Jerimaya 2:6 - Ạḍinya Iigbia

⁶ Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 2:6 Iomraidhean Croise

2 Ạbudaam 2:14

Kụ ọdi ạsighe onyoraam mọ Ilaija ạḍua bọ loor phọ ọdi ameel ạsighe ạgurom mụum mọ kụ ạḅem mọ, “Odi ẹghen Ọmoogh-we Ẹnaan phọ Ilaija?” Kụ ạgur mụum mọ bịn ạmuum mọ adia bịn Ilaisa ạḅeeny aten.

Job 3:5

Ḍighi ḍio phọ ạḍiphe ḍio ọto rꞌokikiph ufiri; sịghe ọotu aakpereghiom, aḍime erumuḍio phọ.

Job 35:10

Kụ ọlo bịdi rọ́ki ghan esi Ẹnaan phọ ẹlhem bọ bịdi, ọpo rẹngo ghan bọ bịdi oḍuom ologhi mem ogbogh ufiri ạbidi.

Ạsuor 23:4

Ghạlamo mị urelhe ạḅeeny ḍigher ọkikiph ufiri aḍuugh, mị kákiilaan ịkaraph, ịdi eḍighi bọ nạ odi rꞌạmi; ọkolhom mọ ạna rꞌịkpara phọ ạna rịidereghi ghan ịmi.

Ạsuor 77:5

Mị ạatughian ịlo ariiḍio ageedi ạḅile ạatughian sịa phọ ịpe meten bọ.

Ẹḍua 20:2

“Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene.

Azaya 63:9

esi oomo ịminimiin phọ ạbidi. Kọ́okpaany kꞌạke, kụ Ọmoogh-we phọ rꞌaloor kụ ạphel bịdi. Esi ẹphomoghian rꞌọnma ighirigiir ọdi kụ ẹdi ọdi ạtagharan bịdi. Ọdi ạmaar ghan ni aphogh bịdi mem dị meten,

Azaya 64:7

Oye ólho dị akiton aphogh nyịna esi ịiḅereghi; oye ólho dị aru esi ạna ọwa ẹloghonaan. Nạ mạaghi loor ạna esi ayoor kụ ụḅitonaan iyoor loor esi ịkaraph ayoor.

Jerimaya 13:16

Ikueni Ọmoogh-we Ẹnaan phọ anyina, kụ egbi ọteeny amem dị ọdi kạsighe ufiri atu, kụ nyina ekpeteghaan ạnyu aruugum mọ; kụ egbi ọteeny amem dị ọdi kạsighe ḍịḅaal phọ nyina eḍuom bọ ologhi phọ atene ogbogh ufiri.

Jerimaya 2:2

mọ gbeelom dom mọ aḍien ạḅeni tọrotoro oye lọ odi Jeruselem. “Mị ạatughian ni omeeraam dị nyina ẹmoogh ghan mem ẹghoroghor phọ anyina, ịpe nyina ịphomoghian bọ ịmi mem mọ pụruku yira ạalan bọ. Nyina ịdaph ni ịmi ẹpe ẹdala phọ, ẹpe ade phọ oye kőḅeph ghan bọ.

Jerimaya 2:8

Ạbupinyon rịkia phọ úpuru mọ, ‘Ọmoogh-we phọ odi ẹghen?’ Ariil ạrikia phọ ạmi ịmi úlegheri. Ạbuo ịtooghi phọ muruphiom ịmi ẹgham; ariil phọ Ẹnaan ọḅile okol ḍien aBaal kụ rọkaaphom ghan ọḅile rọoḅereghi ghan ruru dị ị́moogh ịyaar oḍighinom.

Jerimaya 5:12

Awe Ọmoogh-we phọ mọpharanaan nyọdi kụ ọḅem mọ, “Ọdi kạ́karaghi áḍighi ịyaar. Yira kọ́moogh ḍịkparamineen amem; yira kọ́moogh ẹgham mụghumo ịgbakuro.”

Jerimaya 5:2

Ghạlamo ịduon nyina ẹḅem bọ ni mọ nyina rẹeḅereghi ghan ni Ọmoogh-we phọ, nyina rẹḅem aani ghan ni bịn.

Jerimaya 51:43

Ạramha phọ meeph ọmiin kụ meten de ịisaar dị ạmuum ólho, kụ rꞌoye dị katelhe ạḅeeny ólho mun.

Hosia 12:13

Ọmoogh-we phọ arom oyil mọ ạtagharan we phọ Ịzirel dọl ạrebene ẹpe Ijipt kụ ạmaar ạpham bịdi.

Hosia 13:4

Ọmoogh-we phọ ạḅem mọ, “Mị Ọmoogh-we phọ kụ Ẹnaan phọ anyina, ọpo iḍiemiom bọ inyina ạḍuanam Ijipt. Nyina ị́moogh ẹnon Ẹnaan emuton ịmi. Mị bịn kụ ọpelia anyina.

Ẹmos 2:10

Mị kụ ịsighe inyina ẹpe Ijipt amitiom, ạḅile iḍiemiom inyina ẹpe ẹdala ịisaar phọ inyadi ạsia, kụ mị ịngo inyina de ạbuo Ạmorait mọ eḍighi ḍịa anyina.

Matiu 4:16

awe phọ ạbuphe ọrol ghan bọ esi ufiri kọmiin ḍịnmananmana ạḍiḅaal! Kụ bụphe aḍuugh memoogh bọ ạḍiḅaal mesoorom!”

Dutoronomi 1:19

“Kụ yira ọtuugh ịpe Ọmoogh-we Ẹnaan phọ ayira ạto bọ ụḅeni iyira oḍighi kụ oḍighi. Yira ọḍua bọ sịphe Eegum aSainai kụ ọghi eten eboom ẹdala phọ eḍigh bọ ịikia ruugu ẹpe nyina ẹmiin bọ rẹki bọ roogbolom eelhe ạbuo Ạmorait phọ, osi Kades Bania.

Dutoronomi 32:10

“Ọdi ạmiin nyọdi ẹpe aḍiguuleeny ade phọ, de dị ị́moogh ịyaar oḍighinom, kụ ọdi aghurughi nyọdi ạsighe aloghoma, kụ aphogh ghan nyọdi ịdipho ọony aḍien phọ ọdi.

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

Bụo Ịiruen 6:13

Kụ ạGidion ạḅeni nyọdi mọ, “Ọde-otu ạmi, eru mạar dị Ọmoogh-we phọ odi rꞌayoor, uḍighi ika kụ oomo phọ ịphen phọ risoroghuom bọ iyoor? Kụ oomo iiḍighi ịiḍaany phọ ọdi edi ẹghen, ịpe ạburude phọ ayoor ọghaaph bọ ụḅeni iyoor kụ rọḅem ghan bọ mọ Ọmoogh-we phọ kụ ụsighe bọ iyoor ẹpe Ijipt ạḍuanam? Kụ nyịidipho Ọmoogh-we phọ múmutonaan iyoor, ụḅogh iyoor ạngo Mịdianait phọ.”