Jerimaya 16:12 - Ạḍinya Iigbia

¹² Kụ ọlo nyina meeph epu bụrude ạburude phọ anyina. Oomo phọ anyina ọḅaar ẹmhu, ḅịle kẹn nyina ịmi ị́naghanan.

Jerimaya 16:12 Iomraidhean Croise

Emiighom 6:5

Mem dị Ọmoogh-we phọ ạmiin bọ ịdi ạsipioghom awe melheeny sịen ade phọ, ḅịle mọ ịitughian ạbidi eḍighi ịkaraph ịkaraph oomo amem,

Emiighom 8:21

Eḍu ẹkia phọ ịḅeeraan ni Ọmoogh-we phọ kụ ọdi ạḅenian loor ọdi mọ, “Mị kạ́tuan mun ịkaraph oye atonyon de phọ, ịdi eḍighi bọ kꞌẹghoroghor phọ oye ịkaraph ịitughian kụ edi ghan sịphe ologhi phọ ọdi. Mị kạ́ḅile mun apiemi oomo ạraraar phọ ịpe mị ạlhem bọ ẹmoogh bọ ghuḍum ịduon mị aḍighi bọ mem mọ ạmuen.

Ọtughemia Phọ 8:12

Eeni amem abuḍighinom ịkaraph kosoroghu ni oniin okuron iilogh bịn kụ odi ni eye. Ii, mị alegheri ni ịdi bịdi rọḅem ghan: “Eḍighi ịyaar dị nạ ạnaghanan Ẹnaan, pọ oomo ạraraar kẹnighe ni,

Ọtughemia Phọ 9:3

Ḍiniin ạdol phọ kụ edianaan ni oomo phọ ạbidi, kụ ịphen phọ ebeeph ni ịdipho ạtorobo ịnon ạraraar dị remite ghan sịen aḅirini phọ. Ịdipho aghuḍum awe kạtol ghan bọ ni, ạsipioghom rꞌẹlaal kụ kemuza ghan ni iloghi ạbidi, kụ ekperenom bịn bịdi momugh.

Jerimaya 13:10

Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 17:9

“Ạnhian kụ katue ạnaghanan ologhi oye? Ịyaar areekeleghian dị eeleeny ílho; ẹzegh phọ ọdi epel ookonom.

Jerimaya 18:12

Bịdi kọpagharanaan mọ, ‘Eeye, yoor kọtuan eeghe kụ onmia bọ? Oomo ayoor kọtolom ni ẹekpara ẹmhu phọ rꞌịkaraph phọ ayoor.’”

Jerimaya 22:28

Kụ mị ạḅem mọ, “AJehoyasin ọdaam mọ mạghigh ịdipho izoki dị meḅomaan kụ oroph bịn kụ oye ụ́wa mun? Ẹpe kụ ịyaar phọ ọtu bọ ọsighe nyọdi rꞌạnmuny phọ ọdi ọghi oseere dọl iiruen ẹpe eelhe dị bịdi úlegheri?”

Jerimaya 7:24

Kụ bịdi ụ́naghanan. Kpạripe ghụn bịdi uḍighi ghan tọrotoro ịlo ịkaraph iloghi phọ ạbidi ẹḅeni bịdi oḍighi, ḅịle kẹn bịdi eeph ni ọloghori kpạripe rꞌọnighe.

Jerimaya 7:26

Kụ ọlo rꞌoniin oye ọ́naghanan. Kpạripe ghụn, nyina ịḅile ghụn bịn kụ ẹḅaar ẹmhu epu bụrude ạburude phọ anyina.

Jerimaya 9:14

Kpạripe ghụn, bịdi ọḅaar ẹmhu kụ rọoḅereghi ghan eru phọ aBaal, ịdipho ạburude ạburude phọ ạbidi ọtughemi bọ bịdi.

Ịkunuma 5:7

Ạburude ạburude ayoor ụpioghom ni, kụ nyịidipho bịdi momuughu, kụ yoor rọmiinom loor ịkaraph phọ ạbidi.

Izikiel 20:30

Nyịidipho ḅẹni bụo Ịzirel phọ ịphen mị Ọmoogh-we dị ạmoogh oomo ịikpo phọ rạkaaph bọ: Iḍighi ika kụ nyina keḍighi bọ iniin ịkaraph phọ ạburude phọ anyina oḍighi bọ kụ esi oghiil ọdaph ịkaaghineen ạrumugh phọ ạbidi?

Ẹmos 2:4

Ọmoogh-we phọ ạḅem mọ, “Awe aJuda mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi moofolomi ịtughemi phọ ạmi kụ úuko ikpo ọnhu phọ mị ạḅeni bọ bịdi. Iniin phọ ịkaaneen ạrumugh phọ ạburude ạburude phọ ạbidi ọdaph bọ meḍur bịdi ẹgbole.

Malakai 3:7

Nyina ẹkigh bụrude ạburude phọ anyina bụphe moten bọ, nyina mẹḅitonaan iilogh phọ ạmi ẹḅile kẹn rẹ́daph mun. Ikiton eru esi ạmi, bịn mị kakiton ni atu esi anyina. Kụ ọlo nyina repuru ghan mọ, ‘Yoor koḍighi bọ ika kụ oḅula esi ạna?’

Elegh ạMak 7:21

Ịsiphe ologhi oye phọ kụ ẹdi ịkaraph ịitughian ẹḍua ghan bọ remite. Olhe ẹmha ạregelenya, imi, ọko enu, olhe ẹmha,

Dutoronomi 29:19

Oye lọ ạnaghan iikunya ikpo ọnhu ịyo phọ ịphen kụ ạsephian loor sịphe ologhi phọ ọdi kụ ạḅem mọ, ‘Ịyaar ịmi kíḍighi, ghạlamo ịduon mị ratelhiom bọ ni rꞌoḅom ẹmhu sịphe ologhi phọ ạmi, ạḅaram ịpughol rꞌẹephua ịpughol.’

Dutoronomi 9:27

Tụutughian butelhedom mọ ạna Ebraham Ạizik rꞌạJekob. Kạ́maghami ịyaar oḅom ẹmhu awe phọ ạna ạbuen rꞌạsipioghom mọ ạbidi rꞌịkaraph phọ ạbidi,

2 Timoti 3:13

kụ ọlo abuḍighinom ịkaraph rꞌawe iigbegheḍiom kọloghori ghan ni bịn ọkiom ghisigh ookeleghi ghan bụnon, ọḅile ookeleghian loor ạbidi.

Bụo aHibru 3:12

Bụo asiya, igona loor anyina ẹmiin mọ rꞌoniin ọnyo anyina ọ́moogh ologhi dị eeph iboom rꞌemeeraam, dị ọdi kạgbatanaan ạḍua esi Ẹnaan phọ edi ghan bọ.

Bụo Ịiruen 2:19

Kụ tọrobo amem lọ oye ịiruen phọ amugh bịn bịdi mokiton roḍighi yogh ọdorodo dị epu ịpe ạburude phọ ạbidi. Bịdi ụ́bile ẹkaraph eḍighinom mọ ạbidi rꞌoḅom ẹmhu phọ ạbidi.

1 Sạmuel 15:23

Oruphiom ọdi ẹgham abeeph ni ịdipho ọgbe-ạghama, kụ ophoophe aloor aḍighi ni ịkaraph ịdipho ọka ịyaar ọoḅereghi. Loor esi dị nạ maghel bọ ịto Ọmoogh-we phọ, ọdi kẹn maghel nyịna oḍighi ọdaam.”