Jerimaya 19:4 - Ạḍinya Iigbia

⁴ Mị kaḍighi ni ịphen phọ loor esi dị awe phọ mụḅitonaan ịmi ọḅile ọopu esi phọ ọtol sịen kụ rọpinyon ghan rịkia kọngo ịnon ạrumugh — rụmugh dị bịdi rꞌạburude ạburude ạbidi rꞌạbudaam ẹmha phọ aJuda kőlhegheri ghan. Bịdi momuzeḍiom esi phọ ịsien ịḅaal awe dị ụ́piom,

Jerimaya 19:4 Iomraidhean Croise

2 Ạbudaam 21:16

Bịle kẹn, ạManase ạze ịminighan awe dị ịyaar ụ́piom tụtu ịḅaal phọ ekil oomo phọ areten phọ aJeruselem. Ịkaraph phọ ọdi eḍighi ịdi aJuda oḍighi yogh ịkaraph; oḍighi yogh ịdi ị́nighe risigh Ọmoogh-we phọ.

2 Ạbudaam 23:10

Kụ aJosaya ọdaam mọ ạphueghi Tofet ẹpe Eḍiiny aHinom mọ oye kụ́sighe ghan mun ọony ọdi mꞌọnyani ọdi úpighironom ẹkia ooseenyom ạMolek.

2 Ạbudaam 24:4

rꞌaloor ẹmhu awe phọ ạbuphe mạar ụ́piom bọ kụ dị ạze bọ; ịḅaal awe dị mạar ụ́piom kụ ịdi dị azuughi amuzeḍi ẹpe Jeruselem, kụ Ọmoogh-we phọ nyọdi kạ́bilenaan.

Ạsuor 106:38

Bịdi ọze nmụny phọ ạbuphe úlegheri aani bọ kụ ọphuenom de phọ.

Azaya 59:7

Nyina regbiighi ghan oomo amem oḍighi ịkaraph, kụ ẹkpar ri dị nyina kẹkparam ekori oḍighi phọ. Nyina reegulemi ghan kephiemi mem ọze awe lọ úlegherian ni. Nyina remitiom ghan oogulemi tọrobo ekpisi lọ nyina ẹghi,

Azaya 65:11

“Kụ ọlo, kẹtol li kịro rꞌanyina ạbuphe ụḅitonaan bọ ịmi, bụphe oghel bọ Zạyon, ẹeḅaraph iigbia phọ ạmi, kụ ooseeny Gạd rꞌaMeni, ruru ugho rꞌọda.

Jerimaya 1:16

Mị kạliom ni weye phọ ạmi loor esi dị bịdi moḍighi ịkaraph; bịdi mụḅitonaan ịmi kụ rọpinyon ghan rịkia kọngo ruru, ọḅile ọkaaghi nmụny aghuḍuul kụ rọoḅereghi ghan.

Jerimaya 11:13

Awe phọ aJuda ọmoogh rụmugh dị eḍiza ịdipho igbogh ạramha phọ ạbidi eḍiza bọ, ḅịle kẹn awe phọ aJeruselem mọkanagh renmeny omuzeḍi ịdipho aroḅodo phọ emuza bọ ẹmha phọ, renmeny dị kọpinyon ghan rịkia ọngo ọḅoria phọ aBaal.

Jerimaya 15:6

Nyina mighel ịmi; nyina mịgumom ịmi ọman. Kụ iḍighi kụ mị mạgbuton ḍịghaagh ạmi ọogbighiḍi inyina loor esi dị mị útue mun ụ́pamaghan ọghagh ologhi phọ ạmi.

Jerimaya 16:11

Kụ agbi nụun ọḅeni ạbidi ịpe Ọmoogh-we phọ mạḅem bọ mọ, ‘Ạburude ạburude phọ anyina ụwile ịmi kụ ọoḅereghi ghan ọḅile okumu ịnon ạrumugh. Bịdi ụḅitonaan ịmi ḅịle kẹn ụ́naghanan ịtughemi phọ ạmi.

Jerimaya 17:13

Ọmoogh-we, nạ kụ oḍuom ologhi phọ Ịzirel; kosiphe ni umugholoor oomo awe lọ ọḅitonaan nyịna. Bịdi kope ịdipho asiḍien lọ ọge esi ophugh, loor esi dị bịdi mọḅitonaan nyịna Ọmoogh-we phọ aḍighi bọ okol ạmubo ạmuum.

