Jerimaya 2:2 - Ạḍinya Iigbia

² mọ gbeelom dom mọ aḍien ạḅeni tọrotoro oye lọ odi Jeruselem. “Mị ạatughian ni omeeraam dị nyina ẹmoogh ghan mem ẹghoroghor phọ anyina, ịpe nyina ịphomoghian bọ ịmi mem mọ pụruku yira ạalan bọ. Nyina ịdaph ni ịmi ẹpe ẹdala phọ, ẹpe ade phọ oye kőḅeph ghan bọ.

Jerimaya 2:2 Iomraidhean Croise

Ạsuor 129:1

Ịzirel, ụḅeni iyoor ịpe ạbumulogh-ḍien phọ anyina rịgbiphoghom bọ inyina kꞌẹghoroghor phọ anyina.

Ẹḍua 14:31

Mem dị awe phọ Ịzirel ọmiin bọ igbogh ịikpo dị Ọmoogh-we phọ mạsighe ọmooghom ọkpar opu esi awe Ijipt phọ, ọdi aḍigh ni ḍiigu riḍien ạbidi kụ bịdi ọmoogh omeeraam esi Ọmoogh-we phọ rꞌaMozis otelhedom mọ ọdi.

Ẹḍua 16:8

AMozis ạḅeni bịdi mọ, “Ọmoogh-we phọ kụ kịngo inyina ịnam ạany dulhe, rꞌạtoro eḍien dị kịpher inyina ḍịroor, ịdi eḍighi bọ ọdi mạnaghan ịgum mọ nyina ẹgumom bọ nyọdi. Mem lọ nyina imoghiom iyoor, pọ nyina remoghiom ghan Ọmoogh-we phọ.”

Asidogh 1:20

Ịnaghan. Ologhi rạmagh ni ẹpe areten ẹmha phọ rꞌariisi omuul aḍighi.

Ạḍuor Ạsuor 3:11

Nmạriir ạZayon, itu ẹmiin Sọlomon ọdaam mọ. Ọdi azua eghoony ọdaam eelhe phọ onhiin phọ ọdi azu bọ ẹmhu ọdi ḍio apinien phọ ọdi, ḍio ọḅaal ologhi rꞌibo phọ ọdi.

Ạḍuor Ạsuor 3:6

Ẹphen phọ eeghe dị ẹḍua bọ de ịisaar phọ kụ retu mụdi ẹphuluḅul ạmughi, dị repur eeḅi eḍu ịnsens rꞌamaa, ịnsens phọ ịpe abumuul ḍighi phọ robool ghan bọ?

Azaya 58:1

Ọmoogh-we phọ rạḅem ghan mọ, “Lọoghi ịlo nạ katue! Ḅẹni we phọ ạmi Ịzirel ịlo ịkaraph phọ ạbidi.

Jerimaya 11:6

Kụ Ọmoogh-we phọ agbi ọḅeni ạmi mọ, “Kịa ẹpe igbogh ạramha phọ aJuda rꞌẹpe aroḅodo phọ aJeruselem. Gbeelom dom mọ ạmi ẹpe phọ ạḅile ạḅeni weye phọ mọ ọnaghan iilogh ịyo phọ ọḅile ọdaphan.

Jerimaya 19:2

ḅịle kẹn mọ kiton sịphe oghol bọ mọ Ọnhu-aḍibuo Ipoḍi Aroko phọ ạghi asi Eḍiiny aHinom. Ẹpe kụ esi dị mị kagbeelom dom mọ ọdi kụngo bọ ịmi.

Jerimaya 2:1

Ọmoogh-we phọ ụḅeni ni ịmi

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 3:4

“Kụ nyịidipho nạ rụḅeni ghan ịmi mọ, ‘Nạ ọde ạmi, ḅịle kẹn nạ mụphomoghian ni ịmi kꞌẹghoroghor ạmi.

Izikiel 16:22

Mem mọ ọpo ạdol isa oliom ẹmha phọ ạna, nạ rꞌamem ọ́otughian ẹghoroghor phọ ạna — mem mọ nạ ạrol bọ ẹdaḅa raakila ghan ologhi ịḅaal phọ ạna.”

Izikiel 16:60

Kụ ọlo mị kaako ni ịyo phọ mị aghiran bọ rꞌạna mem mọ ẹghoroghor phọ ạna, kụ akiran ịyo rꞌạna dị kẹtol kꞌagee-pọ.

Izikiel 16:8

“Ịdipho mị ạḅile bọ aten, mị ạmiin mọ meru esi ạna omeel esi ẹphomoghian. Mị aakpereghi ẹdaḅa aloor phọ ạna rꞌạsuoma ạmi dị ạay ekpologhi kụ mị aguanaan ọphomoghian ạna. Agey ni, mị ughiran ịyo apinien rꞌạna, kụ nạ aḍighi ọlo ạmi.” Ịphen kụ ịdi Ọmoogh-we dị ạmoogh oomo ịikpo ạḅem.

