyada, kụ nyịidipho nạ kụ ogbogh ọnyo iiḍighi sịphe Otu Ịiḅereghi phọ. Eḍighi oḍighi ạna ọmiin mọ tọrobo ọpirighi lọ akue ạḅem mọ ọno oyil, kọphaḍiom nyọdi izime kụ ọlogh ọla okuron orum ọdi.

Jerimaya 36:26

Kụ ọdi ạto ạḅeni Jerameel ọkpana ọdi rꞌaSeraya ọony Ạzriel rꞌaSelemaya ọony Ạbdeel mọ oru usiph ịmi rꞌaBaruk ọgeeghia phọ ạmi. Kụ ọlo Ọmoogh-we phọ museere iyoor esi ịbooghian.

Jerimaya 37:13

Kụ mem dị mị rosi Ọnhu-aḍibuo ạBenjamin, ọnyo oḍighi dị rapogh weye dị odi oḍighi sịphe, oye dị oghol mọ Irija ọony aSelemaya dị aḍighi ọony ọony aHananaya, ụmeremi ịmi kụ ạḅem mọ, “Nạ rasuma kạdaph weye ạBabilon!”

Jerimaya 37:21

Kụ ạZedekaya ọdaam mọ ạto mọ ụkasaghiom ịmi sịphe ogbo ogiga phọ. Mị ạrol sịphe, kụ tọrobo aḍio bịdi ụngo ghan ịmi eniin eeḅoghoḍi ạbred dị ọsighe esi phọ rọpophoghi ghan bọ, tụtu oomo ạbred ịsiphe ẹmha phọ amuneen.

Zẹkaraya 14:10

Oomo eelhe phọ, emiigh ẹpe Geba ẹpe ephunom mọ kụ ẹghi esi Rimon ẹpe esoorom mọ kọophulemi ni. AJeruselem kụ kapoph ạki ạnyu apeleghiom de phọ ạḍiphe eeghironom bọ ẹmha phọ. Ẹmha phọ kẹḍua ni kꞌẹpe Ọnhu-aḍibuo ạBenjamin kụ ẹki esi Ọnhu-aḍibuo Ẹkul phọ, ẹpe ogbaany ọnhu-aḍibuo phọ ạrol ghan bọ, ḅịle kẹn kemiigh sịphe Ẹsogolo Esi Otu ạHananel kụ ẹki esi phọ omiim ghan bọ iimuma avain ịlo ọdaam-ẹmha phọ.

Matiu 21:35

Kụ awe oḍighi phọ osiph rẹbene phọ ọdi, okuphogh nyoniin, oghiigh nyoniin, oroḅol ikpo nyoniin.

Iiḍighi 4:3

Kụ osiph bịdi ọlogh otu ikoli, tụtu ẹmina ẹḅaal, ịdi eḍighi bọ rekpereghian.

Iiḍighi 5:18

kụ osiphi bịdi ọlogh otu ikoli.

Iiḍighi 5:40

kụ ọmagh butelhedom mọ ọlogh otu ọgurogh, kụ ọphur rụru mọ kụ́kaaph mun ịlo ạJizos, kụ ọwile mọ bịdi ogheel.

Iiḍighi 7:52

Ọghen oyil kụ ọdi ạburude ạburude phọ anyina ụ́gbiphoghom? Bịdi ụze ni bụphe ọphur bọ ọghaaph mọ Oye Aruukuan phọ katu ni, ọpo nyina ẹḅogh bọ ẹngo kụ oghiigh bọ.

Ogonanami Phọ 17:6

Kụ mị ụmiin ni mọ ịḅaal awe phọ Ẹnaan rꞌịḅaal ạbuphe ọtuan bọ mọ omeeraam Jịzos phọ kụ ọze bọ meghiigh ạnir phọ ịdipho amiim. Mị ạmiin bọ nyọdi, iḍighi ni iboom iikia esi ạmi.

Ogonanami Phọ 2:10

Oomiigh anyina kúkaph ghan ịlo ạraraar phọ kemiteghu bọ. Ịnaghanan. Eru phọ kẹloghoḍi ni buniin anyina ikoli ịlo ọdeghom anyina ophogh. Ịminimiin phọ anyina kẹtol ḍioph aḍughul-otu bịn. Ghạlamo rꞌosoph ni ooko anyina, iseere ologhi anyina esi ạmi kụ mị kizu ni inyina eghoony aghuḍum mọ.