Jerimaya 2:11 - Ạḍinya Iigbia

¹¹ Ẹnon eelhe ke̋nme ghan rụmugh ạbidi, ghạlamo ịdipho bịdi íḍighi bọ ni igey ạrumugh. Kụ ọlo awe phọ ạmi mọsighe ịnon ạrumugh uunmenenom ịmi, Ẹnaan phọ ẹpe ẹngo bọ bịdi rughuenian phọ, ọḅile rokumu rụmugh dị ịyaar kétue eḍighinaan bịdi.

Jerimaya 2:11 Iomraidhean Croise

1 Ạbudaam 11:33

Ịyaar phọ eḍighi bọ bịdi mughel ịmi ọḅile rọoḅereghi ghan Astarte ẹya-eru phọ aSaidon rꞌaKemos ẹmugh phọ ạMoab rꞌạMolek ẹmugh phọ Amon, ụ́daph mun reten phọ ạmi kụ rotelhe ghan, ọbile oḍighi ghan ịpe ẹḅeeraan bọ riḍien phọ ạmi rꞌooko ghan ịtooghi phọ ạmi rꞌịiruen phọ ạmi, ịdipho aDevid ọde phọ ọdi.

2 Ạbudaam 1:3

Kụ ọokpaany kꞌỌmoogh-we phọ ạḅeni Ilaija oyil ọlo aTisbe phọ mọ, “Ḅetenu ạghi azuan rụukpaany ọdaam eelhe phọ aSameria apuru bịdi mọ, ‘Loor esi dị Ẹmugh ílho bọ Ịzirel kụ iḍighi bọ dị nyina rẹki bọ opuru ḍipuru kꞌaBaal Zebub ẹmugh phọ Ẹkron?’

2 Krọnikuls 13:9

Nyina iphorogh ni emitiom riil ạrikia Ọmoogh-we phọ, bụo ẹemara kꞌEeron, ḅịle rꞌạbuo aLivai phọ. Kụ riisi phọ ạbidi nyina ẹmaaghi riil ạrikia, ịdipho awe ịnon areelhe oḍighi bọ. Tọrobo oye lọ ạpham ḍilephiri onyugheel ạnam mꞌoḍual idughuna, koselemi nyọdi oḍighi oyil ạrikia ighiil ạrumugh phọ anyina.

Ạsuor 106:20

bịdi oonmenenom eegu phọ Ẹnaan rꞌạnam dị rẹtaal ghan rọogho.

Ạsuor 115:4

Ạranaan ạbidi oḍighinom silva rꞌagol, ạraghaagh oye kụ ịka.

Ạsuor 3:3

Kụ ọlo nạ Ọmoogh-we kụ ọsuaram ạmi esi omuzaan aḍuugh. Nạ kụ ụngo ịmi ọkpar opu kụ aaḅulemi ạkpo ologhi ạmi.

Azaya 37:19

Mọsighe rụmugh phọ ạbidi ọkpooniom nịan — ịdi íḍighi rụmugh rꞌẹnum, ịkaaneen ạraraar ireeny rꞌasighiigh bịn dị awe kụ oḍighinom rạghaagh.

Jerimaya 16:20

Oye katue ni ạlem rụmugh ọdi ḍụghum? Eeye, eḍighi ịyaar lọ ọdi ạlem, pọ kẹ́karaghi éḍighi egey ẹmugh.”

Jerimaya 18:13

Ọmoogh-we phọ rạḅem mọ, “Ipuru tọrotoro eelhe mụghumo ọdo phọ ịphen phọ memite ghan ni. Awe phọ Ịzirel moḍighi iikia!

Jerimaya 2:5

Ọmoogh-we phọ rapuru ghan mọ, “Ạburude ạburude phọ anyina ụmiin eeghe ịkaraph loor ạmi? Eeghe kụ iḍighi kụ bịdi ọḍua bọ esi ạmi? Bịdi ụuḅereghi ghan ruru dị ị́moogh ịyaar oḍighinom bịn bịdi phọ kẹn ụ́moogh mun ịyaar oḍighinom.

