Jerimaya 2:8 - Ạḍinya Iigbia

⁸ Ạbupinyon rịkia phọ úpuru mọ, ‘Ọmoogh-we phọ odi ẹghen?’ Ariil ạrikia phọ ạmi ịmi úlegheri. Ạbuo ịtooghi phọ muruphiom ịmi ẹgham; ariil phọ Ẹnaan ọḅile okol ḍien aBaal kụ rọkaaphom ghan ọḅile rọoḅereghi ghan ruru dị ị́moogh ịyaar oḍighinom.

Jerimaya 2:8 Iomraidhean Croise

1 Ạbudaam 18:22

Kụ Ilaija ạḅeni we phọ mọ, “Mị phọ ọphon bịn kụ ogina oyil Ọmoogh-we phọ dị asugha; kụ ariil ạbuo aBaal phọ ọman bọ inya okuron rꞌooghdi.

1 Ạbudaam 18:29

Ootaany roten bịn bịdi omiigh ọmiinogh ịmiin tụtu ẹteeny mem mọ ọpo rọpinyon ghan bọ ẹkia adulhe phọ, ẹḍogh ụ́naghan, ọlo ạphagharanaan ólho, ụ́naghan ịyaar.

1 Ạbudaam 18:40

Kụ Ilaija ạḅeni bịdi mọ, “Isiphi oomo ariil phọ aBaal. Kémeera rꞌoniin ikpetenaan inyina.” Kụ bịdi osiphi riil phọ. Kụ Ilaija ạsighe bịdi ạpham ạghi asiom ẹpe okol ạmuum mọ ạKison, kụ ạze bịdi.

Job 35:10

Kụ ọlo bịdi rọ́ki ghan esi Ẹnaan phọ ẹlhem bọ bịdi, ọpo rẹngo ghan bọ bịdi oḍuom ologhi mem ogbogh ufiri ạbidi.

Azaya 28:7

Ghạlamo ariil uḍien rꞌariil ạrikia phọ, bịn amiim maghiigh iboom dị rọbelebele. Bịdi mọphughol muboom ạmuya rꞌạmugbagara amiim, kụ mokpetaan ịgbaragbara. Ịpughol mẹsighe riil uḍien phọ dị ịlo ọnaghan mun ọghaaph ịmiin phọ Ẹnaan rẹkiom ghan bọ ílho, kụ ariil ạrikia phọ amiim maghiigh, dị ịlo oogbo ịiruen asighiton lọ ọghiom bịdi ílho.

Azaya 29:10

Ọmoogh-we phọ maḍighi dị nyina reduga, ọbo nyina ẹkuami rạlha ẹnaani. Ariil phọ kụ ụkpe oḍighi ariḍien awe phọ, kụ ọlo Ẹnaan mepuughi riḍien ạbidi.

Azaya 30:5

awe phọ aJuda komoghi ni mọ ạbuno upu ni bịn oḍuom ologhi eelhe dị rebi ghan bụno mem lọ bụno rọwa ọloghonaan ạḍighaagh.”

Jerimaya 10:21

Kụ mị ạphagharanaan mọ, “Abuḍiemiom mọ ayira ịyaar úlegheri; bịdi rópuru ghan Ọmoogh-we phọ oromoghiom ạbidi. Ẹphen kụ ịyaar phọ bịdi agey úḍighi bọ, bịn kụ mọwalalami bọ weye phọ ayira.

Jerimaya 12:10

Ịbadi ạbudaam iiruen areelhe moogulemi ozo amiim avain phọ ạmi; bịdi mọozeghi iizo phọ ạmi, bịdi mokiton ịma phọ ade phọ ạmi otene ẹdala.

Jerimaya 16:19

Ọmoogh-we, nạ kụ oye phọ ruuko bọ ịmi kạḅile ụngo ịmi ịnyaam; nạ ụlhoghonaan ịmi ḍịghaagh mem ịiḅaghami. Areelhe kọḍua ni ẹpe aruukuna ade phọ kụ ọḅem ghan mọ, “Ạburude ạburude phọ ayoor ụ́moogh ịyaar omuton rụmugh ọkpe, rꞌaruru dị ị́moogh ịyaar oḍighinom.

Jerimaya 18:18

Kụ awe phọ ọḅem mọ, “Ịgua ophogh ịlo koḍighi Jerimaya. Ạbupinyon rịkia kọtol ghan ni ọtughemi ayira, aweye olegheri-ịyaar dị kuromoghiom ghan iyira, ḅịle kẹn rꞌariil Ẹnaan dị kogbeelom ghan dom Ẹnaan. Ịgua ọgbaaghi ịkaraph ọḅam ẹmhu ọdi, bịn kụ́naghanan mun ịlo ọdi ạghaaph.”

Jerimaya 2:11

Ẹnon eelhe ke̋nme ghan rụmugh ạbidi, ghạlamo ịdipho bịdi íḍighi bọ ni igey ạrumugh. Kụ ọlo awe phọ ạmi mọsighe ịnon ạrumugh uunmenenom ịmi, Ẹnaan phọ ẹpe ẹngo bọ bịdi rughuenian phọ, ọḅile rokumu rụmugh dị ịyaar kétue eḍighinaan bịdi.

