Jerimaya 16:10 - Ạḍinya Iigbia

¹⁰ “Mem lọ nạ ạḅeni bịdi oomo phọ ịphen phọ, bịdi kopuru ni nyịna ịpe eḍighi bọ kụ mị magbiighi bọ ọliom ạbidi ịdi ẹgbagara ịduon. Bịdi kopuru ni ọdo phọ ịpe phọ ọpioman bọ rꞌọdo ịkaraph lọ bịdi moḍighi esi Ọmoogh-we Ẹnaan phọ ạbidi.

Jerimaya 16:10 Iomraidhean Croise

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 13:22

Eḍighi ịyaar lọ nạ apuru ịpe eḍighi bọ kụ oomo phọ ịphen phọ memitenaan bọ nyịna — ịpe eḍighi bọ kụ mọphanyi bọ ukpe phọ ạna bịn obiighi nyịna — ịtuan esi igbogh ịkaraph phọ ạna.

Jerimaya 2:23

Nạ kaḍighi ika kụ ạḅem bọ mọ nạ ọ́opuan loor phọ ạna, mọ nạ kꞌekulha ọ́oḅereghi Baal? Pogh aani ịpe nạ ạpioman bọ ẹpe eḍiiny phọ; mịin ịpe nạ aḍighi bọ. Nạ ạkigh ẹnam ạkamel dị oye ụ́moogh kụ rạwa mọ olephiri phọ ạdaar nyịno, rakilighuan ghan bịn,

Jerimaya 2:35

nạ rạḅem ghan mọ, ‘Mị ịyaar ụ́piom; ọkaraghi agey phọ ni Ọmoogh-we phọ ịmi rạ́kagham mun ologhi.’ Kụ ọlo mị Ọmoogh-we phọ kạliom ni nyịna loor esi dị nạ rạparanaan ghan mọ nạ ịkaraph óḍighi.

Jerimaya 44:3

loor esi dị awe phọ ạbidi mọpioghom kụ uḍighi ịmi ịlo ophin ologhi. Bịdi uḍighi ghan rạraar aghuḍum ọngo ịkaanaan ạrumugh kụ okumu ghan ruru dị bịdi rꞌanyina rꞌạburude ạburude ạbidi kꞌekulha kőoseeny ghan.

Jerimaya 5:19

Mem lọ bịdi opuru ịpe eḍighi bọ kụ mị aḍighi bọ oomo ạraraar phọ ịphen phọ, Jerimaya, ḅẹni bịdi mọ ịdipho bịdi ụwile bọ ịmi kụ okumu iiruen ạrumugh sịen ẹmha phọ ạbidi, ịdipho kẹn kụ ịdi bịdi kokumu ruuruen ẹpe eelhe dị ítu nyẹen ạbidi.”

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Hosia 12:8

‘Yira moḍum,’ bịdi ọḅem. ‘Yira mọmoogh ẹelha. Kụ oye ólho dị kụḍagha iyira mọ aghuḍum ayira ạkuo iigbegheḍiom.’