Jerimaya 2:13 - Ạḍinya Iigbia

¹³ loor esi dị awe phọ ạmi moḍighi ịyal ọdo ịkaraph: bịdi mụwile ịmi ọḍua, okol ạmuukia ạmuum mọ, kụ bịdi mọghi oguphogh riini, riini dị kétue ẹpam mụum rꞌẹnum rꞌẹnum.

Jerimaya 2:13 Iomraidhean Croise

2 Ạbudaam 22:17

ịdi eḍighi bọ bịdi mughel ịmi rọsuughinaan ghan ịnsens ịnon ạrumugh. Oomo ịpe bịdi ọsighe bọ rạghaagh ạbidi kụ oḍighinom mịngo ịmi ọghagh ologhi. Mị kạkagham ologhi Jeruselem, kụ ạnian dị kótue oḍime eemor.

Ạsuor 36:9

Oomo ịnhu aghuḍum mọ ayoor edi ghan esi ạna; ạḍiḅaal phọ ạna kụ ẹdi yoor rọmiinom ghan eten.

Ọtughemia Phọ 1:14

Mị mạmiin ni oomo ạraraar phọ roḍighi ghan bọ sịen aḅirini phọ, kụ mị alegheri mọ oomo phọ ịne oopho ni bịn. Ẹkigh ophorogh ookuugh osiph.

Ọtughemia Phọ 1:2

Oopho oopho ni bịn, Ọtughemia phọ kụ ạḅem. Ạdol aḅirini phọ oopho ni bịn, oomo phọ ịne oopho oopho ni bịn.

Ọtughemia Phọ 12:8

Oopho ni bịn, oopho ni bịn, kụ ịdi Ọtughemia phọ ạḅem. Oomo phọ ịne oopho ni bịn.

Ọtughemia Phọ 2:11

Kụ mị ạatughian oomo ịpe mị maḍighi bọ rꞌịnyaam mọ mị akumunaan bọ, kụ mị ạmiin mọ oomo phọ ịdi oopho ni bịn. Ịghigh ophorogh ookuugh kụ osiph. Oopho ni bịn.

Ọtughemia Phọ 2:21

Nạ ukumuan ghan rꞌoomo olegheri ịyaar rꞌologhi rꞌẹmaar ọmoogh ịyaar bịn kụ nạ ạbilenaan ọnon oye dị loor ụ́uḅaghamian. Oopho ni bịn íḍighi elhiom.

Ọtughemia Phọ 2:26

Ẹnaan kụ rẹngo ghan olegheri ịyaar rꞌologhi rꞌọḅaal ologhi bụlo oḍighi ịlo ẹḅeeraan nyọdi, kụ ọdi raḍighi ghan ịdi abuḍighinom ịkaraph kokumuan ghan ọmoogh kụ ookpomoghi pịdi ọsighe ịpe bịdi ọmoogh bọ ọngo bụlo oḍighi ịlo ẹḅeeraan nyọdi. Oomo phọ ịne oopho ni bịn. Ẹkigh ophorogh ookuugh kụ osiph.

Ọtughemia Phọ 4:4

Mị mạḅile kẹn alegheri ịpe eḍighi bọ kụ awe rokumuan ghan bọ iboom lọ kẹnighenom bịdi. Eḍighi ịdi bịdi ropogh ghan matuman ạbidi kọḅeni mọ eeḅio. Kụ ọlo oopho ni bịn. Ẹkigh ophorogh ookuugh.

Azaya 1:3

Ạsinam elegheri ni nyọpo ạmoogh bọ bịdi, kụ ịnam adool elegheri ni ekpisi dị uwotu ạbidi rạngo ghan bịdi eḍien. Kụ ịpe awe phọ ạmi Ịzirel útue ulegheri. Bịdi ụ́naghanan rꞌẹnum.”

Azaya 1:4

Moruule nyịna, nạ eelhe ịkaraph, nyina ịḅoria rꞌạbukaraph awe! Ịkaraph anyina ịghogh inyina ude! Nyina meghel Ọmoogh-we phọ, Oye Aghuḍuul phọ Ịzirel, kụ mẹgumom ọman anyina nyọdi.

Azaya 12:3

Ịdipho ạmubo ạmuum rạngo ghan bọ iboh we dị ạmuum rạpu, ịdipho kụ ẹdi awe Ẹnaan robo ghan mem dị ọdi ạphel bịdi.”

Azaya 5:13

kụ esi ịduon phọ kịsighe ni inyina ọḍuanam ịdipho ạbuo ikoli. Abuḍiemiom anyina kọtol ọkoony kụ omuughu, kụ oopho awe komughom ịgbakuro ạmuum ọphughol.

Azaya 55:2

Eeghe kụ nạ kaliom ikpoki esi ịyaar dị pẹreeny kẹ́ngo? Eeghe kụ nạ kaliom ikpoki ạna kụ ọkoony ạḅile rasiph nyịna? Ụnaghanan ịmi aḍighi ịlo mị ạḅem, bịn nạ kale eḍien dị ẹdugh epu oomo ariiḍien.

