Jerimaya 17:4 - Ạḍinya Iigbia

⁴ Kịkpianaan inyina ọwile ade phọ mị ịngo bọ inyina, ḅịle kẹn mị kaḍighi ịdi nyina kekumu ẹpomoghian phọ anyina rikpisi dị nyina ílegheri, loor esi dị ọghagh ologhi phọ ạmi ạkigh nịan dị kẹgber kꞌagee-pọ.”

Jerimaya 17:4 Iomraidhean Croise

1 Ạbudaam 9:7

pọ mị kamutonaan Ịzirel sịphe ade phọ ạḍiphe mị ạngo bọ bịdi rꞌOtu phọ ọphon mị mạsaḅar bọ aseere dọl iigbia ạngo ḍien phọ ạmi; mị kạḅitonaan ni bịdi kụ Ịzirel aḍighi ḍidogh rꞌịgilaam esi oomo awe.

2 Ạbudaam 25:21

Kụ ọdaam mọ ạgurogh bịdi ạze ẹpe Ribla ẹpe ade phọ ạHamat. Ịdipho kụ ịdi osiphi bọ weye aJuda ọpham ọḍuanam sịphe ade phọ ạbidi osiom eeruen ekpisi.

Nehemaya 9:28

Mem dị ẹepho mẹrol, kụ bịdi ọḅile oḍighi ịkaraph, kụ nạ ạḅile ạngo ọgel mọ ạbumulogh-ḍien ọkpar opu bịdi. Kụ mem dị bịdi okiton kụ ọlom nyịna ọphel ạbidi, kꞌẹpe kꞌạke nạ ụnaghan ni, kụ amem etum mem nạ ụtagharan ni bịdi esi oboom ọnma ighirigiir phọ ạna.

Azaya 14:3

Ọmoogh-we phọ kạngo we phọ Ịzirel ọlogh ạḍighaagh ọḍua esi ḍiphin rꞌịminimiin ạbidi rꞌesi ọokpara oḍighi ẹ́miin eelhe phọ ạbidi ọkpaariom bọ bịdi oḍighi.

Azaya 30:33

Mem dị meten ebia, uukolobian ni ekpisi dị aḍiboom ạnian kele ọdaam eelhe phọ Asiria. Esi phọ ẹkel kụ ẹtegh, kụ okpol egu ịpe ḍi aḍiphooghu Ọmoogh-we phọ kẹkpooniom nịan.

Azaya 5:25

Ọmoogh-we phọ rạkagham ologhi we phọ ọdi kụ mạgbuton ḍịghaagh ọdi ọlhiom ạbidi. Aruugum mọ kepiigha ni, kụ bụphe momuughu bọ kọbile ni sịphe areten phọ ịdipho atopha. Ghạlamo ịduon ni bịn ọghagh ologhi Ọmoogh-we phọ kákunughian, kụ ọdi kạḅile ni asele ḍịghaagh ịlo ọlhiom.

Azaya 50:11

Oomo anyina phọ emite bọ ẹkaraph ezue ophiemi ạbunon phọ, ezue phọ anyina kụ kiphiemi ni inyina. Ọmoogh-we phọ rꞌaloor kaḍighi ni ịphen phọ amitiom; nyina kẹmiinom ni ḍighiil ạdol.

Azaya 66:24

“Mem dị bịdi rọḍua, kọmiin ni we dị momuughu loor ọḅaar ẹmhu esi ạmi. Ạsileegbem lọ ạa bịdi kémugh, kụ ạnian phọ reemorom bọ bịdi kótue óḍime. Ọmiin ịphen phọ keḍighi ịyaar ạḅaphanya esi oomo awe aḅirini phọ.”

Jerimaya 12:7

Ọmoogh-we phọ rạḅem mọ, “Mị mạḅitonaan Ịzirel; mị maghel eelhe phọ mị ạsaḅar bọ. Mị mạḅogh weye phọ mị ạphomoghian bọ ạlogh ḍịghaagh ẹpomoghian phọ ạbidi.

Jerimaya 15:14

Mị kaḍighi ịdi bịdi kokumu ẹpomoghian phọ ạbidi eeruen ekpisi, loor esi dị ạghelhe phọ ạmi ạkigh nịan, dị keemor kꞌagee-pọ.”