Jerimaya 2:8

Ạbupinyon rịkia phọ úpuru mọ, ‘Ọmoogh-we phọ odi ẹghen?’ Ariil ạrikia phọ ạmi ịmi úlegheri. Ạbuo ịtooghi phọ muruphiom ịmi ẹgham; ariil phọ Ẹnaan ọḅile okol ḍien aBaal kụ rọkaaphom ghan ọḅile rọoḅereghi ghan ruru dị ị́moogh ịyaar oḍighinom.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Izikiel 14:5

Oomo ịkaaghineen ạrumugh phọ ịpe mekiton we phọ Ịzirel ọḍua esi ạmi, kụ ọlo esi ọphagharanaan ạmi mị aḍuom ni ologhi oḅulemi ạbidi esi ạdol ọnaghanan ghan ạmi.

Izikiel 5:7

Nyịidipho, ler rụru, Jeruselem, esi ịphen mị Ọkar Ogbogh Ọmoogh-we phọ rạḅem bọ. Esi émeera ọnaghanan iilogh phọ ạmi rꞌẹ́pamaghan ịtooghi phọ ạmi, nạ maḍighi igbogh ịiḅaghami apuemi reelhe phọ ekitonom bọ nyịna. Nạ mạdaph eḍighinom ạraraar ịnon areelhe.

Maika 4:5

Tọrobo eelhe ooseeny ghan kụ ọnaghanan ẹkaaneen emugh phọ ạbidi, kụ yoor kooseeny ghan ọḅile ọnaghanan Ọmoogh-we Ẹnaan phọ ayoor kꞌagee-pọ kꞌagee-pọ.

Bụo aRom 1:23

Kpạripe rꞌooseeny ghan Ẹnaan phọ rémugh ghan bọ, bịdi ọḅile rooseeny ghan rạraar dị ọkaaghi ọghighemi we dị aḍuugh rekori ni, rꞌịnun, rꞌịnam rꞌịpe rekuura bọ.

1 Bụo ạKorint 8:4

Ọḅile nụun ophogh malhe ịsaraghi phọ! Yira olegheri ni mọ ạnmuny aghuḍuul phọ ị́moogh ḍiphooghu. Yira olegheri ni mọ edi bọ eniin phọ Ẹnaan bịn.

Bụo aGaletia 4:8

Mem dị meten nyina Ẹnaan ílegheri ghan. Nyina iḍighi rẹbene aruru, dị nyina egbiom ghan ologhi mọ ạrumugh.

Dutoronomi 32:16

Bịdi ọsighe ịnon ạrumugh oḍighinom ịdi ẹghagh ologhi Ọmoogh-we phọ, ọsighe sịḅaphanya oḍighinom ịdi ẹghagh ologhi ọdi.

Dutoronomi 32:21

Bịdi mọsighe rụmugh phọ ạbidi oḍighinom ịdi repin ologhi ạmi. Bịdi mọsighe oomo oopho ạraraar phọ ạbidi ụngoom ịmi ọghagh ologhi; kụ mị kạsighe we dị ụ́man oghola mọ eelhe aḍighi ịdi kẹkagh iloghi ạbidi; mị kaḍighi ni dị eelhe ạbuo arolologhi kepin ghan iloghi ạbidi.

Dutoronomi 33:29

Ịzirel, ọḅaal ologhi ọlo ạna ni. Ạnhian kụ ạghigh nyịna? Nyina awe dị Ọmoogh-we phọ ạphel. Ọdi kụ ọsuaram mọ ạloghonaan bọ nyịna ḍịghaagh; ọdi kụ elhool ẹgham iphelegbe phọ ạna. Ạbumulogh-ḍien phọ ạna kotumom rꞌịlom ọsar ọwilenaan kụ nạ ạze bịdi.”

1 Pita 1:18

Tọ nyina elegheri ni ịdi ophiemi kụ ịtagharanam bọ inyina sịphe ạdol isa phọ ạburude ạburude phọ anyina ịrolomi bọ inyina. Úḍighinom ịyaar dị kẹḅuura ịdipho asilva rꞌagol.

1 Sạmuel 4:21

Ọdi aghol mọony phọ mọ Ikabod emeera mọ, “Eegu phọ Ẹnaan mẹḍua Ịzirel.” Ịphen phọ ọdi ạtomaam ghan Igbe Ịyo phọ kꞌẸnaan mọsighe bọ rꞌaḍuugh ọde olhom mọ rꞌolhom mọ ọdi.