Jerimaya 2:7 - Ạḍinya Iigbia

⁷ Mị ụsighe bịdi asiemi ekpisi ade ẹnuum mọ bịdi ọghelom ibugha ekpisi phọ ḅịle rꞌịnon igey ạraraar ekpisi phọ. Kụ bịdi ụbile ghụn oogulemi de phọ ạmi; ọḅile ọopu eelhe phọ mị ạngo bọ bịdi.

Jerimaya 2:7 Iomraidhean Croise

Nehemaya 9:25

Awe phọ ạna eeghian ni ọsighiogh rạmha dị ophiighiom rꞌịikpo, de ẹnuum, ruutu dị aruphua emuza rꞌariini ạmuum ọphughol dị oguphogh, ireeny ọliv, ireeny iimuma, rꞌiizo avain. Bịdi ule ni tọrobo ịyaar lọ bịdi ọwa, kụ ọbughogh; bịdi ụghelom ni oomo ịma ạraraar phọ nạ ạngo bọ bịdi.

Nehemaya 9:26

“Kụ awe phọ ạna ụḅaar ri ẹmhu kụ ụ́naghanan nyịna; bịdi ụgumom ni ọman Ologh phọ ạna. Bịdi ụze ni riil phọ ọphur ghan bọ bịdi rụru, bụphe ọḅeni ghan bọ bịdi mọ okiton osoman nyịna. Bịdi ụgilaam ni nyịna mem etum mem,

Azaya 19:25

Ọmoogh-we Oomo Ịikpo phọ kạseph ni bịdi kụ ạḅem mọ, “Mị kạseph ni nyịna Ijipt awe phọ ạmi rꞌạna Asiria ọpo mị ạlhem bọ, ḅịle rꞌạna Ịzirel we phọ ạmi mị ạsaḅar bọ.”

Jerimaya 16:18

Mị kaḍighi ni ịdi bịdi kọkpe ịikpia ịkaraph phọ ạbidi ịyal amem, loor esi dị bịdi mọsighe ịkaaghineen ạraraar ọopuom de phọ ạmi, ruru dị ghuḍum ị́moogh ịdipho aḍizu oye lọ mamugh, ḅịle kẹn bịdi mọsighe rụmugh ọkpe omuzeḍi de phọ.”

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:2

Pogh aani ạnyu aroogbolom mọ. Esi esugha ni dị nạ úḍighi ịdipho ọnyo akunakuna ḍụghum? Nạ ukori ghan rụga phọ ạna ẹpe ọgbal eten phọ, ịdipho oye ọlo Arebia rakori ghan bọ oye lọ ọdi kaḍighi ịkaraph ẹpe ẹdala phọ. Nạ mạapu de phọ loor esi olhe-ẹmha phọ ạna.

Jerimaya 3:9

kụ umugholoor nyọdi rásiph ghan. Ọdi mạapu de phọ, ḅịle ọdi malhe ẹmha esi ọoḅereghi ireeny rꞌasighiigh.

Jerimaya 32:23

Kụ mem dị bịdi osi sịen ade phọ ạḍien rọmoogh, bịn bịdi ụ́naghanan mun ịtooghi phọ ạna, ụ́ḅile ụ́daph ịtughemi phọ ạna; bịdi úḍighi rꞌeniin ịyaar lọ nạ ạto ạḅeni bịdi mọ oḍighi. Loor ịduon phọ kụ nạ ạsighe oomo oogulaan phọ ọphon aruomaan bịdi.

Jerimaya 32:30

Kꞌẹḅel emiighom mọ awe phọ Ịzirel rꞌawe phọ aJuda moḍighi ghan ni ịdi ị́nighe dị kiḍighi ịmi ịlo ophin ologhi.

Izikiel 20:24

Mị uḍighi ịphen loor esi dị bịdi moghel ịtooghi phọ ạmi, ọka iilogh phọ ạmi kụ ọopu ḍio ophooghian phọ ọḅile ooseeny iniin phọ ịkaaghineen ạrumugh phọ ạburude ạburude ạbidi mokumu ghan bọ.

Izikiel 20:28

Mị ạsighe bịdi asiemi de phọ mị maguanaan bọ ọngo ạbidi. Mem dị bịdi ọmiin iiphopha aroogbolom rꞌiḍiil ireeny, bịdi ọphinyon rịkia ọngo oomo ạbidi. Bịdi ụngo ịmi ọghagh ologhi loor esi ạrikia phọ bịdi oguom ghan bọ nịan phọ ḅịle rꞌesi amiim mọ bịdi ọsighe bọ oru ịdipho inmo.

Izikiel 20:6

Pọ kụ amem mọ mị aguanaan bọ ọsighe ạbidi omitiom Ijipt kụ ororori ạbidi ọghi ade dị mị mạsaḅar ḍi ạbidi, ade ẹelha rꞌẹnuum, ade ẹetool rꞌọninom dị ẹnighe epu oomo ịdi.

Izikiel 23:35

Nyịidipho ịphen kụ ịpe Ọmoogh-we dị ạmoogh oomo ịikpo phọ rạkaaph bọ: “Loor esi dị nạ uwula bọ ịmi kụ akiton ụgumom ịmi ọman, nạ kạmiinom ni loor esi ẹephua phọ rꞌole ẹmha phọ ạna.”

Izikiel 36:17

“Oye dị kamugh ni, mem mọ awe phọ Ịzirel ọrol ghan bọ sịphe ade phọ ạbidi, bịdi ụupu de phọ loor esi ạdol phọ rꞌeḍighinom mọ ạbidi. Mị ụsighe ẹrolom mọ ạbidi mọ ị́ḅaal ịdipho ạnir dị odi ẹmha ạnmariir.

Hosia 9:3

Awe phọ Ịzirel kọ́tol mun sịen ade Ọmoogh-we phọ. Buniin anyina koḅula ni ẹpe Ijipt, buniin olhe eḍien ạḅaphanya ẹpe Asiria.

Maika 2:10

Iḅerenu ẹḍua; ạdol ẹepho ílho mun sịen. Ịkaraph anyina mẹphue esi phọ ẹphen ẹḅogh ẹngo oogulemi.

Igbiighi 13:27

Kụ bịdi ọḅeni Mozis mọ, “Yoor urelhe yogh de phọ nạ urom bọ iyoor ọghi oḅiligha phọ. Ade phọ, ade ẹetool rꞌọninom. Pọrono iniin iimuma ekpisi phọ.

Dutoronomi 21:23

pọ ị́bile ghan ḍizu phọ ọdi sịphe oreeny phọ ẹmina ẹḅaal. Tọrobo ịlo ẹrol, ịsighe ni nyọdi ḍio ḍio phọ eḍi, ịdi eḍighi bọ Ẹnaan esu ni oye lọ asina ọkaraph ọnhu. Ị́ipue ghan de phọ anyina, ḍịphe Ọmoogh-we Ẹnaan phọ anyina ịngo bọ inyina ọmoogh phọ.

Dutoronomi 32:9

Abin mụo Ọmoogh-we phọ, pọ awe phọ ọdi. ẠJekob kụ abin erua ẹlo ọdi.

Dutoronomi 6:18

Iḍighi ghan ịpe eru bọ igey, rꞌịlo ẹnighe risigh Ọmoogh-we phọ, ọbo ịnighenom inyina, ọbo nyina ẹghi ẹsighe ẹmoogh ịma phọ ade phọ, ḍịphe Ọmoogh-we phọ aghunya bọ ạngo bụrude phọ anyina.