Jerimaya 15:1 - Ạḍinya Iigbia

¹ Kụ Ọmoogh-we phọ ụḅeni ịmi mọ, “Ghạlamo aMozis rꞌạSamuel kụ uru ni ọmeera sịen kụ ụuḅereghian ịmi, mị kạ́nma ighirigiir weye phọ ạbuen. Ḅẹni bịdi ọḍua; ḅẹni bịdi mọ ọḍua risigh ạmi.

Jerimaya 15:1 Iomraidhean Croise

Emiighom 19:27

Eḅon ạḍiroor ḍịeri phọ aḍio phọ, kụ Ebraham ạnuun ạghi asi esi phọ dị ạmeera bọ elhor Ọmoogh-we phọ.

2 Ạbudaam 17:20

Ọmoogh-we phọ aghel oomo ọophi phọ Ịzirel ạkpiloghom bịdi ạḅogh bịdi ạlogh ḍịghaagh ạbumulogh-ḍien phọ, tụtu ạḅitonaan bịdi amutonaan ạsighe ghisigh ọdi.

Ạsuor 106:23

Mem dị Ẹnaan ẹḅem mọ ọno kapiemi we ọno, aMozis otelhedom mọ ọdi ạsaḅar bọ ómeera mọ Ẹnaan ephiemi we phọ kụ asophoghom ophin ologhi phọ ọdi.

Ạsuor 99:6

AMozis rꞌEeron kụ ariil ạrikia ọdi, kụ ạSamuel oniin ọdi ạaḅereghi ghan nyọdi. Bịdi ụmagh ni Ọmoogh-we phọ kụ ọdi ạnaghanan bịdi.

Asidogh 14:35

Ạbudaam ropoghom ghan egey ekpeḍien we iiḍighi lọ roḍighi agey, kụ bịdi ọliom bụlo obi bịdi.

Jerimaya 10:18

Ọmoogh-we phọ kiphorogh inyina amitiom sịen ade phọ ạḍien; ọdi kighuur inyina ạmadan rꞌoye kásugha. Ọmoogh-we phọ kụ mạḅem.

Jerimaya 11:14

Jerimaya, kákol mun rụmhu awe phọ ạbuen ụuḅereghian ịmi. Mem lọ bịdi odi esi ịiḅaghami kụ ọlo ụmagh ịmi ọlom ọloghonaan ạḍighaagh mị kạ́naghanan bịdi.”

Jerimaya 14:11

Ọmoogh-we phọ ụḅeni ni ịmi mọ, “Ịmi kúpuru ọloghonaan ạḍighaagh weye phọ ạbuen.

Jerimaya 14:12

Ghạlamo bịdi ụkaagh ni ẹḍogh mị kạ́naghanan emoghi ọloghonaan ạḍighaagh phọ ạbidi; ḅịle kẹn ghạlamo bịdi ụphinyon ni rịkia oguom ạnian ḅịle rꞌạrikia ariiḍien, bịdi kọ́ḅaalami ologhi ạmi. Kpạripe ghụn mị kạziom bịdi ẹgham, ḅịle rꞌịgbakuro, ḅịle rꞌạreezegh.”

Jerimaya 15:19

Esi ịphen phọ Ọmoogh-we phọ ạphagharanaan, “Eḍighi ịyaar lọ nạ arigheel, mị kạsighe ni nyịna aḅulemi, kụ nạ ạḅile aḍighi otelhedom ạmi. Eḍighi ịyaar dị kpạripe rꞌọghaaph ịlo arolologhi kụ nạ ạḅile ghan agbeelom dom dị ẹmoogh ịyaar oḍighinom, pọ nạ kạḅile ni aḍighi oyil ạmi. Awe phọ koḅula ni esi ạna, ḅịle kẹn ẹekpia dị nạ kụ kạki ọteeny ạbidi kẹ́tol.

Jerimaya 16:13

Kụ iḍighi kụ mị kiroph inyina ạsighe sịen ade phọ ạḍien phọ ạkiom ekpisi dị nyina rꞌạburude ạburude anyina kólhegheri ghan. Kụ ẹpe phọ kụ ẹdi nyina kekumu ịnon ạrumugh ḍughul rꞌootaany, kụ mị inyina ighirigiir kạ́nma.’”

Jerimaya 16:5

“Otu lọ ọto odi úḍigh ghan. Kạ́tuan oye ámoghi. Mị kạ́sephom mun weye phọ ạmi rꞌẹepho mụghumo oḍeenaan ạbidi ẹphomoghian rꞌọnma ighirigiir.

Jerimaya 18:20

Ịkaraph kụ iḍighi ruunmo ogey oye ḍụghum? Bịdi moguph ooni mọ mị umeel usuma. Tụutughian ịpe mị aghol bọ ẹmhu ạbidi kụ aru ạḅaanaan nyịna, pịdi nạ kạsighe ghan bọ ọghagh-ologhi kụ apoghom bịdi.

Jerimaya 22:28

Kụ mị ạḅem mọ, “AJehoyasin ọdaam mọ mạghigh ịdipho izoki dị meḅomaan kụ oroph bịn kụ oye ụ́wa mun? Ẹpe kụ ịyaar phọ ọtu bọ ọsighe nyọdi rꞌạnmuny phọ ọdi ọghi oseere dọl iiruen ẹpe eelhe dị bịdi úlegheri?”

