Jerimaya 2:3 - Ạḍinya Iigbia

³ Ịzirel, nyina iḍighi bụo ạmi bịn; nyina iḍighi we iigbia ạmi. Mị ụngo ghan ịminimiin ạḅile aagulemi tọrotoro oye lọ iḍighi inyina ịyaar lọ ị́nighe. Mị Ọmoogh-we phọ kụ ụghaaph.”

Jerimaya 2:3 Iomraidhean Croise

Ẹḍua 22:29

“Káakpukian ọngo ạmi ịḅel iimuma sịphe ịbiakpa phọ ạna, rꞌamiim mọ ạna, rꞌạmunum mọ ạna. “Ụngo ịmi ịkpana ạnmuny phọ ạna.

Ẹḍua 23:16

“Ile ghan Ẹyaal Ibugha mem lọ nyina emiigh ibugha. “Ile ghan Ẹyaal Arophoghoghoony mem osoor, mem lọ nyina emiigh ọku eemuma esi ịpe nyina ẹzuph bọ.

Azaya 41:11

“Bụphe rịghagham bọ inyina ophin ologhi phọ kolegheri roofola oye lọ ameel ẹgham. Bụphe eenan bọ rꞌanyina komuughu ni

Azaya 47:6

Mị ụghagham ni ologhi we phọ ạmi; mị uḍighi ni mụdi kạ́buo ạmi mun: Mị ạlogh bịdi eeḍian ịikpo phọ ạna kụ ọlo nạ óḍeenaan bịdi ọnma ighirigiir; ghạlamo rꞌikumoor awe phọ bịn, nạ ụkporoghom ni.

Jerimaya 12:14

Ọmoogh-we phọ rạḅem mọ, “Mị ạmoogh ni ịyaar ọḅem dị egbolomaam bumatuman phọ Ịzirel, bụphe mophiemi bọ de phọ mị ạngo bọ weye phọ ạmi Ịzirel. Mị kạsighe ni bụkaraph awe phọ ạbuphe phọ sịphe areelhe phọ ạbidi ịdipho oreeny lọ oruphuron, ḅịle kẹn mị kạtagharan ni Juda ạsighe ḍịghaagh ạbidi.

Jerimaya 2:4

Iler rụru ẹnaghan dom Ọmoogh-we phọ, nyina ẹemara ẹemara phọ ạJekob, nyina arughunughun phọ Ịzirel.

Jerimaya 30:16

Kụ nyịidipho kọtaalom ni ịgbalapuur oomo ạbulo ịraalom inyina ịgbalapuur, ḅịle kosiphi ni oomo ẹpomoghian phọ anyina ọḍuanam, Kọkpiloghom ni oomo ạbulo ịkpiloghom inyina, kụ oomo ạbulo ọsighiogh rạraar anyina ẹkaraph ẹsighenom kọsighiogh ni rạraar ạbidi eniin phọ ẹsighenom mọ.

Jerimaya 50:7

Tọrobo oye lọ ạmiin bịdi azuom bịdi. Ạbumulogh-ḍien ạbidi ọḅem, ‘Bịdi ụpioman esi Ọmoogh-we phọ. Loor ịduon phọ ịpe yira moḍighi bọ bịdi kọ́pioman. Ạburude ạburude ạbidi uḍuom ni ologhi esi Ọmoogh-we phọ, kụ bịdi rꞌaloor ọkpe omeelom aani ọdi.’

Joel 1:3

Ịḅeni nmụny anyina ịlo ịphen phọ; bịdi kọḅeni nmụny ạbidi dị kọḅile kụ ọḅeni ọnon oghiil.

Ẹmos 6:1

Pọ eeghe ịminimiin dị kịrolonaan inyina phọ edimom bọ dọl ẹereegh ẹpe Zạyon, ḅịle rꞌanyina phọ ẹḅem bọ mọ ịiḅaghami ílho ẹpe Sameria — nyina igbogh awe egbogh eelhe phọ ẹphen Ịzirel, nyina phọ ạbuen phọ awe phọ oḍuom bọ ologhi esi ọloghonaan ạḍighaagh!

Hạbakuk 1:11

Kụ bịdi ọḍua egina amem mụdi oghim bịn moten, awe phọ ạbuen ịikpo ạbidi kụ eḍighi bọ ẹnaan ạbidi.”

