Jerimaya 2:4 - Ạḍinya Iigbia

⁴ Iler rụru ẹnaghan dom Ọmoogh-we phọ, nyina ẹemara ẹemara phọ ạJekob, nyina arughunughun phọ Ịzirel.

Jerimaya 2:4 Iomraidhean Croise

Jerimaya 10:1

Weye phọ Ịzirel, ịnaghan dom dị Ọmoogh-we phọ kịḅeni inyina.

Jerimaya 13:15

Weye Ịzirel, Ọmoogh-we phọ mạghaaph! Isooromi siloor anyina ẹnaghanan nyọdi.

Jerimaya 19:3

Ọmoogh-we phọ ụḅeni ịmi ọghaaph, “Nyina ạbudaam-ẹmha phọ aJuda rꞌawe phọ aJeruselem, iler rụru ẹnaghan ịphen mị Ọmoogh-we Egbogh Ẹnaan phọ Ịzirel ạmoogh bọ ọghaaph phọ. Mị kạsighe ni igbogh ịiḅaghami atu esi phọ ịsien dị tọrotoro oye lọ ạnaghan kakperenom ghan ni.

Jerimaya 2:3

Ịzirel, nyina iḍighi bụo ạmi bịn; nyina iḍighi we iigbia ạmi. Mị ụngo ghan ịminimiin ạḅile aagulemi tọrotoro oye lọ iḍighi inyina ịyaar lọ ị́nighe. Mị Ọmoogh-we phọ kụ ụghaaph.”

Jerimaya 2:5

Ọmoogh-we phọ rapuru ghan mọ, “Ạburude ạburude phọ anyina ụmiin eeghe ịkaraph loor ạmi? Eeghe kụ iḍighi kụ bịdi ọḍua bọ esi ạmi? Bịdi ụuḅereghi ghan ruru dị ị́moogh ịyaar oḍighinom bịn bịdi phọ kẹn ụ́moogh mun ịyaar oḍighinom.

Jerimaya 31:1

Ọmoogh-we phọ ạḅem, “Amem retu ni dị mị kaḍighi Ẹnaan oomo arughunughun phọ Ịzirel, kụ bịdi oḍighi weye ạmi.

Jerimaya 33:24

“Nạ mạnaghan ni ịdipho awe rọḅem ghan bọ mọ mị maghel Ịzirel rꞌaJuda, ịyal phọ arughunughun mị ạsaḅar bọ? Kụ loor esi ịduon phọ bịdi ropoghom we phọ ạmi rꞌophin ologhi kụ rọ́sighe mun bịdi mọ eelhe.

Jerimaya 34:4

Zẹdekaya, nạghan ịphen mị rạḅeni bọ nyịna. Kóghiigh nyịna erugh ẹgham.

Jerimaya 5:21

Nyina awe dị iloghi ílho, ịnaghanan. Nyina ẹmoogh riḍien kụ rẹ́miin ghan eten; ẹḅile ẹmoogh reḅeri kụ rẹ́naghan ghan ịyaar.

Hosia 4:1

Ọmoogh-we phọ ạmoogh ni ọkpalhagham awe phọ odi bọ sịen ade phọ ạḍien. Iler rụru ịpe ọdi rạkaaph bọ: “Ọmeeraam ḅịle rꞌẹphomoghian ílho sịen ade phọ ạḍien, ḅịle awe phọ ịmi ụ́sighe mọ Ẹnaan.

Maika 6:1

Ịnaghan ḍighiton dị Ọmoogh-we phọ ạmooghom rꞌỊzirel. Ḅetenu, Ọmoogh-we, ạghaaph ịiḅaghami phọ ạna; ạraaḅaraph phọ rꞌaroogbolom mọ ẹnaghan ịpe nạ kạkaaph bọ!