Izikiel 23:19

Ọdi aḍighi oliom ẹmha dị eekuna ílho, aḍighi ghan ọkaraghi ịdipho ọdi aḍighi ghan bọ mem mọ ọdi aḍighi bọ ọnyani kụ arugh sịphe Ijipt.

Izikiel 23:3

Mem mọ bịdi oḍighi bọ risina kụ orugh sịphe Ijipt, bịdi uroph ni ẹnighe ạbidi kụ oḍighi bulhiom ẹmha.

Izikiel 23:8

Ọdi aḍighi ạghiom risigh ịpe ọdi mamiigh bọ ịlo oliom ẹmha sịphe Ijipt, ẹpe ọdi aroph bọ ẹnighe phọ ọdi. Emiigh kꞌamem mọ ọdi aḍighi bọ ọnyani, alephiri ụmina ghan rꞌọdi kụ oḍighi nyọdi oliom ẹmha.

Hosia 11:1

Ọmoogh-we phọ rạḅem ghan mọ, “Mem dị Ịzirel aḍighi ọbumoony, mị ụphomoghian nyọdi kụ ạmagh nyọdi ạsighe sịphe eelhe phọ Ijipt ịdipho ọony ạmi.

Hosia 2:15

Mị kaḅulemi ni iizo avain phọ ọdi ạmoogh bọ ạngo nyọdi kụ akiton Eḍiiny Ịiḅaghami atene Ọnhu-aḍibuo Oḍuom Ologhi. Ọdi kạḅogh loor ụngo ịmi ịdipho ọdi aḍighi ghan bọ mem isina phọ, ọdi ạḍua bọ Ijipt aru.

Hosia 2:17

Mị kámeera mun ọdi ạḅile aghol ḍien aBaal ạghaaphom.

Hosia 2:7

Ọdi kakiil li ạdaph rụga phọ ọdi kụ kạ́teeny ạ́pam bịdi. Ọdi kạwa ni bịdi kụ kạ́miin. Pọ kụ amem dị ọdi kạḅem mọ, “Mị raḅula kꞌọḅel olhom ạmi — ịnighenom ịmi mem mọ ọpo kụ epu dọl ạmi nyịidipho.”

Hosia 8:1

Ọmoogh-we phọ ạḅem mọ, “Pula eeḍue phọ! Ạbumulogh-ḍien rosoor ghan de phọ ạmi ịdipho aruga. Awe ạmi moogbonyon ịyo phọ mị aghiran bọ rꞌạbidi kụ mọḅaar ẹmhu esi ịtughemi phọ ạmi.

Hosia 9:10

Ọmoogh-we phọ ạḅem mọ, “Ẹḅel amem dị mị ạmiin bọ Ịzirel, ịghigh mụdi ọmiin iimuma avain dị resi de ịisaar. Ẹḅel amem dị mị ạmiin bụrude oko anyina, ịghigh mụdi ọmiin ịḅel iimuma ireeny ạfig dị mẹḅaal lhạ phọ. Kụ mem dị bịdi oru osi Eegum aPior, bịdi umiigh ni ooseeny aBaal, kụ íbia bịn bịdi ọloghori ọphuenaan siloor ịdipho aruru phọ bịdi ọphomoghian bọ.

Jona 1:2

Ọdi ạḅeni mọ, “Kịa Nineve, ẹpe egbogh ẹmha phọ, kụ ạghaaph ịkaraph ạbidi amitiom; mị alegheri ni ịdi iloghi awe phọ ẹgbagara.”

Matiu 11:15

Ọlo ạmoogh rụru ọnaghanam ạḍughum ạnaghan!

Elegh aLuk 12:13

Oniin oye sịphe ogbo aḍita awe phọ ạḅeni ni Jịzos mọ, “Ọtughemia, ḅẹni umor phọ ạmi mọ adi rạraar erua ọde phọ ayoor mị ụsighe bin ạmi.”

Dutoronomi 2:7

“Ịitughian ịdi Ọmoogh-we Ẹnaan phọ anyina mạseph oomo iiḍighi ạraghaagh phọ anyina. Ọdi alegheri ni erelhe phọ anyina sịen eboom mọ ẹdala phọ ẹphen; esi inyadi ạsia phọ Ọmoogh-we Ẹnaan phọ anyina edianaan ni rꞌanyina, ịyaar inyina ki̋ku.

Dutoronomi 33:3

Ọmoogh-we phọ ạpomoghian ni we phọ ọdi, kụ rạmaar kạpham bụphe oḍighi bọ bụo ọdi. Kụ yoor okpuḍian sịphe aruwol phọ ạna, kụ ọdaphan ịtooghi phọ ạna,

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

Jems 4:4

Nyina ẹkigh ạnir ilom dị rale ghan ẹmha. Nyina ílegheri mọ ọyooyo aḅirini phọ, pọ ạmulogh-ḍien Ẹnaan. Tọrobo ọlo rạwa oḍighi ọyaghiri aḅirini phọ, pọ maḍighi mụlogh-ḍien Ẹnaan.

Ogonanami Phọ 2:4

Kụ ọlo eḍighinom ịyaar anyina esughanam ni. Nyina ịmi ị́phomoghian mun ịdipho ẹḅel amem mọ.