Jerimaya 17:3 - Ạḍinya Iigbia

³ ḅịle kẹn rꞌạnyu aruugum ẹpe ẹdala ade phọ. Mị kaḍighi ịdi ẹpomoghian phọ anyina kọsighiogh ọḍuanam ẹelha phọ rꞌaruphua phọ anyina loor esi oomo ịkaraph phọ nyina meḍighi bọ sịen oomo phọ ade phọ anyina.

Jerimaya 17:3 Iomraidhean Croise

2 Ạbudaam 24:13

Kụ ạNebukadnezar ạghi aakoroghi oomo aruphua phọ ẹrol bọ sịphe Otu Ịiḅereghi phọ rꞌịsiphe otu ọdaam mọ ạsighiogh. Ịdipho Ọmoogh-we phọ ạghaaph bọ, ọdi ạkiriph oomo ạraraar phọ oḍighinom bọ gol ịpe Sọlomon Ọdaam mọ Ịzirel aḍighi bọ aseere sịphe Otu Ịiḅereghi phọ.

Ạsuor 78:58

Bịdi uḍighi ghan nyọdi ịlo ophin ologhi rꞌariisi ịiḅereghi ịkaaneen ạraraar ạbidi; ạnmuny asighuḍuul phọ ạbidi kụ ịkar kẹn ephin ologhi ọdi iboom.

Azaya 27:9

Kụ kọsar ọbilenaan ịkaraph phọ Ịzirel bịn mem dị mọgbe iiḅoghoḍi asighiigh arenmeny aruru ạbidi ịdipho ameleph, kụ mem dị arenmeny ịnsens rꞌelegh igbudu um-ạke Asera ílho mun.

Jerimaya 12:12

Awe ẹgham mọghi eten ẹdala phọ rẹḅeeny bọ roogbolom mọ kụ role uruur rạraar ade phọ. Mị marom mọ ẹgham ẹghi eegulemi de phọ; oye ólho dị kạtolom rꞌẹepho.

Jerimaya 15:13

Ọmoogh-we phọ ụḅeni ịmi mọ, “Mị katom ẹpomoghian mọ oru orool ẹelha phọ rꞌaruphua awe phọ ạmi ọḍuanam pịdi ọliom bịdi esi ịkaraph phọ bịdi moḍighi yogh bọ sịen ade phọ.

Jerimaya 20:5

Mị kạngo kẹn ni ọgel mọ ẹpomoghian phọ ạbidi aru awum oomo ẹelha ẹmha phọ ẹphen, ạḅile ạsighiogh ruphua phọ ạbidi, ghạlamo rꞌikpoki ọdaam-ẹmha phọ aJuda, ọḅile otool oomo ạraraar phọ okeelom Bạbilonia.

Jerimaya 21:13

Nyina awe aJeruselem ẹtologhu ude riisi dị ephoph epu riḍiiny phọ, ịdipho aḍighiigh dị ephoph epeleghiom de phọ. Kụ ọlo mị kiruphiom ni inyina ẹgham. Nyina ịḅem mọ oye kátue ạbaay aḍigh izuom inyina.

Jerimaya 26:18

“Mem mọ ọpo ạHezekaya kụ ạda bọ Juda, aMaika oyil phọ ọpo aMoreset ạḅeni ni oomo phọ awe phọ mọ Ẹnaan Ọmoogh-we Oomo Ịikpo phọ mạḅem mọ, “‘Koḅeph eḍien Zạyon ịdipho ozo, aJeruselem kaḍighi egu ạraraar lọ moogulemi, Ḅịle kẹn eegbolom Otu Ịiḅereghi phọ keten ẹekpua.’

Ịkunuma 1:10

Ạbumulogh-ḍien odi omiighi oomo aruphua ọdi. Ọdi ạmiin dị bịdi oḍigh ọkar Otu Ịiḅereghi phọ, esi phọ Ọmoogh-we phọ mạḅem bọ mọ aruuruen kụ́ki ghan phọ.

Izikiel 16:39

Mị kạlogh nyịna esi ịikpo phọ ạbidi, kụ bịdi olereghi riisi phọ ịpe nạ rạtol ghan bọ kale ẹmha ạḅile aaseeny ịkaaghineen ạrumugh phọ. Bịdi kọsighiogh ni rukpe phọ rꞌịkuta phọ ạna kụ ọwile nyịna ẹdaḅa.

Izikiel 23:46

Ịphen kụ ịdi Ọmoogh-we dị ạmoogh oomo ịikpo ạḅem: “Sịghe aru ḍita awe dị úsereghian ịlo ookperemi ạbidi rꞌomi ạbidi.

Izikiel 6:3

Ḅẹni rạaḅaraph phọ Ịzirel mọ ọnaghan ikpo ọnhu phọ Ọmoogh-we phọ — ọnaghan ịpe mị Ọmoogh-we dị ạmoogh oomo ịikpo rạḅeni bọ rạaḅaraph rꞌaroogbolom rꞌasikol rꞌariḍiiny phọ: mị katom elhool ẹgham ọghi ophiemi ariisi phọ ịpe awe rooseeny ghan bọ ịkaaghineen ạrumugh phọ.

Lịvitikos 26:30

Kụ mị apiemi riisi phọ ịpe nyina eeseeny ghan bọ ruru kụ mị aagbo renmeny ạrikia phọ anyina, kụ mị ạsighe iḍim anyina ạḅamaghiom ạnyu iguuleeny ịkaaghineen ạrumugh phọ anyina; kụ uwaloor ạmi ịḅitonaan inyina.

Maika 3:12

Esi ịduon phọ, loor ẹmhu phọ anyina, Zạyon koḅeph ịdipho ozo, Jeruselem keten egu asighiigh kụ eegbolom Otu Ịiḅereghi phọ keten ẹekpua.

Zẹfanaya 1:13

Ẹelha ạbidi kobum ni ọsighiogh kụ ruutu ạbidi kolereghi ni. Bịdi kọ́tol iloghi aruutu phọ bịdi rodoghoḍi bọ ḅịle kọ́pughol miim mọ ạḍua bọ sịphe ireeny avain phọ bịdi rọzuphogh bọ.”