Azaya 63:8

Ọmoogh-we phọ ạḅem mọ, “Bịdi awe ạmi; bịdi ịmi kúukeleghi.” Kụ iḍighi kụ ọdi ạphel bịdi ạsighe

Jerimaya 1:16

Mị kạliom ni weye phọ ạmi loor esi dị bịdi moḍighi ịkaraph; bịdi mụḅitonaan ịmi kụ rọpinyon ghan rịkia kọngo ruru, ọḅile ọkaaghi nmụny aghuḍuul kụ rọoḅereghi ghan.

Jerimaya 14:3

Ạbudaam mọ rotom ghan butelhedom ạbidi mọ ọghi ọwa mụum; bịdi rọki ghan ẹpe ariini ạmuum mọ, kụ ọlo rọ́miin ghan mụum; bịdi rotigheel ghan rꞌizoki dị ịyaar ologhi ílho. Kụ bịdi ọbooghi yogh risigh ạbidi, loor ịdi úlegheri mun ịlo oḍighi.

Jerimaya 15:6

Nyina mighel ịmi; nyina mịgumom ịmi ọman. Kụ iḍighi kụ mị mạgbuton ḍịghaagh ạmi ọogbighiḍi inyina loor esi dị mị útue mun ụ́pamaghan ọghagh ologhi phọ ạmi.

Jerimaya 17:13

Ọmoogh-we, nạ kụ oḍuom ologhi phọ Ịzirel; kosiphe ni umugholoor oomo awe lọ ọḅitonaan nyịna. Bịdi kope ịdipho asiḍien lọ ọge esi ophugh, loor esi dị bịdi mọḅitonaan nyịna Ọmoogh-we phọ aḍighi bọ okol ạmubo ạmuum.

Jerimaya 18:14

Ạnyu asighiigh aruugum mọ ạLebanon mẹrol ghan ni dị ibikpo íkar ḍụghum? Asikol ạmuum mọ ạbidi mẹgharaghar ghan ni ḍụghum?

Jerimaya 19:4

Mị kaḍighi ni ịphen phọ loor esi dị awe phọ mụḅitonaan ịmi ọḅile ọopu esi phọ ọtol sịen kụ rọpinyon ghan rịkia kọngo ịnon ạrumugh — rụmugh dị bịdi rꞌạburude ạburude ạbidi rꞌạbudaam ẹmha phọ aJuda kőlhegheri ghan. Bịdi momuzeḍiom esi phọ ịsien ịḅaal awe dị ụ́piom,

Jerimaya 2:11

Ẹnon eelhe ke̋nme ghan rụmugh ạbidi, ghạlamo ịdipho bịdi íḍighi bọ ni igey ạrumugh. Kụ ọlo awe phọ ạmi mọsighe ịnon ạrumugh uunmenenom ịmi, Ẹnaan phọ ẹpe ẹngo bọ bịdi rughuenian phọ, ọḅile rokumu rụmugh dị ịyaar kétue eḍighinaan bịdi.

Jerimaya 2:17

Ịzirel, nạ kụ ụwa ni ịphen phọ! Nạ ụwile ịmi ạḍua, Ẹnaan phọ ạna Ọmoogh-we phọ, mem dị mị aḍiemiom ni nyịna rạkiom.

Jerimaya 2:26

Ọmoogh-we phọ ạḅem mọ, “Ịdipho roofolomi ghan bọ ọḅa lọ osiph, ịduon kụ ịdi koofolomi oomo awe phọ Ịzirel — bụdaam mọ anyina rꞌạbuo ịtooghi phọ, bụpinyon rịkia phọ rꞌariil phọ anyina.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:26

“Ạbukaraph awe otugh ni igbo awe phọ ạmi; bịdi rogon ghan ịdipho awe lọ olerenaan ịnun ịseki, kụ bịdi mọkpami siphil osiphom awe.

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Izikiel 14:5

Oomo ịkaaghineen ạrumugh phọ ịpe mekiton we phọ Ịzirel ọḍua esi ạmi, kụ ọlo esi ọphagharanaan ạmi mị aḍuom ni ologhi oḅulemi ạbidi esi ạdol ọnaghanan ghan ạmi.

Izikiel 47:1

Oye phọ urelhiom ịmi aḅula eḍighom Otu Ịiḅereghi phọ. Ạmuum ạḍua eeḍian eḍighom mọ amite kụ akil rạki ạga emitenom erumuḍio, ạga phọ Otu Ịiḅereghi phọ aphogh bọ. Ạḍua ạga esoorom Otu Ịiḅereghi phọ kụ ạḅeeny ạga esoorom enmeny ẹkia phọ.