Jerimaya 17:20

Ḅẹni bụdaam ẹmha phọ ḅịle kẹn rꞌoomo awe phọ aJuda rꞌạtorotoro oye lọ arugh Jeruselem ạḅile rakiton ghan rụnhu-aḍibuo phọ ịphen phọ, mọ olher rụru ọnaghan ịphen mị kạḅem bọ.

Jerimaya 18:15

Kụ iḍighi ika nụun kụ awe phọ ạmi muwula bọ ịmi; bịdi mọsu ịnsens ọngo ruru. Bịdi mokpeteghaan sịphe eten phọ ẹpe bịdi mụki bọ, bịdi rọ́daph mun igbaany areten phọ; bịdi rotelhe ghan reten dị ụ́sam.

Jerimaya 2:13

loor esi dị awe phọ ạmi moḍighi ịyal ọdo ịkaraph: bịdi mụwile ịmi ọḍua, okol ạmuukia ạmuum mọ, kụ bịdi mọghi oguphogh riini, riini dị kétue ẹpam mụum rꞌẹnum rꞌẹnum.

Jerimaya 2:17

Ịzirel, nạ kụ ụwa ni ịphen phọ! Nạ ụwile ịmi ạḍua, Ẹnaan phọ ạna Ọmoogh-we phọ, mem dị mị aḍiemiom ni nyịna rạkiom.

Jerimaya 2:19

Ịkaraph phọ ạna kẹliom ni nyịna, kụ ọwile ạmi phọ nạ ạwile bọ kesoph ni ọoruen ephume nyịna. Nạ kalegheri ni eghiḍim dị ẹdi rꞌịdi eeph ọwile ạmi Ọkar Ogbogh Ọmoogh-we phọ, ḅịle rꞌịduon nạ ịmi ụ́naghanan mun bọ. Mị Ọkar Egbogh Ẹnaan Oomo Ịikpo Ọmoogh-we phọ kụ ụḅem.”

Jerimaya 2:30

Mị ịliom ni inyina, kụ ọlo ạsuo ọ́rol; nyina ímeera mọ mị iilemi inyina. Nyina mẹze riil phọ anyina ịdipho ạnam-dịka dị ịyaar repin ologhi.

Jerimaya 2:34

Ịḅaal arukulom rꞌịḅaal awe dị mạar ụ́piom ẹbiph ni rụsuoma phọ anyina, kị́ḅaal ạruḅa. “Kụ ghạlamo esi oomo phọ ịphen phọ ni,

Jerimaya 22:17

Kụ ọlo nạ rạwa ghan ịpe okuru phọ ạna bịn; oye dị ụ́piom nạ rakiigh ni, ạḅile kẹn ạsighe ẹekpara ekpeḍien rạkpilighiom weye phọ ạna. Ọmoogh-we phọ kụ mạḅem.

Jerimaya 22:3

“Mị Ọmoogh-we phọ ạto ịngo inyina rạḅem ghan mọ iḍighi ghan rạraar lọ eḍighi elhiom ẹḅile eseleman. Ịloghonaan ḍịghaagh oye phọ ọpo roogbegheḍiom bọ ephorogh nyọpo raagbegheḍiom bọ nyọdi. Kẹ́kpilighi ghan mụghumo ọgbiphoghom aruuruen mꞌạbunyigo ạnmuny mụghumo arukpukele ạnmariir; ḅịle kẹn kẹ́ze weye dị mạar ụ́piom sịen esi iigbia phọ ẹphen.

Jerimaya 26:15

Kụ ọlo ilegheri ekuphom owol mọ: eḍighi ịyaar dị nyina ighiigh ịmi, pọ erugh miphum inyina rꞌawe ẹmha phọ ẹphen esi oghiigh oye dị mạar ụ́piom, loor esi dị Ọmoogh-we phọ ni kụ urom ịmi ọghaaph ọphurom anyina rụru.”

Jerimaya 26:23

Kụ bịdi osiph nyọdi oruomonaan Jehoyakim ọdaam mọ, kụ ọdi ạto mọ oghiigh Yuraya ọsighe ḍizu phọ otebeeny sịphe ẹkaraph eḍum ẹmha phọ.)

Jerimaya 44:3

loor esi dị awe phọ ạbidi mọpioghom kụ uḍighi ịmi ịlo ophin ologhi. Bịdi uḍighi ghan rạraar aghuḍum ọngo ịkaanaan ạrumugh kụ okumu ghan ruru dị bịdi rꞌanyina rꞌạburude ạburude ạbidi kꞌekulha kőoseeny ghan.

