Jerimaya 19:5 - Ạḍinya Iigbia

⁵ ḅịle kẹn bịdi mọkananaan renmeny Baal pịdi bịdi ọsighe ghan nmụny ạbidi oguom nịan ọpinyonom rịkia. Mị ụ́to ịphen phọ ụ́ḅeni bịdi; ítu kẹn roru ologhi ạmi.

Jerimaya 19:5 Iomraidhean Croise

2 Ạbudaam 17:17

Kụ bịdi ọsighe nmụny rꞌạnmanyaan phọ ạbidi oḍighinom yogh rịkia ạnian ọngo ịnon ạrumugh. Bịdi ropuru ghan ḍipuru, rodike ghan idike. Oboola loor phọ ạbidi rꞌoḍighi yogh ghan ịkaraph ghisigh Ọmoogh-we phọ kụ eḍighi ịdi ẹghagh ologhi Ọmoogh-we phọ.

2 Ạbudaam 21:6

Aḍighi kẹn ịdi ọony ọdi arelhe ologhi ạnian aten, aako yogh ghan siḍio, aḍighi yogh ghan ịiḍaany, aḍighan rꞌịkaraph aruwaloor rꞌạruuḅaghama. Ạsipioghom mọ ọdi ịphughan ni risigh Ọmoogh-we phọ, kụ ẹghagh ologhi ọdi.

2 Krọnikuls 28:3

ạsu ghan ịnsens sịphe Eḍiiny aHinom, aḍighinom rịkia nmụny ọdi ạngo ịkaaneen ạrumugh, ạtuughaany eḍighinom ịyaar isa awe phọ Ọmoogh-we phọ maphorogh bọ sịphe ade phọ mem mọ awe phọ Ịzirel rotu bọ.

Jerimaya 32:35

Bịdi mọkaanaan renmeny Baal sịphe Eḍiiny aHinom, oḍighinom ịyaar aghuḍum nmụny rꞌạnmanyaan ạbidi ọngo eru ạMolek. Mị ụ́to ụ́ḅeni mọ oḍighi ịphen, kụ íḍigh kẹn ologhi ạmi mọ bịdi koḍighi ịdi awe aJuda koḍighi ịkaraph dị ẹrol ịduon.”

Izikiel 16:36

Ịphen kụ ịdi Ọmoogh-we dị ạmoogh oomo ịikpo ạḅem: “Nạ ụkarion ạsighe rukpe ạna kụ, ịdipho oliom ẹmha, nạ ụngo loor ạna bụo ipesi ạna ḅịle rꞌoomo ịkaaghineen ạrumugh isa phọ ạna, kụ nạ ạze nmụny ạna ạphinyonom rịkia ạngo ịkaaghineen ạrumugh.

Izikiel 20:26

Mị ameera bịdi ọopu siloor ạbidi rꞌinmo ạbidi, kụ mị ameera bịdi ọphinyonom rịkia ịḅel ạnmuny ạbidi. Ịphen iḍighi ịlo ọlhiom ạbidi rꞌoḍeenaan ạbidi mọ mị kụ Ọmoogh-we phọ.

Izikiel 38:10

Ịphen kụ ịdi Ọmoogh-we dị ạmoogh oomo ịikpo ạḅeni Gog: “Mem dị ẹteeny, nạ kamiigh ọmoogh ịkaraph ịitughian.

Dạniel 2:29

“Mem mọ ọdaam mọ rạnaani bọ, nạ ụmalha ạmiin ịdi kemite ẹpe risigh; kụ Ẹnaan phọ regananami ghan bọ rạraar ịbooghian phọ meḍeenaan nyịna ịdi retu omite.

Lịvitikos 18:21

Kạ́ḅogh rꞌoniin ọbumoony ạna ạngo ọoḅereghi eru phọ ạMolek. Ịpe kẹsighe roofola ẹngo ḍien iigbia Ẹnaan phọ. Mị kụ Ọmoogh-we phọ.

Igbiighi 22:41

Kụ rẹḅaal kụ ạBelak ạpham Bẹlam ạghi asiom aBamot-Baal esi dị ạBelam arue ạrol kụ ạmiin buniin awe phọ Ịzirel.

Dutoronomi 12:31

Íḍighi ghan ịphen phọ egbodo Ọmoogh-we Ẹnaan phọ anyina. Oomo ịpe eḍighi bọ ḅạphanya risigh Ọmoogh-we phọ, ịpe ekia bọ nyọdi, kụ ịdi bịdi roḍighi ghan kọngo rụmugh phọ ạbidi. Nmụny ạbidi rꞌạnmanyaan ạbidi kụ ịdi bịdi rọsighe ghan koguom nịan ọngo rụmugh phọ ạbidi.