Jerimaya 19:3 - Ạḍinya Iigbia

³ Ọmoogh-we phọ ụḅeni ịmi ọghaaph, “Nyina ạbudaam-ẹmha phọ aJuda rꞌawe phọ aJeruselem, iler rụru ẹnaghan ịphen mị Ọmoogh-we Egbogh Ẹnaan phọ Ịzirel ạmoogh bọ ọghaaph phọ. Mị kạsighe ni igbogh ịiḅaghami atu esi phọ ịsien dị tọrotoro oye lọ ạnaghan kakperenom ghan ni.

Jerimaya 19:3 Iomraidhean Croise

Ạsuor 102:15

Areelhe phọ kekiilaan ni Ọmoogh-we phọ; oomo ạbudaam ịsien ade phọ kokiilaan ni ịikpo phọ ọdi.

Ạsuor 110:5

Ọmoogh-we phọ odi ḍịghaagh elhiom ạna; mem dị ịyaar ephin ologhi ọdi, ọdi kạkpar ri apu rạalha.

Ạsuor 2:10

Ịmaar ẹnaghanan, nyina ạbudaam-ẹmha phọ. Iler rụru oroma phọ ọphon, nyina ạbuo ịtooghi ịsien aḅirini phọ:

Azaya 28:19

Kabugh ghan bịn ạḅile abugh, ạḍiroor etum ḍịroor. Nyina kẹkparam ghan ḍughul rꞌootaany. Tọrobo aḍimoom adom dị ẹḍua kꞌẸnaan kẹpam ghan emoom ịyaar oghiilaan!

Jerimaya 13:18

Ọmoogh-we phọ ụḅeni ịmi mọ, “Ḅẹni ọdaam-ẹmha phọ rꞌonhiin phọ ọdi mọ ọḍua sịphe ạsidol igbogh phọ ạbidi osoor, loor esi dị ịma aroghoony ọdaam-ẹmha phọ ạbidi mezunyonu sịphe ạrumhu phọ ạbidi emeleghu.

Jerimaya 17:20

Ḅẹni bụdaam ẹmha phọ ḅịle kẹn rꞌoomo awe phọ aJuda rꞌạtorotoro oye lọ arugh Jeruselem ạḅile rakiton ghan rụnhu-aḍibuo phọ ịphen phọ, mọ olher rụru ọnaghan ịphen mị kạḅem bọ.

Jerimaya 18:11

Kụ iḍighi kụ ḅẹni weye phọ aJuda rꞌaJeruselem mọ mị ragbiighi ni ạḅile raakolobian ọliom ạbidi. Ḅẹni bịdi mọ ọwile ọrol ạdol ịkaraph — mọ bịdi onme reten phọ rꞌeḍighinom ạraraar phọ ạbidi.

Jerimaya 19:15

mọ Ọmoogh-we Egbogh Ẹnaan phọ Ịzirel mạḅem mọ, “Mị kạsighe ni atu sịen ẹmha phọ ẹphen rꞌạtorotoro ẹmha lọ etuman sịen phọ oomo ịminimiin phọ mị ạḅem bọ mọ mị kạsighe atu phọ, loor esi dị nyina ẹḅaar ẹmhu ḅịle kẹn ị́naghanan ịlo mị ạḅem.”

Jerimaya 25:29

Mị kamiighom oḍighi oogulemi phọ sịen ọkar ẹmha phọ ạmi, Jeruselem. Bịdi rogbiom ghan mọ bụno kokpetenaan ni ḍụghum? Eeye, kọliom ni bịdi, loor esi dị mị kạsighe ẹgham kụ atuomonaan oomo awe ade phọ. Mị, Ọmoogh-we Ẹnaan Oomo Ịikpo phọ, kụ mạḅem.

Jerimaya 35:17

Kụ nyịidipho mị Ọmoogh-we Egbogh Ẹnaan phọ Ịzirel kiruomaan inyina awe phọ aJuda rꞌaJeruselem oomo oogulemi phọ mị aguanaan bọ. Mị kaḍighi ni ịphen phọ loor esi dị nyina rẹ́naghanan ghan mem lọ mị ạḅem, kụ ẹḅile rémegheron ghan mem lọ mị ịmagh inyina.”

Jerimaya 44:3

loor esi dị awe phọ ạbidi mọpioghom kụ uḍighi ịmi ịlo ophin ologhi. Bịdi uḍighi ghan rạraar aghuḍum ọngo ịkaanaan ạrumugh kụ okumu ghan ruru dị bịdi rꞌanyina rꞌạburude ạburude ạbidi kꞌekulha kőoseeny ghan.

Jerimaya 6:19

Nạ ade phọ, nạghan! Esi ọliom ạbidi loor oomo phọ ịphen bịdi roḍighi bọ, mị kaagulemi bịdi, loor esi dị bịdi moghel ịtughemi phọ ạmi ḅịle kẹn ikpo ọnhu phọ ạmi bịdi ụ́naghanan.

Izikiel 7:5

Ịphen kụ ịdi Ọmoogh-we dị ạmoogh oomo ịikpo ạḅem ghan mọ, “Amuniin amuphe atum mụnon riruanaan inyina.

Matiu 10:18

Kịsighe ni inyina ọki esi ạbudaam eelhe rꞌaruwo ẹmha ịlo ạsiagba loor ẹmhu phọ ạmi, ịlo ọghaaph ooḅi ọghaaph phọ ọḅeni ạbidi rꞌaruuruen phọ.

Ogonanami Phọ 2:29

“‘Oye lọ ạmoogh rụru ạnaghanan ịpe Uwaloor phọ rạḅeni bọ sịosi ẹmha kịrokiro phọ!’”

1 Sạmuel 3:11

Kụ Ọmoogh-we phọ ạḅeni nyọdi mọ, “Aḍio edi ni dị ịyaar dị mị kaḍighi bọ weye phọ Ịzirel kebeeph ni iboom dị aḅeri lọ ạnaghan kapula ni.