Jerimaya 17:2 - Ạḍinya Iigbia

² Awe phọ anyina rọoḅereghi ghan sịphe arenmeny phọ rꞌigbudu um-ạke Asera ọgbal ạtorotoro oreeny, rꞌạnyu ạraaḅaraph,

Jerimaya 17:2 Iomraidhean Croise

2 Krọnikuls 24:18

Bịn awe phọ osophe ooseeny ghan ịsiphe Otu Ịiḅereghi Ọmoogh-we Ẹnaan ạburude ạburude phọ ạbidi, ọḅile kụ ooseeny ghan ịkaaneen ạrumugh rꞌigbudu um-ạke Asera. Apum ạbidi esi ịkaraph phọ ịphen kụ ịsighe ophin-ologhi Ọmoogh-we phọ eruomaan Juda rꞌaJeruselem.

2 Krọnikuls 33:19

Ịiḅereghi ọdaam mọ rꞌọphagharanaan Ẹnaan phọ rꞌoomo ịkaraph phọ ọdi aḍighi yogh bọ kụ ọdi agbi bọ — ạsipioghom mọ ọdi, ariisi ịiḅereghi aruru, rꞌigbudu um-ạke Asera phọ dị ạḅologh bọ, rꞌịkaaneen ạrumugh phọ ọdi aaseeny ghan bọ — oomo phọ ịne ọge ni loor ạḍinya ạraghaaph ariil phọ.

2 Krọnikuls 33:3

Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ. Ọdi aḍighinaan renmeny ooseeny ghan aBaal, ạḅologh igbudu um-ạke Asera, kụ aaseeny rạanaan phọ.

Ạsuor 78:58

Bịdi uḍighi ghan nyọdi ịlo ophin ologhi rꞌariisi ịiḅereghi ịkaaneen ạraraar ạbidi; ạnmuny asighuḍuul phọ ạbidi kụ ịkar kẹn ephin ologhi ọdi iboom.

Ẹḍua 34:13

Lereghi renmeny ạrikia phọ ạbidi, aḅomoghi ịkaaghineen ạrumugh phọ ạbidi, kạ́meremi ghan igbudu Asera, um-ạke phọ ạbidi.

Azaya 1:29

Nyina kekururu ni mọ nyina meeseeny ghan ireeny ạḍiogh ẹḅile eghoonyogh ịizupha iigbia.

Azaya 17:8

Bịdi kóseere mun ologhi esi arenmeny phọ bịdi ọkanagh bọ rꞌạraghaagh ạbidi, rꞌesi igbudu Asera um-ạke, ḅịle rꞌesi arenmeny ọsuughi ịnsens.

Jerimaya 2:20

Ọkar Ogbogh Ọmoogh-we phọ ạḅem mọ, “Ịzirel, mebia ni nạ aghel bọ ịtooghi phọ ạmi; Nạ ómeera mun ụnaghanan ịmi ọḅile ụuḅereghi ịmi. Ạnyu ạtorotoro ẹeḅaraph rꞌeeḍian ạtorotoro oreeny, nạ rạaḅereghi ghan rụmugh ẹmaria.

Jerimaya 3:23

Yoor ụ́moogh rꞌẹnum ẹloghonaan esi ịiḅereghi aruru ạnyu ạraaḅaraph phọ. Ọloghonaan ạḍighaagh Ịzirel ạḍua ḍịghaagh Ẹnaan phọ ayoor Ọmoogh-we phọ bịn kụ atu.

Jerimaya 3:6

Mem mọ ọpo aJosaya kụ aḍighi bọ ọdaam mọ, kụ Ọmoogh-we phọ ụḅeni ịmi mọ, “Nạ ạmiin ni ịpe Ịzirel, ọkaraph ạnir phọ, maḍighi bọ? Ọdi mạḍua ḍịghaagh ạmi, kụ ạki ạnyu ạtorotoro ẹeḅaraph ḅịle rꞌạtorotoro eeḍian oreeny lọ ạrinya phọ ewil bịn ạki dọl olhe-ẹmha.

Jerimaya 7:18

Ịbam ạnmuny phọ rọso ghan ịpe, kụ alephiri phọ ọkpooni nịan kụ ạnmariir phọ okirion ịbiakpa dị ọgbe kụ ọgbaghaḍi rooḅoghoḍi ịyaar olhe kụ ọngo eru phọ ẹpe bịdi oghol bọ mọ Ogbogh Ạnir kꞌẠke. Bịdi ọḅile kẹn ni romoroghi ghan miim kọngo ịnon ạrumugh ọbo ephin ologhi ạmi.

Izikiel 20:28

Mị ạsighe bịdi asiemi de phọ mị maguanaan bọ ọngo ạbidi. Mem dị bịdi ọmiin iiphopha aroogbolom rꞌiḍiil ireeny, bịdi ọphinyon rịkia ọngo oomo ạbidi. Bịdi ụngo ịmi ọghagh ologhi loor esi ạrikia phọ bịdi oguom ghan bọ nịan phọ ḅịle rꞌesi amiim mọ bịdi ọsighe bọ oru ịdipho inmo.

Dutoronomi 12:2

Ekori ephiemi oomo ariisi phọ ịpe ạbuo areelhe phọ nyina rẹki bọ ọmoogh phọ rọoḅereghi ghan bọ rụmugh phọ ạbidi, ạnyu aruugum rꞌạnyu aroogbolom mọ rꞌạtorobo ẹlo edi ude aruurum mọ.

Bụo Ịiruen 3:7

Kụ awe phọ Ịzirel oḍighi ịkaraph risigh Ọmoogh-we phọ; oghel Ọmoogh-we Ẹnaan phọ ạbidi, kụ ooseeny ghan Baal rꞌAsera.