Jerimaya 16:13

Kụ iḍighi kụ mị kiroph inyina ạsighe sịen ade phọ ạḍien phọ ạkiom ekpisi dị nyina rꞌạburude ạburude anyina kólhegheri ghan. Kụ ẹpe phọ kụ ẹdi nyina kekumu ịnon ạrumugh ḍughul rꞌootaany, kụ mị inyina ighirigiir kạ́nma.’”

Jerimaya 18:23

Kụ ọlo, Ọmoogh-we, nạ alegheri ni oomo ịkaraph aruuzue phọ bịdi umitenom bọ ịmi okori oghiigh ạmi. Kạ́sar mun ịkaraph phọ ạbidi ạbilenaan bịdi. Sịghe ọghagh ologhi kụ anyuom bịdi alher.”

Jerimaya 2:14

“Ịzirel kẹ́bene; Ụ́maram nyọdi dọl ạrebene. Kụ eeghe kụ iḍighi bọ kụ ạbumulogh-ḍien phọ ọdi ọtomoghi bọ nyọdi?

Jerimaya 22:28

Kụ mị ạḅem mọ, “AJehoyasin ọdaam mọ mạghigh ịdipho izoki dị meḅomaan kụ oroph bịn kụ oye ụ́wa mun? Ẹpe kụ ịyaar phọ ọtu bọ ọsighe nyọdi rꞌạnmuny phọ ọdi ọghi oseere dọl iiruen ẹpe eelhe dị bịdi úlegheri?”

Jerimaya 5:19

Mem lọ bịdi opuru ịpe eḍighi bọ kụ mị aḍighi bọ oomo ạraraar phọ ịphen phọ, Jerimaya, ḅẹni bịdi mọ ịdipho bịdi ụwile bọ ịmi kụ okumu iiruen ạrumugh sịen ẹmha phọ ạbidi, ịdipho kẹn kụ ịdi bịdi kokumu ruuruen ẹpe eelhe dị ítu nyẹen ạbidi.”

Jerimaya 5:29

“Kụ ọlo mị Ọmoogh-we phọ kạtuan ni rạraar phọ ịphen phọ ạliom bịdi; mị kaḅulemian ni eelhe phọ ẹphen phọ.

Jerimaya 7:20

Kụ iḍighi kụ mị Ọkar Ogbogh Ọmoogh-we phọ kaakuom ni ogbogh ọghagh ologhi phọ ạmi Otu Ịiḅereghi phọ ọphon. Mị kaakuom ni weye phọ rꞌịnam mọ iniin phọ, ghạlamo kẹn ireeny phọ rꞌịizupha phọ. Ọghagh ologhi phọ ạmi kạkigh ịdipho ạnian dị oye kátue aḍime.

Ịkunuma 1:12

“Uphogh ịmi!” ọdi amoghiom tọrobo ọlo raten. “Rꞌoye kőlhoghoma ghan eephina dị ẹrol ịduon ẹphen ạmi, eephina dị Ọmoogh-we phọ kụ uruom ịmi mem dị ophin ologhi kụ ạrol esi ọdi.

Ịkunuma 5:2

Aruphua ayoor edi rạghaagh aruuruen; bụo ịnon areelhe kụ morughogh ruutu phọ ayoor.

Izikiel 21:31

Nyina keloghoma ọghagh ologhi ạmi mem dị mị ạkatan nyọdi esi anyina ịdipho ạnian dị reemor. Kụ mị kịḅogh inyina ạlogh rạghaagh awe ẹkaraph ẹzo, rephelegbe esi ophiemi.

Izikiel 7:24

Mị kạsighe ọkaraghi ịkaraph areelhe atu sịen pịdi bịdi kụ ọmoogh simarugh phọ anyina. Arephelegbe awe anyina kodugh ni esi oḍuom ologhi mem dị mị ạngo ọgel ịpheri phọ areelhe phọ oru ọopu ariisi phọ ịpe nyina reeseeny ghan bọ.

Dutoronomi 28:25

“Ọmoogh-we phọ kaḍighi ni ịdi ạbumulogh-ḍien phọ anyina kọkpar ipu inyina. Nyina kekiton eniin eten kụ ẹki ozuom ạbidi, kụ nyina kesumughian oḍual areten kụ ẹḍuaghu, kụ imutonaan inyina sịphe oomo areelhe ịsien aḅirini phọ.