Jerimaya 2:21 - Ạḍinya Iigbia

²¹ Mị ụzuph nyịna ịdipho ooḅi oreeny avain, ikpo phọ ọsighe bọ ọzuph ịkar kẹn ni ẹnighe. Kụ ọlo mịin ịdi nạ manmia! Nạ ạkigh ọḅoria oreeny avain dị ụ́moogh ịyaar oḍighinom.

Jerimaya 2:21 Iomraidhean Croise

Emiighom 18:19

Mị mạsaḅar nyọdi. Ọdi kụ kạpur ri rụru ạnmuny ọdi rꞌọto kꞌọdi mọ bịdi ọdaph reten Ọmoogh-we phọ ọḅile ookuan oḍighi yogh ghan ịpe ẹnighe bọ, ọbo mị aḍighi Ebraham ịpe mị aguanaan bọ.”

Emiighom 32:28

Kụ oye phọ ạḅeni nyọdi mọ, “Kọ́magh ghan mun nyịna mọ ạJekob; ḍien ạna kokol mọ Ịzirel, ịdi eḍighi bọ nạ mạgba ịnugh rꞌẸnaan ḅịle rꞌawe kụ ạkpar apu bịdi.”

Ạsuor 44:2

ịpe nạ rꞌaloor kụ aphorogh bọ amitiom bụo aruru phọ, kụ arughemi we phọ ạna sịphe ade phọ ạbidi; ịpe nạ ạlhiom bọ bụeri phọ areelhe phọ kụ aḍighi bọ ịdi bụo ạna oḍum ọrara.

Ạsuor 80:8

Nạ ụpham oozin agrep amitenom ẹpe Ijipt; nạ uphorogh ịnon areelhe kụ ạzuph oozin agrep phọ sịphe ade phọ.

Ạsuor 80:9

Nạ useleminaan esi lọ kọzuph ạsini phọ eḍigh ude, kụ eleeny oomo ade phọ.

Ẹḍua 15:17

Nạ kạsighe ni bịdi asiemi otu, kụ ạzuph bịdi sịphe eegum amarugh phọ ạna, sịphe esi phọ ẹpe nạ Ọmoogh-we phọ aḍighi bọ marugh phọ ạna, sịphe ạdol iigbia phọ ạraghaagh phọ ạna eselemi bọ.

Azaya 1:21

Ẹmha phọ ẹpe ẹmoogh ghan bọ ni ọmeeraam mẹḅile ẹkigh ạnir dị rale ghan ẹmha! Mem dị meten, awe aruukuan kụ umuza, kụ nyịidipho ạrookom-enu bịn kụ mosugha.

Azaya 27:2

Ḍio phọ ạḍiphe Ọmoogh-we phọ kạkaaph ni ịlo ịma ozo avain phọ ọdi mọ,

Azaya 41:8

“Nyina kụ otelhedom mọ ạmi, nyina kụ awe phọ Ịzirel mị mạsaḅar bọ, ạnmuny ạnmuny phọ Ebraham, ọyaghiri phọ ạmi.

Azaya 5:4

Ịyaar isugha ni dị mị ạpiom oḍighinaan ọdi ḍụghum? Iḍighi ika nụun kụ ọdi amuum bọ rughuuny avain dị rẹlagh kụ ạwile bọ igey phọ ịpe mị rạwa bọ?

Azaya 60:21

Awe ạna, oomo phọ ạbidi, koḍighi ghan ịdi ẹnighe, Kụ ọmoogh de phọ kꞌagee-pọ. Mị kụ ụzuph bịdi, mị kụ ụlhem bịdi, Oḍeenaan igbogh ạmi oomo awe.

