Jerimaya 19:7 - Ạḍinya Iigbia

⁷ Ịsien phọ kụ ẹdi mị kạagughuḍi oomo igbiighi awe phọ aJuda rꞌaJeruselem. Mị kạngo ni ọgel mọ ẹpomoghian phọ ạbidi ọkpar opu bịdi ọḅile ọze bịdi erugh ẹgham. Ịnun rꞌilhom ịnam kụ kẹba ḍizu phọ ạbidi.

Jerimaya 19:7 Iomraidhean Croise

2 Ạbudaam 21:14

Kụ mị akel ịyal-ikpo ạbuphe osugha bọ kụ mị ạḅogh bịdi ạlogh ḍịghaagh ạbumulogh-ḍien phọ ạbidi. Bịdi kọkigh ịdipho ạraraar dị ọpham ẹgham kụ orighelom esi ạbumulogh-ḍien phọ ạbidi.

Asidogh 21:30

Olegheri-ịyaar oye, ọḅaranu ariḍien rꞌọmiin eten — oomo ịne ị́logh ḍịghaagh dị Ọmoogh-we úlhoonaan rꞌạna.

Azaya 29:14

Esi ịduon phọ mị kạdeghom bịdi eḍighieny etum eḍighieny. Bụphe olegheri bọ ịyaar koten rolologhi, kụ oomo olegheri ịyaar phọ ạbidi oopho ni bịn.”

Azaya 8:10

Igbiighi ni kụ ekori anyina! Kụ bịdi kọ́kpar opu. Ịḅa ni ịlo ịḅeeraan inyina! Kụ oomo phọ ịdi oopho ni bịn ị́moogh mạar oḍighinom, ịdi eḍighi bọ Ẹnaan edi rꞌayira.

Jerimaya 15:2

Mem lọ bịdi opuru nyịna ekpisi phọ ẹpe bịdi kọki bọ, ḅẹni bịdi mọ mị mạḅem mọ: “Buniin mọḅogh ọngo mọ omuughu esi ẹzegh — ẹpe kụ esi dị bịdi kọki! Bụnon mọḅogh ọngo mọ omuughu erugh ẹgham — ẹpe kụ esi dị bịdi kọki! Buniin mọḅogh ọngo mọ omuughu esi ọkoony — ẹpe kụ esi dị bịdi kọki! Bụnon mọḅogh ọngo dị kosiphi bịdi odoghoḍi ikoli — ẹpe kụ esi dị bịdi kọki!

Jerimaya 15:9

Onhiin phọ ọpo oḍual ạnmuny phọ ọdi omuughu bọ amuzaan ni ḍuugh, bịn rapooghu úseere-ạsighe. Ootaany ạnir phọ maten ufiri; momuton nyọdi eephoogh ḅịle kẹn ọngo ịiḅaghami ekpom mọ ọdi. Mị kạngo ni ọgel kụ ẹpomoghian phọ anyina ạze oomo ạbuphe osugha bọ ropooghu. Mị, Ọmoogh-we phọ, kụ mạḅem.”

Jerimaya 16:4

Ịkaraph ạreezegh kụ kẹze bịdi, ḅịle kẹn oye kámoghi bịdi mụghumo oḍiighi ạbidi. Aḍizu phọ ạbidi kẹmina yogh ịdipho egu ẹenir sịphe ade phọ. Bịdi komuughu erugh ẹgham mụghumo esi ọkoony, kụ aḍizu ạbidi eḍighi eḍien ịnun rꞌilhom ịnam.

Jerimaya 18:21

Kụ ọlo nyịidipho, Ọmoogh-we, bịle ọkoony ạze nmụny phọ ạbidi; ẹgham ẹze bịdi. Aburulhom mọ rꞌạnmuny phọ omuughu ọwile nmạriir phọ; alephiri phọ omuughu esi ạreezegh ḅịle kẹn ughel ạnmuny phọ omuughu erugh ẹgham.

Jerimaya 21:7

Kụ ọlo ịlo anyina, ạbuo ịtooghi phọ anyina, ḅịle kẹn rꞌawe lọ okpetenaan ẹgham mọ rꞌịgbakuro phọ ḅịle kẹn rꞌẹzegh phọ — mị kameera ni mọ ạNebukadnezar ọdaam mọ ḅịle kẹn rꞌawe ẹpomoghian phọ anyina bụphe rọwa bọ ọze anyina, isiphi inyina ọḍuanam. ẠNebukadnezar kụ kịze inyina. Ọdi kásugheeny rꞌoniin ọnyo anyina mụghumo ọnma ighirigiir ọnyo anyina. Mị, Ọmoogh-we phọ, kụ mạḅem.”

