Jerimaya 2:9 - Ạḍinya Iigbia

⁹ “Kụ iḍighi kụ mị Ọmoogh-we phọ kạḅile ạgba aagbunion ḍighiton phọ ạmi rꞌawe phọ ạmi. Mị kạkaaph ịpe ạnmuny ạnmuny phọ ạbidi uḍighi bọ ịmi.

Jerimaya 2:9 Iomraidhean Croise

Ạsuor 50:4

Ọdi ạmagh kẹ phọ rꞌade phọ ạmeremi enye mọ ọmiin ịpe ọno kaagbonaan bọ ịiruen we phọ ọno.

Ẹḍua 20:5

Kákpuḍian ạngo ịyaar lọ ọka, ḅịle mꞌooseeny ọngo, ịdi eḍighi bọ mị kụ Ọmoogh-we Ẹnaan phọ ạna. Mị Ẹnaan útiran aroḅopha. Mị kạliom ni bụlo ụlogh ịmi ḍien asiemi oghiil ạnmuny ạnmuny ạbidi dị omuneniom ịraar mụghumo inya.

Azaya 3:13

Ọmoogh-we phọ aakolobian ni ọgba akeel ọdi; rosophonaan ọoruen we phọ ọdi.

Azaya 43:26

“Itu osoor erugh ịiruen; ẹghaaph ịkpalagham mọ anyina emitiom! Ẹgba sịagba anyina egananami eḍeenaan akeel phọ anyina!

Jerimaya 2:29

Ịiḅaghami phọ anyina eeghe? Eeghe kụ iḍighi kụ nyina miruphiom bọ ịmi ẹgham mọ?

Jerimaya 2:35

nạ rạḅem ghan mọ, ‘Mị ịyaar ụ́piom; ọkaraghi agey phọ ni Ọmoogh-we phọ ịmi rạ́kagham mun ologhi.’ Kụ ọlo mị Ọmoogh-we phọ kạliom ni nyịna loor esi dị nạ rạparanaan ghan mọ nạ ịkaraph óḍighi.

Hosia 12:3

ẠJekob, ọde ọde ạbidi, amirighan rꞌỊso umor phọ ọdi mem dị ịyal ạbidi ọrol ọkuruḅaka onhiin ạbidi rogirigiri; mem dị ạJekob ạmanam, ọdi eenan Ẹnaan —

Hosia 2:2

Nmụny ạmi, ịḅaanaan onhiin anyina — ọbo ọdi kạ́nir ạmi mun, kụ mị kólom ọdi mun. Ịḅaanaan nyọdi ọdi ạwile olhe ẹmha rꞌorelhe yogh.

Hosia 4:1

Ọmoogh-we phọ ạmoogh ni ọkpalhagham awe phọ odi bọ sịen ade phọ ạḍien. Iler rụru ịpe ọdi rạkaaph bọ: “Ọmeeraam ḅịle rꞌẹphomoghian ílho sịen ade phọ ạḍien, ḅịle awe phọ ịmi ụ́sighe mọ Ẹnaan.

Lịvitikos 20:5

pọ mị kakiririom ni nyọdi rꞌopolo ọdi apogh. Mị atoph oye phọ ọpo phọ ogbeph, ạḅaram rꞌawe phọ ạbuphe rꞌọdi oḍighan bọ Mọlek oḍighi yogh ọdorodo phọ.

Maika 6:2

Nyina ạraaḅaraph phọ, nyina ariphighiom ade phọ, ịnaghan ọghaaph Ọmoogh-we phọ! Ọmoogh-we phọ ạmoogh ni ḍighiton rꞌawe phọ ọdi. Ọdi kạkpalham Ịzirel.