Jerimaya 19:8 - Ạḍinya Iigbia

⁸ Ịdi mị kaagulemi bọ ẹmha phọ ẹphen tọrotoro oye lọ aten ạmiin kabughaan ghan ni kụ amaghagha.

Jerimaya 19:8 Iomraidhean Croise

1 Ạbudaam 9:8

Kụ Otu phọ ọphon aleeny bọ ịduon, tọrobo oye lọ raten sịen keḍigh ghan ni iikia kụ ạnyaghaan ghan ịpaaph, kụ bịdi ọḅem ghan mọ, ‘Ọmoogh-we phọ ạtu ika kụ aḍighi bọ ịduon de phọ ạḍien rꞌotu phọ ọphon phọ?’

Jerimaya 18:16

Bịdi mọsighe de phọ ạḍien oḍighi ịlo aruugu, ịyaar dị kọḅitonaan kꞌagee-pọ. Keḍigh ni ruugu esi oomo awe lọ roten; bịdi kooḅoghomi ghan ni rụmhu ạbidi omaghagha.

Jerimaya 25:18

AJeruselem rꞌoomo ạramha phọ aJuda, bụdaam mọ rꞌabuḍiemiom mọ ạbidi, ụphughol li pịdi bịdi oten de ophugh, oḍigh ruugu ọmiin ghan, ḅịle kẹn pịdi awe ọsighe ghan ḍien phọ ạbidi oḍighi itonyonaan — ịdipho bịdi roḍighi bọ ni kꞌarodon.

Jerimaya 49:13

Mị rꞌaloor maghunya mọ ẹkpana ẹmha Bozra keten esi dị kebeeph ọmiin, de ịisaar dị awe kotulughi kụ aḍien phọ eḍighi itonyonaan. Oomo ạramha phọ etuman bọ kẹpu ni kꞌagee-pọ. Mị Ọmoogh-we phọ kụ mạḅem.”

Jerimaya 50:13

Loor esi ophin ologhi ạmi rꞌoye kạ́tol Bạbilon; keegulaan ni kụ oomo awe lọ roten kobughaan kụ eḍighi iikia.

Izikiel 27:36

Nạ maten, aten kꞌagee-pọ, kụ abumuul ḍighi oomo aḅirini phọ ọmoogh oghiilaan, oghiilaan mọ kẹtolom aani bịdi iniin phọ ịne.”

Lịvitikos 26:32

Kụ mị apiemi de phọ kụ ạbumulogh-ḍien phọ anyina orugh ghan bọ sịphe ade phọ ookia ghan.

Maika 6:16

Ịphen kemite ni loor esi dị nyina mẹdaph ẹkaraph eḍighinom Ọmri ọdaam mọ rꞌEhab ọony phọ ọdi. Nyina edimom iilogh ạdol ạbidi. Esi ịduon phọ, mị kiphiemi ni inyina, kụ tọrobo oye kighel inyina. Awe tọrobo ekpisi kiphogh inyina ọḅitonaan.”

Zẹfanaya 2:15

Ịpe kụ ịdi kemitenaan ẹmha dị ephoophe loor esi ịikpo dị bịdi ọmoogh kụ ạatughian mọ ịyaar bụno kẹ́ḅogh. Awe ọdi rogbi ghan mọ ẹmha ạbuno kụ ịkar ẹbugh oomo aḅirini phọ. Pọ eeghe esi dị meguul, esi dị ilhom ịnam kụ kẹtol ghan! Tọrobo oye lọ raten kaḍuraan aḅulolom ọman rꞌoghiilaan.

Dutoronomi 28:37

Kụ nyina eḍighi ighiil awe, we dị kodoghom ghan sidogh rꞌawe dị kọgilaam ghan, ẹpe oomo ạramha phọ Ọmoogh-we phọ kirorori bọ inyina ẹsighe ẹki.

Dutoronomi 29:22

“Oghiil ạnmuny phọ anyina, bụphe kọsighe bọ dọl phọ anyina, rꞌoye lọ ạḍua egher ekpisi kụ aru, kọmiin ni roopoph phọ edi bọ sịphe ade phọ rꞌạreezegh phọ ịpe Ọmoogh-we phọ asereghi bọ.