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Jerimaya 7:8

“Ịmiin, nyina ẹsighe emooph anyina ẹkpasi esi ikpo ọnhu areekeleghian.

Jerimaya 9:14

Kpạripe ghụn, bịdi ọḅaar ẹmhu kụ rọoḅereghi ghan eru phọ aBaal, ịdipho ạburude ạburude phọ ạbidi ọtughemi bọ bịdi.

Izikiel 22:26

Ạbupinyon rịkia phọ ọka ologh ạmi kụ ụ́logh eegu ịpe eḍighi bọ iigbia. Bịdi ụ́ngo ọgbaranaan igbo ịpe eḍighi bọ ịlo iigbia rꞌịpe íḍighi bọ. Bịdi rọ́tughemi ghan ọgbaranaan igbo ịdi ẹḅaal rꞌạraraar dị ị́ḅaal, ḅịle bịdi ọḅitonaan ḍio ophooghian phọ. Esi ịduon phọ awe phọ Ịzirel eghuan ịmi ụ́ngo.

Izikiel 34:2

Ọdi ạḅem mọ, “Oye dị kamugh ni, ḅạaghiom buḍiemiom mọ Ịzirel. Mịinaan bịdi kụ ạḅeni bịdi ịphen mị Ọkar Ogbogh Ọmoogh-we phọ ạḅeni bọ bịdi: nyina mepheeghu, nyina abupoghom iyool-ịga phọ Ịzirel! Nyina ẹpama siloor anyina kụ iyool-ịga phọ nyina ípogh.

Hosia 4:6

Awe phọ ạmi kọmiin ekureriom loor esi dị bịdi ịmi ụ́logh elegh. Nyina ariil ạrikia phọ ímeera íphogh ịmi, kụ moghel ịtughemi phọ ạmi, kụ ịdipho kụ ịdi mị mighel inyina kụ kạ́sighe mun nmụny anyina mọ ariil ạrikia ạmi.

Hạbakuk 2:18

Ẹkaaneen ẹmugh koḍighinom eeghe? Eḍighi ịyaar dị oye kụ aḍighi, kụ inyina egey ịyaar kị́ḅeni emuton ọkpe. Eeghe ạsuo kụ ẹdi keḍighinaan nyọpo aḍighi bọ kụ ẹkpe bọ omeeraam mọ — ẹnaan dị kétue kẹn ẹḅa!

Matiu 16:26

Eeghe ạsuo kụ ẹdi oye kạsighe, dị ạmoogh ẹelha aḅirini phọ kụ aphiemi ghuḍum mọ Ẹnaan ẹngo bọ nyọdi? Kạsighe bọ eeghe kụ aanmeneniom kẹn ghuḍum mọ Ẹnaan ẹngo bọ nyọdi?

Elegh aLuk 11:52

“Pọ eeghe ọdo ịminimiin dị kịrolonaan inyina ạbugbaam iilogh phọ! Nyina mẹsighe ịsabi otu olegheri-ịyaar phọ ẹḍuanam. Nyina rꞌaloor anyina ímeera ni iḍigh, kụ imirighan ni bụphe ọwa ghan bọ oḍigh phọ.”

Elegh ạJon 16:3

Bịdi kiḍighi ni inyina ịphen phọ, loor esi dị bịdi Ọde phọ rꞌạmi úlegheri.

Elegh ạJon 8:55

Kụ nyina nyọdi ke̋lhegheri. Mị alegheri ni nyọdi, kụ mị ạḅem mọ mị nyọdi úlegheri, pọ mị maḍighi aani ọgbaam ọkpe ịdipho anyina. Kụ mị alegheri ni nyọdi rạnaghanan ghan kẹn ịpe ọdi ạḅem bọ.

2 Bụo ạKorint 4:2

Yoor moghel oomo omian ghan oḍighi yogh ạraraar umugholoor phọ. Yoor róḍighi ghan ịlo iigbegheḍiom, ḅịle kẹn yoor rọ́ḅighiḅighiom ghan ẹmhu ọghaaph phọ Ẹnaan. Ọghaaph ghan ịpe eru bọ ịne ghisigh phọ Ẹnaan omitiom bịn kụ ẹdi yoor moḍiku bọ ịitughian iloghi oomo awe phọ.

Dutoronomi 33:10

Bịdi kọtughemi Jẹkob ịiruen phọ ạna, ọtughemi Ịzirel Ologh phọ ạna, Ọpighiron rịkia oguom ạnian sịphe enmeny ạrikia mọ ạna.

1 Sạmuel 12:21

Kẹ́daph ruru: bịdi inyina kétue ẹloghonaan ḍịghaagh, kétue kẹn ẹpel loor esi dị bịdi ị́moogh ịyaar oḍighinom.

1 Sạmuel 2:12

Ạnmuny phọ Ilai uḍighi bụkaraph awe; Bịdi úpogh Ọmoogh-we phọ ọ́maghami ịyaar,