Jerimaya 16:6 - Ạḍinya Iigbia

⁶ Ạraalha phọ rꞌarukulom mọ komuughu ni sịen ade phọ ạḍien, kụ ọlo oye kámoghi bịdi mụghumo oḍiighi ạbidi. Oye kạ́logha ẹlem loor ọdi mụghumo oghula ẹmhu ọdi esi oḍeenaan ọto.

Jerimaya 16:6 Iomraidhean Croise

2 Krọnikuls 36:17

Ịduon kụ iḍighi kụ Ọmoogh-we phọ ạsighe ọdaam eelhe phọ ạBabilon mọ eeghiom bịdi. Ọdi ạze ni ugheel ạnmuny phọ, ghạlamo rꞌịsiphe Otu Ịiḅereghi phọ. Ọdi ọ́mooghaan ọnma ighirigiir oye, mꞌonyugheel mꞌokumoor oye, mꞌolephiri mꞌạnir, mꞌómoom mꞌamoon. Ẹnaan ịḅogh ni oomo ạbidi ẹngo nyọdi.

Azaya 22:12

Egbogh Ẹnaan Oomo Ịikpo Ọmoogh-we phọ ịmagh ghan inyina mem mọ ọpo mọ imoghi rꞌọto, ịlo oghula ạrumhu anyina kụ oonmenan iinmenan ọto.

Azaya 24:2

Tọrobo oye kazuan ni eniin phọ elhor phọ — riil ạrikia phọ rꞌawe phọ, rẹbene rꞌạburude otu, bụo ogho rꞌạbuo aal, buteneghiom ịimugh rꞌạbuboole, rạalha rꞌarukulom.

Jerimaya 13:13

Kụ agbi ọḅeni ạbidi mọ mị Ọmoogh-we phọ kamuzeḍi miim siloor awe ade phọ ạḍien tụtu amiim ạze bịdi: ạbudaam mọ, bụphe oḍighi bọ ẹemara ẹemara aDevid, rꞌariil ạrikia phọ, rꞌariil Ẹnaan phọ, ḅịle kẹn rꞌoomo awe phọ aJeruselem.

Jerimaya 16:4

Ịkaraph ạreezegh kụ kẹze bịdi, ḅịle kẹn oye kámoghi bịdi mụghumo oḍiighi ạbidi. Aḍizu phọ ạbidi kẹmina yogh ịdipho egu ẹenir sịphe ade phọ. Bịdi komuughu erugh ẹgham mụghumo esi ọkoony, kụ aḍizu ạbidi eḍighi eḍien ịnun rꞌilhom ịnam.

Jerimaya 41:5

ọphaanyadi awe ụḍua ni Sẹkem, Sailo rꞌaSameria kụ oru osi. Bịdi ughula rẹleem ạbidi, ọphanyi rụsuoma ạbidi, kụ obenegha siloor ạbidi. Bịdi ụsighe ịbiakpa rꞌịnsens kụ rọkimom Otu Ịiḅereghi phọ ịlo ọngo Ẹnaan.

Jerimaya 47:5

Oboom ọto masooraan weye aGaza, kụ awe Askelon oḅoorian. Kꞌạpur amem kụ ẹdi bụeri phọ awe aFilistia kọtol ghan okururu?

Jerimaya 48:37

Oomo ạbidi moghula rụmhu ạbidi okula ịleem ạbidi. Bịdi modoghoḍian rẹlem rạghaagh ạbidi, kụ tọrobo oye mạkpologhian ạsuoma ọto.

Jerimaya 7:29

“Ịmoogh ọto, weye aJeruselem; ịsama yogh sịlaal anyina eroḅologhi. Ịmoor ḍụor amaḍi sịphe ạnyu ạraaḅaraph mọ, loor esi dị mị Ọmoogh-we phọ rạkagh ni ologhi kụ mạḅile akel weye phọ ạmi.

Jerimaya 8:2

Kpạripe rꞌookpomoghi oḍi, ịḅarara phọ ạbidi kẹtol ạnyu ade phọ ẹngo ẹnuum de phọ. Kọotarion esi lọ erumuḍio phọ kesoorom rꞌụnwanyu phọ rꞌạraanaan phọ kụ ịdi ịpe awe phọ ạbuen phọ ọphomoghian ghan bọ ọḅile okumu, ọḅile kẹn ọoḅereghi ghan ọḅile ọghi ghan ḍipuru.

Lịvitikos 19:27

Ị́sama sịlaal ẹmhu anyina, ḅịle kẹn, íkula ghan ọleem anyina.

Lịvitikos 19:28

Ị́tuan ghan ọto mọ oye mamugh égbooghian rẹlem loor anyina, ẹḅile ẹ́kiripha siloor anyina. Mị kụ Ọmoogh-we phọ.

Ẹmos 6:11

Mem dị Ọmoogh-we phọ kụ mạḅa ẹḍogh-adom, koogulemi ni ruutu, ịbam rꞌigbogh.

Matiu 9:23

Kụ ạJizos rosi bọ otu uwo ẹmhu phọ, kụ ạmiin dị buniin awe ropula ghan okporo, buniin rọyugh,

Dutoronomi 14:1

“Nyina ạnmuny Ọmoogh-we Ẹnaan phọ anyina. Mem lọ oye amugh, kégbua ghan rẹlem ịdipho ạbunon awe; kéekporonaan ghan rụmhu anyina rꞌiidum ariḍien anyina,

Ogonanami Phọ 20:12

Kụ mị ạmiin bụphe momuughu bọ, bụbam rꞌabugbogh, dị ọmeregha ghisigh ạgada ọdaam mọ. Ukpenyon ni rịnya kụ ọḅile okpegheron ḍịnon ạḍinya, ḍịphe ạbuphe odi bọ. Ụge ni iiḍighi ạbuphe momuughu bọ sịphe ạrinya phọ. Ụdaph ni ịphen phọ kụ oogboonaan bọ bịdi ịiruen phọ.

Ogonanami Phọ 6:15

Kụ ạbudaam aḅirini phọ rꞌabugbogh awe rꞌạbuo ạrumhu ẹgham rꞌạraalha rꞌarephelegbe rꞌoomo ạbunon awe, rẹbene rꞌạbuo ade, ạaghian ologhi aropogh rꞌeeḍian asighiigh aruugum mọ.