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Jerimaya 7:6

Kẹ́tuan mọ oye phọ aḍighi ooruen, mꞌọnyigo ọony, mꞌekpukele ạnir bịn ephogh iniin eḍighi ghan bịdi. Kẹ́ze mun weye dị ịyaar ụ́piom sịen ade phọ aḍien. Kẹ́eḅereghi mun ịnon ạrumugh, ịphen phọ kiphiemi ni inyina.

Jerimaya 7:9

Nyina remiighi ghan, kẹze weye, kele ẹmha, keghunya kụ egbi ọgba ọkpe, kẹphinyon rịkia ẹngo Baal, kẹḅile ẹeḅereghi rụmugh dị nyina ke̋lhegheri ghan.

Ịkunuma 4:13

Kụ imite ni loor esi dị ariil ẹmha phọ ụpioghom kụ ariil ạrikia oḍighi ịdi aḍuugh ẹteeny we dị ịyaar ụ́piom.

Izikiel 20:26

Mị ameera bịdi ọopu siloor ạbidi rꞌinmo ạbidi, kụ mị ameera bịdi ọphinyonom rịkia ịḅel ạnmuny ạbidi. Ịphen iḍighi ịlo ọlhiom ạbidi rꞌoḍeenaan ạbidi mọ mị kụ Ọmoogh-we phọ.

Izikiel 7:22

Mị kákikima mem dị rọgilaam Otu Ịiḅereghi phọ mị ạphomoghian bọ, mem dị ạruḅa ọka oḍigh kụ rọopu.

Izikiel 8:11

Oḍualdi abuḍiemiom Ịzirel ụrol li sịphe, ọḅaram Jaazanaya ọony aSafan. Tọrobo ọnyo ạbidi ạpham ịyaar ọsuom ịnsens kụ ạmughi ramite ghan sịphe ịnsens phọ.

Dạniel 11:31

Buniin awe ẹgham ọdi kọopu Otu Ịiḅereghi phọ. Bịdi kosophe ni rạraar aghuḍum aḍio ḍio phọ kụ oseere Ḅạphanya Amuphe ọmeremi esi.

Elegh aLuk 11:50

Ịduon kụ iḍighi kụ kọsighe ghẹlhe ọzeeghi oomo ariil phọ kꞌẹḅel egbiom aḅirini phọ ọḅam rụmhu aweye oghiil phọ ọphon,

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 28:20

“Ọmoogh-we phọ katom ni itulughian rꞌọwalawala rꞌọgbaragbara etu isoroghuom inyina sịphe oomo arukumuan phọ anyina, tụtu nyina eegulaan epe egina amem, loor ạsipioghom mọ anyina, ịdi eḍighi bọ nyina mighel ịmi.

Dutoronomi 28:36

“Ọmoogh-we phọ kịsighe ni inyina rꞌọdaam mọ ọpo nyina ẹdaami bọ sịphe ẹmha phọ anyina ạsighe ạki ẹmha dị nyina rꞌạburude phọ anyina úlegheri; kụ nyina ẹtol ẹpe kụ ẹeḅereghi ghan, eeseeny ghan rụmugh dị ọsighe ireeny rꞌạrana kụ ọkaam.

Dutoronomi 28:64

“Ọmoogh-we phọ kịwalami ni inyina aleenye oomo arikpisi, emiigh kꞌeekuna aḅirini phọ ẹphen ẹghi esiemi nyẹeri phọ eekuna phọ; kụ nyina ẹtol ẹpe phọ kụ ẹeḅereghi ghan ịnon ạrumugh ireeny rꞌạrana, dị nyina rꞌạburude phọ anyina úlegheri.

Ogonanami Phọ 16:6

Bịdi uzu ni ịḅaal awe rꞌariil phọ Ẹnaan kụ nạ mạngo bọ bịdi ịḅaal ọphughol phọ. Ịphen phọ ‘ạkasian-rạgbaanyan.’”

Bụo Ịiruen 5:8

Bịdi ọsaḅar imoom ạrumugh, kụ ẹgham ẹrol sịphe eḍighom ẹmha phọ ạbidi. Kụ ịsuaram rꞌịsoph kụ ịdi ọmiin ogbo inyadi ọonir awe phọ Ịzirel ḍụghum?