Maika 2:8

Ọmoogh-we phọ ạpagharanaan mọ, “Nyina rezuom weye ạmi ịdipho ạmulogh-ḍien. Awe ọḍua ẹgham origheel, oḍuom ologhi mọ bụno mokpetenaan ẹpe ologhi otu, pọ ịsiphe kụ ẹdi nyina edi rekori omi asikoti ạbidi ọsighe rạman ạbidi.

Maika 6:3

Ọmoogh-we phọ ạḅem, “Weye ạmi, mị iḍighi inyina eeghe? Ika kụ ẹdi mị aḍighi dool esi anyina? Ịphagharanaan ịmi.

Zẹkaraya 13:1

Ọmoogh-we Oomo Ịikpo phọ ạḅem mọ, “Mem dị amem mọ kẹteeny bọ, kọkoghoron ni okol ạmuum dị kaselemi ẹemara ẹemara phọ aDevid rꞌawe phọ aJeruselem esi ịkaraph phọ rꞌọoḅereghi aruru phọ ạbidi.

Elegh ạJon 4:10

Kụ ạJizos ạphagharanaan nyọdi mọ, “Mụghumo nạ ulegheri ni inmo dị Ẹnaan rẹngo ghan, ḅịle rꞌoye phọ rạlhom bọ nyịna mụum ọphughol phọ, nạ mụlom ghụn mụum dị kạngo ghuḍum kụ ọdi mụngo nyịna.”

Elegh ạJon 4:11

Kụ ạnir phọ ạḅeni nyọdi mọ, “Oye phọ, aghuḍia phọ ạkel li, kụ nạ ọ́moogh kẹn ịyaar ọkpaam ạmuum mọ. Nạ kạki ẹghen kụ ạmoogh bọ mụum mọ kạngo bọ ghuḍum mọ?

Elegh ạJon 4:14

Kụ oye lọ ạphughol mụphe phọ mị kạngo bọ nyọdi kạ́moogh mun ẹephua ạmuum kꞌagee-pọ. Ạmuum mọ mị kạngo bọ kaḍighi ọonu adir loor oye phọ, kụ akil ghan ạngo ghuḍum kꞌagee-pọ.”

Elegh ạJon 7:37

Ḍigbogh aḍio ẹyaal phọ kemuneen bọ, ạJizos aḅetenu ạmeera kụ ạlooghi mọ, “Ọlo ạmuum rạpu aru ụteeny ịmi ạphughol!

Dutoronomi 31:16

Kụ Ọmoogh-we phọ ạḅeni Mozis mọ, “Rẹteeny dị nạ kạnaani rꞌạburude phọ ạna, kụ awe phọ ạbuen kụwile ịmi oyeela ọdaph rụmugh aruuruen ade phọ ạḍiphe bịdi rọki bọ ọḅophoghan phọ, kụ ughel ịmi kụ ọphue ịyo phọ ạmi ịpe mị rꞌạbidi oghiran bọ,

2 Pita 2:17

Awe phọ ạbuen phọ, ạruunu adir dị mụum ị́moogh, ḅịle rꞌọotu dị oghim rakimom. Ẹnaan meekolobian dọl ọkikiph ufiri eseenaan bịdi.

Ogonanami Phọ 21:6

Kụ ọdi ạḅem mọ, “Moḍighi ni ọman. Mị kụ Ạlfa phọ rꞌOmega phọ, emiighom mọ ḅịle rꞌekureriom mọ. Tọrobo ọlo ạmuum rạpu, mị kaḍu ni mụum sịphe ọonu adir aghuḍum mọ ạngaani oopho.

Ogonanami Phọ 22:1

Ọokpaany phọ ạḅile ni uḍeenaan ịmi ọphiiny ạmuum aghuḍum dị raaloghoḍian ịdipho ạkiristel. Ạmuum mọ akil ghan sịphe ạgada ọdaam mọ Ẹnaan rꞌỌony Oyool-ọga phọ

Ogonanami Phọ 22:17

Uwaloor phọ rꞌỌnyani phọ kopin bọ ọḅem mọ, “Tue!” Ọlo ạnaghan aani, ạḅem aani ghan mọ, “Tue!” Ọlo ạmuum rạpu, aru! Ọlo rạwa, ạphughol mụum aghuḍum mọ oopho!

Bụo Ịiruen 10:13

Kụ nyina ighel ịmi kụ reeseeny ghan ịnon ạrumugh. Kụ iḍighi, kụ mị inyina kị́phel mun.

1 Sạmuel 12:10

Bịdi umoghi ni ọmagh Ọmoogh-we phọ mọ ạloghonaan bụno ḍịghaagh kụ ọḅem ghan mọ, ‘Yoor moḍighi ịkaraph, loor esi dị yoor mọḅitonaan nyịna Ọmoogh-we phọ kụ rọoḅereghi ghan ruru phọ aBaal rꞌAstarte. Nyịidipho ụphel iyoor ạsighe ḍịghaagh bụmulogh-ḍien phọ ayoor, bịn yoor kọoḅereghi ni nyịna.’