Jerimaya 22:19

Kokughuḍi nyọdi ịdipho ẹnam adool, kụ ọkogh nyọdi otoph omitiom rụnhu-aḍibuo phọ aJeruselem.”

Jerimaya 22:25

ạḅile ạḅogh nyịna ạngo weye dị nạ rakiilaan ni, weye dị rọwa ni nyịna oghiigh. Mị kạḅogh nyịna ạngo Nẹbukadnezar ogbogh ọdaam mọ ạBabilon rꞌawe ẹgham mọ ọdi.

Jerimaya 32:28

Mị kạḅogh ni ẹmha phọ ẹphen ạngo Nẹbukadnezar ogbogh ọdaam mọ ạBabilon rꞌawe ẹgham ọdi; bịdi kọsighe ni

Jerimaya 34:20

Mị kạḅogh bịdi ạngo bụmulogh-ḍien phọ ạbidi, bụphe rọwa bọ ọze ạbidi, kụ ruzu awe ạbidi dị momuughu ịnun rꞌilhom ịnam kụ kẹba.

Jerimaya 46:26

kụ ạḅogh bịdi ạngo bụphe rọwa bọ ọze ạbidi, ạngo Nẹbukadnezar ogbogh ọdaam mọ ạBabilon rꞌạbuo ẹgham ọdi. Kụ rẹsighe mem, awe kọḅile ni ọtol sịphe Ijipt, ịdipho bịdi ọrol ghan bọ mem dị eten. Mị Ọmoogh-we phọ kụ mạḅem.”

Jerimaya 7:33

Aḍizu ạbuphe momuughu bọ keḍighi eḍien ịnun rꞌilhom ịnam, ḅịle kẹn oye kạ́tol ophorogh ạbidi.

Jerimaya 8:2

Kpạripe rꞌookpomoghi oḍi, ịḅarara phọ ạbidi kẹtol ạnyu ade phọ ẹngo ẹnuum de phọ. Kọotarion esi lọ erumuḍio phọ kesoorom rꞌụnwanyu phọ rꞌạraanaan phọ kụ ịdi ịpe awe phọ ạbuen phọ ọphomoghian ghan bọ ọḅile okumu, ọḅile kẹn ọoḅereghi ghan ọḅile ọghi ghan ḍipuru.

Jerimaya 8:8

Nyina kẹḅem bọ ika mọ nyina ẹsu ni iloghi, bịle kẹn mọ nyina elegheri ni iilogh phọ ạmi? Ịmiin, awe areekeleghian monme ẹgeom iilogh phọ.

Jerimaya 8:9

Mosiphe umugholoor weye olegheri-ịyaar phọ anyina; bịdi úlegheri mun esi ọkpaph. Bịdi moghel ikpo ọnhu phọ ạmi; nyịidipho bịdi ọmoogh eeghia ọdo olegheri-ịyaar?

Ịkunuma 3:37

Ịpe Ọmoogh-we phọ ạḅem bọ bịn kụ ịdi roḍighi ghan.

Lịvitikos 26:17

Kụ mị ạgbole risigh ạmi esi anyina kụ ạbumulogh-ḍien phọ anyina ịze inyina, bụphe ịlogh bọ inyina ḍien ọtooghi ghan ịngo inyina, kụ nyina ẹpu bịn ekiil esumughu mem dị oye inyina ríphorogh.

Lịvitikos 26:25

Kụ mị kịlhiom inyina ẹgham esi ọka ịyo phọ yira oghiran bọ. Kụ eru mạar dị nyina eekpomoghan sịphe ạramha phọ anyina ịlo ẹereegh, mị kiruom inyina rẹezegh dị kótue ookonom, kụ ẹkpaariom nyina emeel eḍigh rạghaagh ạbumulogh-ḍien phọ anyina.

Bụo aRom 3:31

Kụ ẹkigh mụdi mọtuan omeeraam mọ bịn kọ́maghami mun ịyaar Ologh phọ aMozis? Tạa, ịlo ayoor ríḍigh. Yoor olhom ni Ologh phọ ọkananaam.

Bụo aRom 4:14

Eḍighi ịyaar dị bụphe rooko ghan bọ Oogh phọ kụ kọmoogh ịpe Ẹnaan eguanaan bọ, omeeraam mọ oye eepua ni bịn, ḅịle oguan phọ Ẹnaan oopho ni.

1 Sạmuel 17:46

Rodon phọ ạḍien Ọmoogh-we phọ kạḅogh ni nyịna ụngo ịmi; mị kạkpar ri apu nyịna kụ mị asoph ẹmhu phọ ạna. Kụ mị kạsighe ruzu awe ẹgham ạbuo aFilistia phọ ạngo ịnun rꞌịnam mọ ạany. Kụ oomo aḅirini phọ ogbi olegheri mọ Ịzirel ọmoogh ni Ẹnaan.