Jerimaya 2:5 - Ạḍinya Iigbia

⁵ Ọmoogh-we phọ rapuru ghan mọ, “Ạburude ạburude phọ anyina ụmiin eeghe ịkaraph loor ạmi? Eeghe kụ iḍighi kụ bịdi ọḍua bọ esi ạmi? Bịdi ụuḅereghi ghan ruru dị ị́moogh ịyaar oḍighinom bịn bịdi phọ kẹn ụ́moogh mun ịyaar oḍighinom.

Jerimaya 2:5 Iomraidhean Croise

2 Ạbudaam 17:15

Kụ bịdi oghel oomo ịtooghi phọ ọdi rꞌịyo phọ ịpe ạburude phọ ạbidi rꞌọdi oghiran bọ, rꞌareḍeenaan phọ ịpe ọdi aḍeenaan bọ bịdi. Bịdi oofolomi bịn, ụ́maghami ịyaar, ọdaph bụo aruru phọ oko bọ bịdi okitonom bụphe Ọmoogh-we phọ ạtu bọ kụ ạlhogh ologh mọ bịdi kụ́daph ịpe bịdi roḍighi bọ kụ oḍighi aani.

Ạsuor 115:8

Oomo ạbuphe ọkaaghi bọ ọḅile rooseeny ghan rạraar phọ ịphen kọkighogh ni rạraar phọ bịdi ọka bọ!

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Azaya 44:9

Oomo ạbulo rọkaaghi rụmugh pọ ighiil awe ni bịn, kụ aruru phọ bịdi ọmanami bọ mạar phọ oopho ni bịn. Bụphe rooseeny ghan bọ ịkaaneen ạrumugh phọ ịphen eten rọ́miin ghan kụ mạar úlegheri — kụ koofolomi ni bịdi.

Azaya 46:12

“Ịnaghanan ịmi, nyina awe ọḅaar ẹmhu dị ogbi mọ ọkpar opu ạkelan ni.

Jerimaya 10:8

Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 12:2

Nạ ạzuph bịdi, kụ bịdi ọmoogh sịni; Bịdi opoph kụ omuum iimuma. Bịdi rọkaaph ghan ni ịma ịlo ạna oomo amem, kụ ọlo bịdi ụ́kar ụ́moogh ịyaar oḍighinom ạna.

Jerimaya 14:22

Rꞌeniin eru areelhe phọ kétue ẹngo ọlophia; okuaḍio phọ rꞌaloor ọdi bịn kátue aḍighi ịdi ọlophia kạloph. Yoor mọsighe oḍuom ologhi ayoor ọkpasi esi ạna, Ọmoogh-we Ẹnaan phọ ayoor, loor esi dị nạ kụ raḍighi ghan bọ rạraar phọ ịphen.

Jerimaya 2:31

“Nyina aweye Ịzirel, iler rụru ẹnaghan ịphen mị rạkaaph bọ. Mịna ạkigh de ophugh esi anyina ḍụghum, ịdipho ade ufiri dị eḍighi ooto rꞌosooromineen? Eeghe kụ iḍighi bọ kụ nyina ẹḅem bọ mọ nyina keḍighi ịlo ịḅeeraan inyina, mọ nyina réḅula mun esi ạmi?

Jerimaya 2:4

Iler rụru ẹnaghan dom Ọmoogh-we phọ, nyina ẹemara ẹemara phọ ạJekob, nyina arughunughun phọ Ịzirel.

Jerimaya 8:19

Ịnaghanan! Sịen oomo phọ ade phọ mị ạnaghan ịdi awe phọ ạmi romoghi yogh mọ, “Ọmoogh-we phọ ólho mun Zạyon ḍụghum? Ọdaam-ẹmha mọ ạZayon ólho mun sịphe ḍụghum?” Ọmoogh-we phọ, Ọdaam phọ ạbidi, ạpagharanaan mọ, “Eeghe kụ iḍighi kụ nyina eḍighi bọ ịphen repin bọ ologhi phọ ạmi, esi ọoḅereghi aruru phọ anyina ḅịle kẹn rꞌokpuḍian ooseeny iiruen ạrumugh dị ị́moogh ịyaar oḍighinom?”

Izikiel 11:15

“Oye dị kamugh ni, awe phọ bụphe orugh bọ sịphe Jeruselem rọkaaph ni ịlo anyina ḅịle rꞌạbueri phọ ạbuo Ịzirel phọ odi bọ dọl iiruen phọ. Bịdi ọḅem ghan mọ, ‘Bụphe odi bọ dọl iiruen phọ ọkelan ọpughan ịlo ooseeny Ọmoogh-we phọ. Ọdi mụngo iyoor de phọ ọmoogh.’

Izikiel 14:5

Oomo ịkaaghineen ạrumugh phọ ịpe mekiton we phọ Ịzirel ọḍua esi ạmi, kụ ọlo esi ọphagharanaan ạmi mị aḍuom ni ologhi oḅulemi ạbidi esi ạdol ọnaghanan ghan ạmi.

Jona 2:8

Bụphe rọoḅereghi ghan bọ ịkaaghineen ạrumugh phọ ị́moogh bọ mạar oḍighinom mọ moghel ọḅogh aloor ạbidi ọngo ạna.

Matiu 15:8

“‘Ẹnaan ẹḅem mọ awe phọ ạbuen ọsighe ịidoronhu ạbidi bịn kụ rughueniom ghan ịmi, kụ iloghi ạbidi ịkelan ni ịmi iboom.

Iiḍighi 14:15

“We phọ! Iḍighi ika kụ nyina reḍighi bọ rạraar phọ ịphen phọ? Yoor awe ni. Yoor ọmoogh ni ḍiniin aḍizu ịdipho anyina. Yoor ọsighe ooḅi ọghaaph iruomonaan inyina, ọbo nyina ẹwile oopho ạraraar phọ ịphen ekiton esoman Ẹnaan phọ edi ghan bọ, ẹpe ẹlhem bọ kẹ rꞌade rꞌọphiiny phọ rꞌịlo esi rꞌesi.

Bụo aRom 1:21

Bịdi olegheri ni Ẹnaan kụ rọ́ngo ghan nyọdi eghuan phọ ọdi, ḅịle kẹn nyọdi rọ́seph ghan. Loor ịphen phọ, oomo ịitughian phọ ạbidi, epe ni oopho, ḅịle ufiri kụ mamuza ipokoro iloghi phọ ạbidi.

Dutoronomi 32:21

Bịdi mọsighe rụmugh phọ ạbidi oḍighinom ịdi repin ologhi ạmi. Bịdi mọsighe oomo oopho ạraraar phọ ạbidi ụngoom ịmi ọghagh ologhi; kụ mị kạsighe we dị ụ́man oghola mọ eelhe aḍighi ịdi kẹkagh iloghi ạbidi; mị kaḍighi ni dị eelhe ạbuo arolologhi kepin ghan iloghi ạbidi.

1 Sạmuel 12:21

Kẹ́daph ruru: bịdi inyina kétue ẹloghonaan ḍịghaagh, kétue kẹn ẹpel loor esi dị bịdi ị́moogh ịyaar oḍighinom.