Jerimaya 16:5 - Ạḍinya Iigbia

⁵ “Otu lọ ọto odi úḍigh ghan. Kạ́tuan oye ámoghi. Mị kạ́sephom mun weye phọ ạmi rꞌẹepho mụghumo oḍeenaan ạbidi ẹphomoghian rꞌọnma ighirigiir.

Jerimaya 16:5 Iomraidhean Croise

Ạsuor 25:6

Ọmoogh-we, tụutughian ọnma ighirigiir rꞌẹphomoghian phọ ạna rémuneen ghan bọ, ẹpe nạ ụphomoghian bọ ịmi kꞌaḍiodiidi.

Azaya 27:11

Ịla ireeny phọ mẹgharaghar kụ eḅonyonu, kụ ạnmariir ọso eḍighi ịpe ạnian. Loor esi dị awe phọ ịyaar kőlhegheri bọ, Ẹnaan Ọlemia phọ ạbidi kạ́nma bịdi ighirigiir ḅịle kạ́seenyaan bịdi.

Jerimaya 12:12

Awe ẹgham mọghi eten ẹdala phọ rẹḅeeny bọ roogbolom mọ kụ role uruur rạraar ade phọ. Mị marom mọ ẹgham ẹghi eegulemi de phọ; oye ólho dị kạtolom rꞌẹepho.

Jerimaya 13:14

Kụ mị agbi nụun oḅomoghi ạbidi ịdipho izoki dị ọsighe iniin ọgurom iniin, bukumoor phọ, rꞌạbubam mọ, oye rọbile. Igbiririph rꞌọnma ighirigiir kétue ẹtol dị kikikima ịmi ọze ạbidi.”

Jerimaya 16:13

Kụ iḍighi kụ mị kiroph inyina ạsighe sịen ade phọ ạḍien phọ ạkiom ekpisi dị nyina rꞌạburude ạburude anyina kólhegheri ghan. Kụ ẹpe phọ kụ ẹdi nyina kekumu ịnon ạrumugh ḍughul rꞌootaany, kụ mị inyina ighirigiir kạ́nma.’”

Ịkunuma 3:17

Mị mawula ịyaar lọ omoon aloor rꞌẹepho rꞌọḅaal ologhi aru.

Zẹkaraya 8:10

Tụtu kẹteeny bọ sịen phọ oye órue ghan ophir oye mꞌẹnam, ḅịle kẹn oye ọ́rol dị úkiilaan ghan ẹpomoghian phọ ọdi. Mị kụ ụsighe ghan weye ạkpaaghiom weye.

Dutoronomi 31:17

kụ mị ạkagham bịdi ologhi ḍio phọ ạḍiphe, kụ mị akel bịdi, kụ mị ạbooghi risigh ạmi esi ạbidi, kụ ọminogh bịdi. Kụ ọdo kịrokiro ịminimiin rꞌịkaraph esoroghuom bịdi, kụ bịdi ọḅem ghan ḍio phọ ạḍiphe mọ ịkaraph phọ ịphen ịtu ika kụ risoroghuom bọ iyira, ịdi eḍighi bọ Ọmoogh-we phọ ólhoonaan mun rꞌayira.

Ogonanami Phọ 6:4

Kụ ọtogh-tọgh ạsu aru amite. Ụngo ni nyọpo aḍigh bọ ạsu phọ ịikpo mọ alher ẹgham sịen aḅirini phọ, mọ awe ọzian siloor. Ụngo kẹn ni nyọdi eboom elhool ẹgham.