Jerimaya 17:1 - Ạḍinya Iigbia

¹ Ọmoogh-we phọ rạḅem mọ, “Nyina awe aJuda, ịkaraph phọ anyina ọsighe ọgeom dị aḍighi okuron kụ ọgeom; ọsighe ni ọsiosio ạdayamon kụ ọkaam ọlogh sịphe iloghi phọ anyina ḅịle kẹn rꞌọgbal arenmeny ạrikia phọ anyina.

Jerimaya 17:1 Iomraidhean Croise

Asidogh 3:3

Kámeera omeelom rꞌọḅogh aloor ọngo ekpetenaan nyịna. Kpụa dọl phọ ạḍien orum ạna kụ ạge sịphe ologhi ạna.

Asidogh 7:3

Pạm ịtughemi ạmi loor oomo amem; gẹ sịphe ologhi phọ ạna.

Azaya 49:16

Jeruselem, mị nyịna káwula! Mị mạge ḍien ạna rạda ạraghaagh ạmi.

Jerimaya 11:13

Awe phọ aJuda ọmoogh rụmugh dị eḍiza ịdipho igbogh ạramha phọ ạbidi eḍiza bọ, ḅịle kẹn awe phọ aJeruselem mọkanagh renmeny omuzeḍi ịdipho aroḅodo phọ emuza bọ ẹmha phọ, renmeny dị kọpinyon ghan rịkia ọngo ọḅoria phọ aBaal.

Jerimaya 2:22

Ghạlamo nạ ụsighe sạḅa dị ạnighe iboom kụ awuraam mụum, mị kạmiin ni ẹenir phọ ẹbiph bọ nyịna loor esi ịkaraph phọ ạna.

Jerimaya 31:33

Imoom ịyo phọ mị kakiran bọ rꞌaweye phọ Ịzirel keḍighi ịduon: mị kạlogh iilogh ạmi ạngo bịdi kụ ạgeeghi sịphe iloghi phọ ạbidi. Mị kaḍighi Ẹnaan ạbidi, kụ bịdi oḍighi weye ạmi.

Jerimaya 4:14

Jeruselem, tootola ịkaraph sịphe ologhi phọ ạna, pịdi nạ ạmoogh pẹleeny. Ạpur amem kụ nạ ạbile ọotughian ghan ịkaraph ịitughian?

Hosia 12:11

Ghạlamo ni ịduon phọ bịn rooseeny ni ịkaaghineen ạrumugh ẹpe Gịliad, kụ bụphe rooseeny ghan bọ bịdi komugh ni. Ilephiri ạsinam kụ ẹdi rọpinyonom rịkia sịphe Gịlgal, kụ arenmeny phọ edi bọ ẹpe phọ keten ruḅum asighiigh sịphe ạḍiyaghaghaany ade phọ.”

Hosia 7:2

Amem ílho ọotughian mọ mị kạatughian ni oomo ịkaraph phọ ịphen; kụ ịkaraph ạbidi ekoom bịdi, kụ mị kạbile dị mị kạ́miin.”

Hosia 8:11

“Ọnhu arenmeny ạrikia dị awe phọ Ịzirel odoghoḍi ịlo ootol ịkaraph, ịdipho kụ ọnhu ariisi dị bịdi ọmoogh oḍighi ịkaraph.

Lịvitikos 4:25

Kụ oyil ạrikia phọ ạsighe ghụnugh ọdi ạtiom ghan sịphe ologhi ịḅaal phọ, agbul rạphaal phọ edi bọ sịphe enmeny phọ, kụ aaku ịpe esugha bọ eeḍian enmeny phọ.

Zẹkaraya 7:12

kụ arokpom mọ ạbidi ẹkpar ịdipho aḍighiigh. Loor esi dị bịdi úmeera bọ ụ́naghanan ịtughemi phọ mị arom bọ bụḅel ariil phọ kụ ọtughemi, mị ụghagh ni ologhi iboom.

2 Bụo ạKorint 3:3

Oomo awe phọ rọmiin ni mọ nyina kụ ạḍinya phọ aKraist yoor ọsighe bọ oruom aḅirini phọ. Ḍịnya phọ ụ́ge loor eeḅoghoḍi aḍighiigh, ụge ghụn sịphe iloghi phọ awe. Ụ́geom iki, ụgeom ghụn Uwaloor Ẹnaan phọ edi ghan bọ.