Azaya 61:3

Ọngo ạbuphe odimom bọ ọto sịphe Zạyon Iboh rꞌọḅaal ologhi esi okururu, Ḍụor oboomiom kꞌaḍio okururu. Bịdi kọkigh ireeny Dị Ọmoogh-we phọ rꞌaloor kụ ạzuph. Oomo ạbidi koḍighi ghan ịdi ẹnighe, Kụ oboom Ẹnaan loor ịpe ọdi maḍighi bọ.

Jerimaya 11:16

Amem ịrol li dị mị aghol bịdi mọ ọliv dị ạmoogh rịnya rꞌịma iimuma; kụ ọlo nyịidipho mị kạsighe ẹḍogh dị ẹghigh ọomaany kụ mị ạloghom nịan rịnya phọ rꞌịla phọ ọdi.

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 5:10

Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Ịkunuma 4:1

Agol phọ ayoor ạnmana ghan bọ mạḅuura; asighiigh Otu Ịiḅereghi phọ mẹwalala ẹpe areten phọ.

Izikiel 15:2

Ọdi ạḅem mọ, “Oye dị kamugh ni, ika kụ ịdi oreeny avain ạtomaam rꞌoreeny ẹekpua? Eeghe igey kụ ẹdi ọla oreeny-amiim ạtomaam rꞌireeny ẹekpua phọ?

Matiu 21:33

“Ịnaghan ḍịnon aḍidogh. Oniin uwotu ạrol li, dị aḅeph ozo ịizupha ireeny amiim kụ aghoony akitonom, kụ aguph esi omiim ghan iimuma phọ, kụ ạlogh ogbogo dị kọtol ghan okori ozo phọ kụ ạḅogh ozo phọ ạlogh ḍịghaagh abuḅephom iizo mọ oḍighinaan ghan nyịno, kụ ạḍua agheel ẹnon ẹmha.

Elegh ạMak 12:1

Kụ ạJizos ạsighe sidogh kụ ạḅeniom bịdi mọ, “Oniin oye ạzuph ozo ireeny amiim, kụ aghoony akitonom, kụ aguph esi omiim ghan iimuma phọ, kụ ạlogh ogbogo dị kọtol ghan okori ozo phọ, kụ ạḅogh ozo phọ ạlogh ḍịghaagh abuḅephom iizo mọ oḍighinaan nyịno, kụ ạḍua agheel ẹnon ẹmha.

Elegh aLuk 20:9

Kụ ạJizos ạsighe ḍidogh phọ ạḍien kụ ạḅeniom we phọ mọ, “Oniin oye ạzuph ozo ireeny amiim, kụ ạḅogh ozo phọ ạlogh ḍịghaagh abuḅephom iizo mọ oḍighinaan ghan nyịno, kụ ạḍua agheel ẹnon ẹmha ebianam.

Elegh ạJon 15:1

“Mị kụ ọkar oozin avain phọ. Ọde phọ ạmi kụ rạkoy ghan bọ ịla avain phọ kaselemi.

Dutoronomi 32:32

Ạbumulogh-ḍien phọ ạbidi ọmoogh ẹkaraph eḍighinom ịyaar, ọkighogh Sọdom rꞌaGomora; ọtol ịdipho iizin dị emuum iimuma avain eghiḍim kụ kekiigh oye.

Dutoronomi 4:37

Ịdi eḍighi bọ dị ạphomoghian bụrude phọ anyina, ạtuan ịdipho kụ ạsaḅar bọ nmụny phọ ạbidi, kụ ịsighe bọ inyina amitiom egbodo ọdi, kụ ạsighe igbogh ịikpo phọ ọdi ịsighenom bọ inyina ẹpe Ijipt.

Josua 24:31

Kụ awe phọ Ịzirel uuseeny ghan Ọmoogh-we phọ oomo asiḍughul-otu amem mọ aJosua, rꞌoomo asiḍughul-otu ikumoor awe phọ bụphe ọkpo bọ opu Josua, bụphe olegheri bọ oomo iiḍighi phọ ịpe Ọmoogh-we phọ aḍighinaan bọ Ịzirel.