Jerimaya 15:3 - Ạḍinya Iigbia

³ “Mị Ọmoogh-we phọ magbiighi ạman mọ inya ọdo iikia ịkaraph kụ kemitenaan bịdi: kọze bịdi erugh ẹgham; asuogh kụ kẹkogh ḍizu phọ ạbidi ẹḍuanam; ịnun kụ kẹba bịdi, ḅịle kẹn ilhom ịnam kụ kẹba ịyaar lọ esugha.

Jerimaya 15:3 Iomraidhean Croise

Ạsuor 68:23

ẹrol dị nyina ẹguph ogbo ịḅaal ạbidi, ḅịle asuogh anyina ẹlaay ịlo bịdi ketue.”

Azaya 18:6

Ruzu ạbuo ẹgham mọ omuughu bọ kọbilenaan ephoghoghoony ịnun rꞌilhom ịnam mọ. Mem aghozogh ịnun phọ kẹḅa ghan bịdi, kụ ịnam mọ ẹḅa ghan mem arunu.”

Jerimaya 12:9

Awe phọ mị ạsaḅar bọ ọkigh ẹnun dị aḍita ạroogho reesophoghian oghiigh. Ịmagh ilhom ịnam mọ eru eḍighan ạanyi!

Jerimaya 14:12

Ghạlamo bịdi ụkaagh ni ẹḍogh mị kạ́naghanan emoghi ọloghonaan ạḍighaagh phọ ạbidi; ḅịle kẹn ghạlamo bịdi ụphinyon ni rịkia oguom ạnian ḅịle rꞌạrikia ariiḍien, bịdi kọ́ḅaalami ologhi ạmi. Kpạripe ghụn mị kạziom bịdi ẹgham, ḅịle rꞌịgbakuro, ḅịle rꞌạreezegh.”

Jerimaya 14:16

Awe phọ bịdi mọḅeni bọ rạraar phọ ịphen phọ komugh aani kẹn ni eniin phọ eten phọ. Ruzu phọ ạbidi kotebeneghi roḅodo aJeruselem, kụ oye kạ́tol oḍiighi ạbidi. Ịphen phọ kemitenaan oomo phọ ạbidi — ẹḅaram nmạriir rꞌạnmuny rꞌạnmanyaan ạbidi. Mị kaḍighi ni ịdi ịkaraph phọ ạbidi kẹkpe bịdi.”

Jerimaya 16:4

Ịkaraph ạreezegh kụ kẹze bịdi, ḅịle kẹn oye kámoghi bịdi mụghumo oḍiighi ạbidi. Aḍizu phọ ạbidi kẹmina yogh ịdipho egu ẹenir sịphe ade phọ. Bịdi komuughu erugh ẹgham mụghumo esi ọkoony, kụ aḍizu ạbidi eḍighi eḍien ịnun rꞌilhom ịnam.

Jerimaya 7:33

Aḍizu ạbuphe momuughu bọ keḍighi eḍien ịnun rꞌilhom ịnam, ḅịle kẹn oye kạ́tol ophorogh ạbidi.

Ịkunuma 3:11

Ọdi uphorogh ịmi asumeeny eḍum, ụphanyi ịmi ịpherepe, kụ ụwile ịmi.

Izikiel 14:21

Ịphen kụ ịpe Ọmoogh-we dị ạmoogh oomo ịikpo rạḅem bọ: “Mị kiruom inya ạmalhiom ạmi dị eeph igey sịphe Jeruselem — ẹgham, ịgbakuro, ilhom ịnam rꞌẹzegh — ophiemi awe rꞌịnam igina phọ.

Izikiel 33:27

“Ḅẹni bịdi mọ mị Ọmoogh-we dị ạmoogh oomo ịikpo ạpur bịdi rụru mọ agey ni ịduon mị aru bọ Ẹnaan dị edi ghan, we phọ ạbuphe orughogh bọ rạmha phọ mepheeghu bọ kọze ni. Bụphe orughogh bọ riiḅila ariikpisi phọ ilhom ịnam kụ kẹba. Bụphe ạaghian bọ ạnyu ạraaḅaraph phọ rꞌaropogh aruugum mọ komughom rꞌạreezegh.

Lịvitikos 26:16

Mị kịliom inyina. Mị kịngo inyina ilhom ịiḅaghami dị ketu izuom inyina ịmooph inyina, rẹezegh dị kótue ookonom rꞌosipheeny dị kạaḅaghami riḍien anyina, kụ aḍighi ịdi aghuḍum anyina kaguul ape. Nyina ẹpu ghan bịn ẹzuph ịizupha phọ anyina, dị ạbumulogh-ḍien kụ kole ghan ịpe nyina mẹzuph bọ.

Lịvitikos 26:22

Kụ mị ạbile ilhom ịnam eḍigh pạ ogbo phọ anyina, kụ ẹsighiogh ghan nmụny phọ anyina, ẹḅile ghan ẹze ghan ịnam-otu phọ anyina, kụ ighome inyina nyina kéḍiza mun, kụ areten phọ anyina epeeghu.

Lịvitikos 26:25

Kụ mị kịlhiom inyina ẹgham esi ọka ịyo phọ yira oghiran bọ. Kụ eru mạar dị nyina eekpomoghan sịphe ạramha phọ anyina ịlo ẹereegh, mị kiruom inyina rẹezegh dị kótue ookonom, kụ ẹkpaariom nyina emeel eḍigh rạghaagh ạbumulogh-ḍien phọ anyina.

Ẹmos 5:19

Kẹkigh ịdipho oye dị aghiilaan ạnam-dịka kụ ạghi azuan eephe-ạno! Ḅịle, ịdipho oye dị arigheel kꞌọdi, kụ ạzu iikpe otu phọ, kụ ẹkaraph-ịyaar kụ elom!

Dutoronomi 28:26

Kụ mem lọ nyina emugh, aḍizu phọ anyina keḍighi eḍien ịnun rꞌilhom ịnam mọ.

Dutoronomi 32:24

Ọkoony kụ kạze bịdi; ẹghologhol epiemi bịdi, rꞌẹepoph dị reeteneghian ghan; kụ mị atom ilhom ịnam kụ elomi bịdi, rꞌạrakaraph ạraraar phọ rekuura bọ sịen ude phọ.

Ogonanami Phọ 6:8

Mị uphogh ni kụ ạmiin okpaghaghaany ạsu. Ḍien ọpo aḍigh bọ ạsu phọ ughol mọ Aḍuugh, kụ Ọmar Iḍim mạkpulan ni ọman ọdi. Udi ni aḅirini phọ inya abin kụ ọngo bịdi ịikpo mọ ọsighe ẹgham rꞌịgbakuro rꞌạreezegh rꞌilhom ịnam ọziom muniin abin.