Jerimaya 23:39

iikia ílho mị kạson ni bịdi atoph ạkele, bịdi ḅịle rꞌẹmha phọ mị ạngo bọ bịdi rꞌạburude ạburude phọ ạbidi.

Jerimaya 35:19

Loor esi ịduon phọ mị Ọmoogh-we Egbogh Ẹnaan phọ Ịzirel aguanaan ni mọ amem kẹ́tol dị ạJonadab ọony phọ aRekab kạ́moogh ọony ọony dị rakumu ghan ghisigh ạmi.”

Jerimaya 52:3

Ọmoogh-we phọ ạghagham ni ologhi iboom weye phọ aJeruselem rꞌaJuda, dị tụtu ọdi aphorogh bịdi ọḍua risigh ọdi. ẠZedekaya ạḅaar ẹmhu esi ạNebukadnezar ogbogh ọdaam mọ ạBabilon.

Jerimaya 9:19

Ịnaghan ẹḍogh emoghi ẹpe Zạyon, “Yira mophe! Yira moofola ọmadan! Ẹkpe ni dị yira kọbile de phọ ayira; molhereghi ruutu phọ ayira.”

Izikiel 14:14

Ghạlamo iḍighi mạar dị ịraar phọ awe phọ ạbuphe, aNoa, ạDaniel rꞌaJob, kụ orugh ẹpe, igey ạbidi kẹpel sighuḍum ạbidi bịn.” Ọmoogh-we dị ạmoogh oomo ịikpo kụ mạḅem.

Izikiel 22:30

Mị ụwa oye ọlo kạḅiir iikpe, ọlo kạmeera sịphe ariisi phọ ịpe iikpe phọ memeel bọ kụ abianaan de phọ mem dị ọghagh ologhi rạnya ịlo ophiemi ọdi, kụ mị ụ́miin rꞌoniin.

Hosia 9:15

Ọmoogh-we phọ ạḅem mọ, “Oomo ẹkaraph eḍighinom mọ ạbidi imiigh ni sịphe Gịlgal. Ịsiphe kụ ẹdi mị amiigh bọ ọlogh ạbidi ḍien phọ. Kụ loor esi ịkaraph phọ bịdi moḍighi bọ, mị kaporogh ni bịdi ạsighe sịphe ade phọ ạmi. Mị kạ́pomoghian mun bịdi; oomo abuḍiemiom ạbidi mọḅaar ẹmhu esi ạmi.

Zẹkaraya 3:3

AJosua ạmeera ni sịphe phọ; ạkpologhian rụsuoma dị eḍigh ẹenir iboom.

Dutoronomi 9:26

Kụ mị ạaḅereghi Ọmoogh-we phọ kụ ạḅeni mọ, ‘Ẹnaan oomo ịikpo, kápiemi we phọ ạna nạ ạmoogh bọ, bụphe nạ ạsighe bọ igbogh phọ ạna ạtagharanam, bụphe nạ ạsighe bọ ḍilhom ạḍighaagh ạḍuanam ẹpe Ijipt.

Bụo aHibru 9:24

AKraist ọ́ghi oḍigh Ẹphan dị awe kụ oḍighi ọghighemi ẹkaraghi egey phọ. Ọdi agheel ghụn kꞌạke, ẹpe ọdi ạtuan bọ ọgbaanaan ayira kụ ạmeera bọ egbodo phọ Ẹnaan.

Bụo Ịiruen 5:9

Ologhi ạmi odi ghan esi ạbuo ịtooghi phọ Ịzirel, bụphe ọḅogh bọ siloor ạbidi ọngo we phọ. Iboom Ọmoogh-we phọ.

1 Sạmuel 12:19

Kụ bịdi ọḅeni Sạmuel mọ, “Seseeny, oye phọ, kol ẹmhu ayoor ạaḅereghi Ọmoogh-we Ẹnaan phọ ạna ọbo yoor komuughu ghan bọ. Yoor molhoghoma nyịidipho mọ yoor moḍighi kẹn ịnon ịkaraph ọḅaram oomo ịpheri phọ ọḅeni ạna mọ ụngo iyoor ọdaam ẹmha.”

1 Sạmuel 12:23

Ẹlo ạmi ạmi, Ọmoogh-we phọ kúmeera dị mị kạbile ọoḅereghinaan anyina bịn mị aḍighi ịkaraph esi ọdi. Kpạripe ghụn, mị kịtughemi ni inyina rạraar phọ ịpe ẹnighe bọ ẹḅile eḍighi elhiom, pịdi nyina eḍighi ghan.

1 Sạmuel 7:9

Kụ ạSamuel aghiigh ọony oyool-ọga kụ aguom nịan oomo phọ ọdi, ạphighironom ẹkia ạngo Ọmoogh-we phọ. Kụ ọdi ạaḅereghi Ọmoogh-we phọ mọ ạloghonaan ḍịghaagh weye phọ Ịzirel, kụ Ọmoogh-we phọ ạphagharanaan ni ịiḅereghi phọ ọdi.