Jerimaya 19:2 - Ạḍinya Iigbia

² ḅịle kẹn mọ kiton sịphe oghol bọ mọ Ọnhu-aḍibuo Ipoḍi Aroko phọ ạghi asi Eḍiiny aHinom. Ẹpe kụ esi dị mị kagbeelom dom mọ ọdi kụngo bọ ịmi.

Jerimaya 19:2 Iomraidhean Croise

2 Ạbudaam 23:10

Kụ aJosaya ọdaam mọ ạphueghi Tofet ẹpe Eḍiiny aHinom mọ oye kụ́sighe ghan mun ọony ọdi mꞌọnyani ọdi úpighironom ẹkia ooseenyom ạMolek.

2 Krọnikuls 28:3

ạsu ghan ịnsens sịphe Eḍiiny aHinom, aḍighinom rịkia nmụny ọdi ạngo ịkaaneen ạrumugh, ạtuughaany eḍighinom ịyaar isa awe phọ Ọmoogh-we phọ maphorogh bọ sịphe ade phọ mem mọ awe phọ Ịzirel rotu bọ.

2 Krọnikuls 33:6

Ọdi ạsighe nmụny ọdi ạphighironom ẹkia oguom ạnian sịphe Eḍiiny aHinom. Ọdi ạmaar idike rꞌịiḍaany, ạghi ghan sipuru kꞌariil ịmiin rꞌọḅaanaan aruwaloor. Ọdi ạpioghom ni iboom kụ ẹghagh ologhi Ọmoogh-we phọ.

Nehemaya 3:29

ẠZedok ọony phọ Imer kụ ạlogh ẹkpigh phọ etum bọ pạ, dị etuman ghisigh otu ọdi. ASemaya ọony phọ aSekanaya ọpo rakori ghan bọ Ọnhu-aḍibuo Emitenom mọ kụ ạlogh ẹkpigh phọ etum bọ pạ.

Jerimaya 1:7

Kụ Ọmoogh-we phọ ụḅeni ni ịmi mọ, “Kạ́ḅem mọ nạ aḍighi ọbumoony ạpughan. Kịa ghụn ạteeny weye phọ mị rarom bọ nyịna, ạḅile ạḅeni bịdi tọrotoro ịyaar lọ mị ạto ạḅeni nyịna.

Jerimaya 11:6

Kụ Ọmoogh-we phọ agbi ọḅeni ạmi mọ, “Kịa ẹpe igbogh ạramha phọ aJuda rꞌẹpe aroḅodo phọ aJeruselem. Gbeelom dom mọ ạmi ẹpe phọ ạḅile ạḅeni weye phọ mọ ọnaghan iilogh ịyo phọ ọḅile ọdaphan.

Jerimaya 18:2

“Kịa ẹpe otu ọlemom aroko phọ; ẹpe kụ ẹdi mị karom nyịna dom mọ ạmi.”

Jerimaya 26:2

bịn Ọmoogh-we phọ ụḅeni ịmi mọ, “Mẹera sịphe ogiga Otu Ịiḅereghi phọ kụ agbeelom oomo ịpe mị ạto bọ ạḅeni nyịna mọ ḅẹni weye phọ ạbuphe ọḍua bọ rạmha phọ aJuda kụ oru ọoḅereghi ịsien phọ. Kámuton rꞌeniin ịyaar.

Jerimaya 3:12

Ọdi ụḅeni ịmi ọghi ọḅeni Ịzirel mọ, “Ịzirel ghạlamo ịduon nyina ologhi réḍuom ghan bọ ni, tigheel esi ạmi. Mị aḍighi oye ọnma ighirigiir ḅịle kẹn mị kạ́kagh mun ologhi; mị nyịna kạ́kagham ologhi kꞌagee-pọ.

Jerimaya 32:35

Bịdi mọkaanaan renmeny Baal sịphe Eḍiiny aHinom, oḍighinom ịyaar aghuḍum nmụny rꞌạnmanyaan ạbidi ọngo eru ạMolek. Mị ụ́to ụ́ḅeni mọ oḍighi ịphen, kụ íḍigh kẹn ologhi ạmi mọ bịdi koḍighi ịdi awe aJuda koḍighi ịkaraph dị ẹrol ịduon.”

Jona 3:2

Kụ ạḅem mọ, “Kịa Nineve ẹpe egbogh ẹmha phọ, kụ ạghaaph alheenye dom mọ mị arom bọ nyịna.”

Matiu 10:27

Ịlo mị ịḅeni inyina esi ufiri, ịḅile ni ẹghaaph esi ẹphalaḅaal. Ịlo nyina ẹnaghan esi ịbooghian, ịtuugh ni ẹghaaph esi ogbo.

Iiḍighi 20:27

Mị ụ́booghi ogbononomi oomo arigbiom mọ Ẹnaan ọḅeni anyina.

Iiḍighi 5:20

“Ịki ẹmeera pạ Otu Ịiḅereghi phọ, ẹghaaph oomo ịlo akumoom aghuḍum mọ ạkuen ẹḅeni weye!”

Josua 15:8

Ọku ade phọ ạḍua ạki asi ẹpe Eḍiiny Bẹn aHinom, ẹḍua ẹghi ạga esoorom mọ ẹkuan Jeruselem ẹmha aJebusait phọ. Ọku phọ ạḍua ạki ạsiiny eegbolom mọ ẹpe edi bọ ạga emeelom erumuḍio Eḍiiny aHinom, eekuna ạga ephunom Eḍiiny aRefaim.