Zẹkaraya 1:15

kụ mị rạkagham ni ologhi iboom reelhe phọ rẹkelom bọ ịma ạdol rꞌẹepho. Ịyaar phọ eḍighi bọ, mem dị mị odi raḅologhan ghan ọghagh ologhi phọ ạmi esi awe phọ ạmi, areelhe phọ ịphen ịḅile ghan ghụn bịn ẹbughe ịminimiin awe phọ ạmi.

Zẹkaraya 2:8

Oye lọ ịgur inyina pọ mạgur ịyaar ạmi dị ẹman mạar iboom.” Kụ iḍighi kụ Ọmoogh-we Oomo Ịikpo phọ urom ịmi ọghi ọteeny areelhe phọ ịpe mewum bọ ẹsighiogh rạraar awe phọ ọdi ọḅeni dom mọ aḍien:

Igbiighi 18:12

“Mị mạngaani nyịna oomo amugeny ạmunum mọ, rꞌamugeny amiim mọ, rꞌịgbieneen ịbiakpa phọ, rꞌịḅel iimuma phọ ịpe bịdi ọngo bọ Ọmoogh-we phọ.

Bụo aRom 11:16

Ọḅel ọpherepe ạbred phọ kụ oseenaan Ẹnaan, pọ oomo eeḅoghoḍi ạbred phọ ẹlo ọdi aani ni. Ḅịle sịni oreeny phọ kụ oseenaan Ẹnaan, pọ ịla phọ ịlo ọdi aani ni.

Bụo aRom 16:5

Ipurunaan ịmi bụo ạsiosi phọ rookpomoghan ghan bọ kꞌạbidi. Ipurunaan ịmi Ẹpainitos ooḅi ọyaghiri phọ ạmi, ọpo aḍighi bọ ọḅel oye dị ameeraam Kraist ẹpe eelhe phọ Esia.

Bụo ạEfesos 1:4

Ẹnaan ịsighe ni iyira mọ ạbuo ọno esi aKraist kꞌamem mọ kọ̋lhem bọ aḅirini phọ, pịdi yira ookuan oseleman ghisigh ọdi. Loor esi ẹphomoghian,

Dutoronomi 14:2

loor esi dị nyina awe iigbia kꞌỌmoogh-we Ẹnaan phọ anyina. Ọmoogh-we phọ mịsaḅar inyina aḍighi we phọ ọdi sịphe ogbo oomo areelhe phọ ọdi bọ sịen aḅirini phọ.

Dutoronomi 26:19

Kụ ọdi iphoophe inyina ạbughe apuemi oomo ịpheri phọ areelhe phọ ịpe ọdi ạlhem bọ, nyina emitiom ḍien ạḍiseph rꞌarughuenian, kụ nyina iḍighi we aghuḍuul, we iigbia esi Ọmoogh-we Ẹnaan phọ anyina, ịdipho ọdi ạghaaph bọ ịḅeni inyina.”

Dutoronomi 7:6

ịdi eḍighi bọ nyina awe iigbia esi Ọmoogh-we Ẹnaan phọ anyina. Mị mịsaḅar inyina ạsighe esi oomo awe phọ ạbuen odi bọ sịen aḅirini phọ aḍighi kịro ọdo awe esi ọdi.

Jems 1:18

Mem mọ yira omeeraam bọ igey ikpo ọnhu phọ ọdi, ọdi ạsighe ni ịitughian ọdi kụ ụmaram bọ iyira, ọbo yira kụ oḍighi bụḅel sịphe emoom eghunotu phọ ọdi.

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.

Ogonanami Phọ 14:4

Bịdi kụ awe phọ ruwaloor phọ ạbidi ụ́puenaan bọ, ịdipho ạregelenya dị kọ̋rolan ghan esi rꞌạnmariir. Bịdi rọdaph ghan ni Mọony Oyool-ọga phọ tọrobo ekpisi lọ ọdi rạki. Mọtagharan bịdi ọsighe rạghaagh ạbueri phọ awe aḅirini phọ, mọ oḍighi iimuma phọ ogbiom bọ ạya phọ ọngo Ẹnaan rꞌỌony Oyool-ọga phọ.