Jerimaya 15:8 - Ạḍinya Iigbia

⁸ Arukpukele ạnmariir dị odi sịen ade phọ anyina opel ịisaar ọgbal ọphiiny. Mị ụze ni ugheel ạnmuny phọ anyina ạḅile aḍighi ịdi aburunhiin phọ ạbidi ọmiinom. Mị ụgur bịdi ekperenom rꞌeephina ḅịle rꞌaruugu.

Jerimaya 15:8 Iomraidhean Croise

Azaya 3:25

Weye ẹmha phọ, agey ni, ghạlamo rꞌạbuphe ọmoogh bọ ịikpo phọ bịn kọze ni ẹgham.

Azaya 3:26

Ạrunhu-aḍibuo ẹmha phọ kẹto ni kụ emoghi, kụ ẹmha phọ rꞌaloor kẹkigh ịdipho ạnir dị odi ẹdaḅa kụ ạrol oopho ude.

Azaya 4:1

Mem dị amem mọ ạmuphe eru, oḍual ạnmariir kosiph ni ọpam oniin olephiri ọony kụ ọḅem mọ, “Yoor kole ni ọḅile oonmenemi siloor ayoor, kụ seseeny meera ni yoor ọḅem mọ nạ olhom ayoor, bịn íḍigh mun umugholoor esi ayoor ọrol ghan ạdol ạregelenya phọ.”

Jerimaya 16:3

Mị kạḅeni nyịna ịdi kemitenaan ịbam ạnmuny dị ọmar sịen ḅịle kẹn rꞌạburude phọ rꞌaburunhiin phọ ạbidi.

Jerimaya 18:21

Kụ ọlo nyịidipho, Ọmoogh-we, bịle ọkoony ạze nmụny phọ ạbidi; ẹgham ẹze bịdi. Aburulhom mọ rꞌạnmuny phọ omuughu ọwile nmạriir phọ; alephiri phọ omuughu esi ạreezegh ḅịle kẹn ughel ạnmuny phọ omuughu erugh ẹgham.

Jerimaya 22:7

Mị ratom weye mọ oru oogulemi ogiga ọdaam-ẹmha phọ. Bịdi kọpam ni sikubu ạbidi otumom kụ olereghiom ịma ikpo aroko ọsaga phọ ọdi, kụ ọsighe oguom nịan.

Jerimaya 4:16

Bịdi moru ọphur ạruru reelhe phọ rꞌọḅeni aJeruselem mọ ẹpomoghian mọḍua ni ẹekela ekpisi rotu. Ẹpomoghian phọ ạbuen phọ kọlooghiom rạmha phọ aJuda,

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Jerimaya 6:26

Ọmoogh-we phọ ạḅeni weye phọ ọdi mọ, “Ịkpologhian ạsuoma ọto kụ eekila esi ọoru. Imoghi igey izin ịdipho oye lọ ogina ọony ọdi amugh loor esi dị ọpo ratu bọ oogulemi anyina kizuom ni inyina ekperenom.

Ịkunuma 5:3

Ạbumulogh-ḍien mọze bụrude ayoor, kụ nyịidipho aburunhiin ayoor moḍighi rukpukele ạnmariir.

Izikiel 22:25

Abuḍiemiom mọ ọkigh ạnam-dịka dị remophoghuan ạnyu ịnam mọ bịdi mẹze bọ. Bịdi ọze we phọ, ọsighe oomo ikpoki rꞌaruphua phọ dị bịdi kọmoogh, kụ esi ọkooghi runu phọ bịdi motene ịbadi rukpukele ạnmariir.

Hosia 4:5

Ḍughul rꞌootaany nyina reekpeteghaan ghan, kụ ariil phọ rꞌanyina ọgbaranaan ólho. Mị kapiemi ni Ịzirel, onhiin phọ anyina.

Elegh aLuk 21:35

ịdipho aḍiphil, kụ esiph oomo awe aḅirini phọ.