Jerimaya 15:5 - Ạḍinya Iigbia

⁵ Ọmoogh-we phọ ạḅem mọ, “Nyina awe aJeruselem, ạnhian kụ kịnma bọ inyina ighirigiir phọ, ḅịle kẹn ạnhian kụ kạmoogh ọto loor ẹmhu anyina? Ạnhian kụ kạmeera bọ akori opuru ịlo nyina edi?

Jerimaya 15:5 Iomraidhean Croise

Job 19:21

Nyina ạrighiri ạmi! Ịnma ịmi ighirigiir! Ạḍighaagh Ẹnaan mịgur ịmi eler ude.

Ạsuor 69:20

Ịḅenian mẹphue ekpom ạmi mị odi dọl okururu. Mị ạnmanaghian oye lọ rụseenyaan ịmi kụ mị ụ́miin; ọlo rụudereghi ịmi kụ mị ụ́miin.

Ẹḍua 18:7

ọdi amite ạghi azuan ọyogo phọ ọdi, kụ akpuḍian ghisigh ọdi kụ ạkpun nyọdi. Kụ oniin apuru ghan nyoniin ịlo aloor phọ, kụ ọghi oḍigh sịphe ogbogo phọ.

Azaya 51:19

Ịyal igbogh ịiḅaghami mesoorom nyịna: ẹgham mephiemi de phọ ạna, kụ awe phọ ạna odi ọkoony. Oye ólho ọseenyaan ạna.

Jerimaya 13:14

Kụ mị agbi nụun oḅomoghi ạbidi ịdipho izoki dị ọsighe iniin ọgurom iniin, bukumoor phọ, rꞌạbubam mọ, oye rọbile. Igbiririph rꞌọnma ighirigiir kétue ẹtol dị kikikima ịmi ọze ạbidi.”

Jerimaya 16:5

“Otu lọ ọto odi úḍigh ghan. Kạ́tuan oye ámoghi. Mị kạ́sephom mun weye phọ ạmi rꞌẹepho mụghumo oḍeenaan ạbidi ẹphomoghian rꞌọnma ighirigiir.

Jerimaya 21:7

Kụ ọlo ịlo anyina, ạbuo ịtooghi phọ anyina, ḅịle kẹn rꞌawe lọ okpetenaan ẹgham mọ rꞌịgbakuro phọ ḅịle kẹn rꞌẹzegh phọ — mị kameera ni mọ ạNebukadnezar ọdaam mọ ḅịle kẹn rꞌawe ẹpomoghian phọ anyina bụphe rọwa bọ ọze anyina, isiphi inyina ọḍuanam. ẠNebukadnezar kụ kịze inyina. Ọdi kásugheeny rꞌoniin ọnyo anyina mụghumo ọnma ighirigiir ọnyo anyina. Mị, Ọmoogh-we phọ, kụ mạḅem.”

Ịkunuma 1:17

“Mị asele rạghaagh ạmi, kụ rꞌoye ịmi ụ́loghonaan ḍịghaagh. Ọmoogh-we phọ mạamaghagh bụmulogh-ḍien dị ọḍua oomo ạga ozuom ạmi. Bịdi uphoghom ịmi ekpeḍien dị mị aḍighi oopho ịyaar bịn.

Nẹhum 3:7

Oomo ạbulo ọmiin nyịna kọnyaghaan kụ oḅula ọman. Bịdi kọḅem mọ, ‘Nineve mephe! Ạnhian kụ kạnma nyọdi ighirigiir? Ạnhian kụ kạadereghi nyọdi?’”

Bụo Ịiruen 18:15

Kụ bịdi okiton ọghi osi ẹpe otu phọ aMaika, nyọpo ọnyo aLivai phọ arugh bọ, kụ opuru nyọdi ịlo ọdi odi.

1 Sạmuel 10:4

Kụ bịdi kọmagh ni nyịna mọ mẹḅaal, kụ ọsighe ịyal iiḅoghoḍi ạbred ọngo aani nyịna, kụ sịghe ni.

1 Sạmuel 17:22

ADevid ạsighe eḍien phọ ọdi ạpham bọ aseenaan opoghom ariiḍien phọ; kụ aghiil ạghi aani ẹpe erugh ẹgham mọ, ạghi ạteeny bumor phọ ọdi kụ apuru ịlo ạraraar phọ edi.

1 Sạmuel 25:5

Kụ odi arom ḍioph ugheel ạnmuny mọ ọghi Kạrmel, ọwa Nebal kụ opurunaan nyọdi.